|
جماهيرنا تقترح لكن لاتلقى من ينفذ .اين الخلل بسم الله الرحمن الرحيم والصلاه والسلام ع اشرف الخلق نبينا محمد وبعد وين من ينفذ طلباتنا واقتراحاتنا فاحنا كاجماهير نتعب ونكتب ونحاول نجيب اشياء تكون الاوليه لنا فيها والاخرين يقلدونا لكن مع الاسف ليس عندنا ناس تنفذ زي سالفه نشيد ترديد طلع البدر علينا طالبنا به وترديده في مباراه الشعله لان الشعارات ممنوعه وهو الوحيد اللي نقدر نقوله ونبين حبنا ودفاعنا عن رسولنا عن طريق الرياضه لانها تصل لكل العالم تقريبا بس مع الاسف لم نشوف ذلك وشفناه في مباراه الاتحاد اسيويا مشكلة رابطتنا اذا مالقت تجاوب من الجماهير ماتنفذ شي طيب نفذو لو بعشرين شخص في الاخير تجدون تجاوب وحتى الجماهير لما تشوف طلباتها واقتراحاتها تنفذ بتشجع وبتتعاون معكم والله الاخ تركي والرابطه وكل من فيها ع راسي لكن مع الاسف مقصرين بقوه تجاه الهلال مانشوف منهم اخترعات جديده ولا ينفذون افكار الجماهير اذا لم تبادر الرابطه والمجلس بتنفيذ مايقوله الجمهور لو بعشرين شخص لن تجد اي تجاوب ليس عيب انك تنفذ كل مباراه فكره جديده لو من يرددها المجلس والرابطه بروحهم لانها مسؤوليتهم ومع الوقت بيلقون تجاوب من الجماهير اتمنى من المسؤولين عن الجماهير انه يكون عندهم طموح وحب تميز وياتون بكل جديد لو بعدد قليل مع الوقت يكبر فلو فيه تصنيف للجماهير من حيث الروعه والتفاعل لاخذ الجمور الهلالي الاخير التقييم ليس بكثره العدد بل بالتميز والافكار الجديده اتمنى اشوف شي ع الواقع يثبت لنا انهم يحاولون وانا اضمن لهم تعاون الجماهير معهم لكن عليهم الصبر ولو جلسو سنه هم فقط من يقوم بها |
الموسمم اللي فآت م شفنآ جمهور يحضر بكثافهه وقلنـآ يآلله شكله عشآن يآسرر مو بـآلهلالِ .. أماا هـآلموسم طلع صحيح آلجمهورر متخاذل من الهلال ويحس روحتهِ للملعب ثقيله .! إن شاء آلله نشوف حضور جمـآهيري مقنع للزعيم :ba: |
إقتباس:
|
إقتباس:
انا اقول اين تنفيذ مقترحات الجماهير واين الرابطه أليست هي المسؤوله مع المجلس مثلا ترديد نشيد طلع البدر علينا هل شفتم مدرج الاتحاد كله يردده بل الرابطه فقط اتمنى النقاش في تنفيذ اقتراحاتنا ليه ماتنفذ وهل اعضاء الرابطه لايكفي العدد وهل الاعضاء حتى في الرابطه لايحضرون اسئله ياليت القى لها جواب بس مستحيل |
صآدقه .. انا اكثر وحده يحببببطني الجمهور .. ليه جمهور الاهلي والاتحآد كل مبآره يسوون حركه ولا يرددون أهزوجه جديده ولا حتى يرفعون أعلآم ويسوون رسمآت وعبآرات بالمدرجآت من تصميم الجمهور نفسه !! الا جمهور الهلآل قلييل جدآ مايسوي كذا .. رغم إجتهادات بعض أعضآء الشرف لدعم الجمهور بس مع كآمل احترامي وشكري الجزيل لهم الا أنه هالشي مايكفي !! مآنبي كم بلونه ولآ قطع بلآستيكيه لأنه أستهلكت هالفكره ولنا كم موسم على نفس الحركه !! رآبطتنآ بعد عليهآ بعض النقد لأنها ماتجيب أهازيج جديده وبسيطه تجذب الجمهور كل الاهازيج قديمه وبصرآحه صآر تأثيرها ضعيف ع اللاعبين لأنها أستهلكت بالنسبه لهم ولنا .!! أتمنى الرآبطه تغير من أسلوبها ولا تغير بعض أفرادها لتجديد الدمآء وجلب أفكآر جديده وتنفيذها لأن جمهور الملكي أكبر وأفضل جمهور بس محتآج أحد يعرف كيف يوجهه ويستغله .. مشكوره اختي على هالموضوع قلتي اللي كآن بقلوبنآ .. وكل التوفيق للملكي غدا .. |
صراحه نشيد طلع البدر علينا من ثنيات الودع وجب الشكر علينا ما دعا لله داع روعه واتمنى ترديدة عند دخول الهلال تقديرا وحبا للمصطفى صلى الله علىه وعلى اله وصحبه وسلم تسليما كثيرا |
إقتباس:
لحد ماياخذ الشلهوب الكاتبتنيه ويشهد الله عليه ماظلمتهم ردودهم بانفسهم في بعض المواضيع بس انا ماعترف فيهم كاهلاليين اقول لهم ياسريون وشلهوبيين اتمنى التوفيق للهلال وعشاقه |
اقترح يكون فيه قسم بالمنتدى خاص للإدارة الهلاليه وهذا دور المشرفين ومن هنا بيوصل صوتنا للإدارة والرابطه وغيره |
حاان وقتنا يااجمهور الهلال لنعيد رووح الهلال من المدرجااااااات بالتشجيع المستمر لجميع الاعبين دون استثناء بعيدا ع الاستهجااان على اي لاعب مهما كاااان مستواه |
إقتباس:
بس مع الاسف نتعب ونكتب وفي النهايه لانشوف الا امور مستهلكه وليتهم يتقنونها الوم هنا يقع ع الرابطه والمجلس هم المسؤولين عن الجماهير عليهم انهم يكونون قد المسؤوليه ويحاولون يجذبون الجماهير لهم لكي يزيد عددهم وجماهير الهلال والله محبه ووفيه بس مع الاسف مو لاقين من يحتويهم وحتى وان لم يتعاون كامل المدرج مستحيل مايلقون الف شخص هنا يكفي العدد لعمل حركه او ميزه |
إقتباس:
نعم هو حلو بس مع الاسف ماعندنا اعضاء في الرابطه يفكرون او ان كان فيه مافيه تنفيذ يعني كان المفروض يسوونه في مباريات الشعله كونها هي التي كانت بعد الاساءه لرسول بس مع الاسف لانتميز بشي فقط نقلد |
معاكـِ حق لكن رابطتنا غريبة جداً عندهم مبدأ إما الكُل و الا فلا صراحة بالمنتدى فيه مواضيع تخص التشجيع مررة حلوة بس الظاهر الرابطة الى الان نايمة مثل اللاعبين |
برأيي ان الادارة الهلالية هي المعنية اولاً واخيراً بالاقتراحات البناءة فالمفترض ان تكون هناك حلقة وصل مع المنتديات الهلالية والاعلام الهلالي ومجلس الجمهور ورابطة الفريق وحتى مع ادارة الكرة للاستفادة من كل الاقتراحات سواء في التشجيع او التعاقدات او غيرها قرأت عدة مواضيع لأعضاء مميزين في الشبكة تحدثت عن اساليب التشجيع وعن اساليب الاستثمار والمفاوضات حتى رحلة كوريا كان هناك اقتراحات وتنظيم للاسف لم يتم الاخذ به ادارة الهلال بعيدة جداًعن الجمهور علاوة على تكميم الافواه الذي يمارسه البعض بحجة ان الادارة هي الي تفهم والجمهور اللي منهم اصحاب شهادات عليا ومناصب مرموقة وابداع وذكاء لايفهمون في جلد منفوخ تتقاذفه الارجل بالله مع الهجوم الشرس على اللي يقدم اقتراح كمثال عند التفاوض مع الفريدي طرح احد الاعضاء طريقة تستحق ان تناقش على الاقل وواجه هجوم من شلة الاخوياء بزعم ان بن مساعد تارك اهله ويشتغل بالنادي وانتم تعلمونه وكأن بن مساعد مااستفاد شيء من الهلال وكأنهم غاصبينه يقعد وهومايبي يجدد ويرفضون حتى مناقشة الاقتراح وهناتكمن المشكلة |
إقتباس:
بس مادري وش فيهم هل عاجبهم مجلس الجمهور والرابطه |
الله يعطيك الف عافيه اختي على الموضوع الرائع وتسلم يدياتك موضوع فيه ناحيتين : الأولى : أن جمهور الهلال يحتاج رابطة تحمل مشاعر الجمهور الهلالي ومتطلباته سواء في المدرج او عن طريق المنتدى الرسمي للهلال ومراعة حقكم يا خواتنا بافكاركم لأن كن من جمهور الهلال ولكم كامل الحق مثل ما للشباب حق،،،،، وتكون عن طريق المنتدى بتوحيد الافكار وطرح الآراء وذلك يجعل الحماس في المدرج اكثر واطالب المشرفين بعمل ذلك المجلس لرابطة الجمهور الهلالي. الناحية الثانية : أن عزف الجمهور الهلالي في الاونه الاخيرة عن المدرجات الزرقاء من المستويات الي يقدمها الفريق وذلك لتدني المسوتى وعشان تسذا لا تلومينهم ياخيتي ما يحضرون. بودي املا الصفحه لايكات لأجل موضوعك الجميل |
| الوقت المعتمد في المنتدى بتوقيت جرينتش +3.
الوقت الان » 04:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd