|
ياخوفي من سيناريو ذوب اهان يتكرر!!!!... السلام عليكم ورحمة الله وبركاته كيفكم ان شاء الله بخير ...في البدايه حبيت اقول ان شاء الله الهلال راح يتأهل لنصف النهائي وراح يتخطى اولسان<<<< هذا من باب التفاؤل ... لكن الواقع يذكرنا بمباراة ذوب اهان قبل موسمين وإن كانت تلك المباراة في نصف النهائي ,,, وطلع الزعيم على ارضه وبين جمهوره .. الكل يتذكر في الذهاب اضعنا ضربة جزاء وكنا افضل من النادي الايراني ورشحنا الهلال على ارضه يفوز وقالو بالثلاثه والاربعه ,,, ولكن خسر الهلال... الي شاهد مباراة الهلال مع اولسان يقول الهلال اضاع التعادل على اقل تقدير ,, على الرغم ان الهلال لم يقدم مايشفع له بالتعادل ... وهنا اقول النادي الكوري كان في كوريا ضعيف جدا , يعني باختصار لو كان الهلال في يومه كان راح يفوز عليه بأقل مجهود , ولكن الهلال اضاعها في كوريا , ومن هنا اقول لكم الفريق الكوري راح يكون في الرياض غير,, راح يكون اقوى منه في كوريا, مع اني متفائل ان الزعيم راح يكون مستواه افضل بكثير من مباراة الذهاب ,,, باختصار الهلال لم يستغل فرصة الذهاب ,, .. وياخوفي انه يتكرر سيناريو ذوب اهان ,,الكل كان متفائل وحدث العكس..... |
خلوناا نركز على الدوري مع مباراة الشباب , مانبي نخسر الاسيوية لو قدر الله والدوري بعد .., خلونا على الشباب, وبعدين يحلها ربكم , اشكرك على حرصك اخوي |
مانبي نكذب على انفسنا اهم شيء اسيا بعدين الدوري وحتى لو حصلنا على الدوري اذا طلعنا من اسيا لاقدر الله الدوري ماله طعم,,, واشكر مرورك،، اكرر اعتذاري لأخوي ياتشينو لأني ماشفت موضوعه (تكرار نكسة ذوب اهان ) الابعد مانزلت هالموضوع ... والموضوعين متشابهه ارجو حذف موضوعي لعدم التكرار.. وشكرا |
وبآقي لسسسسسسآتك خآٍ آ آ آ يف انه يتكررر .. ياخوك الناسسس غسلت ايدهـآٍ : وانت باقي متفاءل ههههههههههه الله يهديك بسسسس : شوف شوف هذا الموسم عايشينــة : ب الحلوة والمره مع الزعيـــم : لانه اسوء موسم للهلال حسب الي نشوفــةة : ثانيــآ فرق بين قريتيس وكوامبريه كالفرق بين السماء والارض : ثالثــآ دفآعك او دفآعنــآ.. مرشدي مآنجـآن : والله انه نبي نقول فيه امل بس مستحيل مع ثلاثي الدفآع والممدرب نتفاءل : بسسسس عسى دعوة مقبولة يارب ويتاهل الهلال وياخذ كاس اسسسسسسسسسسسسسسسسسيآ .. |
انا اتفائل لأنك لوقلت الحق وهو واضح قالو ياخي تفائل ليش متشائم وشوف السد اخذ اسيا وهو متأهل بالملحق وراح يختلقون لك اعذار ولا دفاع فيه نامي والمهوجس مانقان والمرتبك دائما المرشدي مايخليني اتشائم ,, ياخي نامي هذا والله ماينفع درجه اولى فما بالك بالزعيم ,,, وويسلي يمكن تقول افضل السيئين مع اني اشوفه مهاجم عادي ... ياخي شوف مهاجمين الجزيرة والعين والوحده الامارتيين والغرافه والريان وقطر في قطر ويسلي مايجي نصف مستواهم ....واشكر مرورك |
هههههههههه اغسل ايدك من التأهل لنصف النهائي لان للاسف ماعندنا لعيبه بل اشباه لعيبه مااااافيه روووح:to: وبيتكرر سيناريو ذوبهااااااان |
إقتباس:
همهم اللوك والسماعات اللي كبرالكفرة ولاأعمم على كل اللعيبه لعيبه ماينشد بهم الظهر لاكن ان شاءالله نتأهل. |
صدقت اخووي مافيه روح الحماس صفر عند لاعبين الهلال ,,, مباراة الاتحاد مع الفريق الصيني مافاز الاتحاد غير بالروح فقط ,, قالو الاتحاد راح يخسر من الفريق الصيني في الشوط الاول,,, قلت روح لاعبي الاتحاد وحماسهم راح يرجعهم في المباراه ... لو روح لاعبي الاتحاد عند لاعبي الهلال راح يتغير كثييييير... لكن مثل ماقال الشوالي تحس الهلال واولسان يلعبون مباراة وديه,,, وشاكر مروووووووورك |
بيتكرر مسلسل ذوب آهاااااااان مع هاللعيبة لاتأمل.. لاعبين الهلال مافيييييييهم روووووح والي يقول غير كذا يغالط نفسسسه |
أتوقع يفوز الهلال 2 /1 والله يستر وان شاء الله التاهل للزعيم |
عجبا لما كل هذه الضجة التي تشن على نجوم الزعيم والفريق خسر بهدف فقط وخارج ارضة ماذا يريد الجمهور سبق وان كسبنا خارج ارضنا و خرجنا في مباراة الاياب على ارضنا وسبق وتعادلنا خارج ارضنا وخرجنا في مباراة الاياب على ارضنا ايضا الهلال قادر على التعويض ان شاء الله في الرياض لدينا مبارتان قبل الاياب ويجب الدخول في المبارتين بكل قوة وبتشكيلة ثابته لنختبر مدى جاهزيتنا لسحق الفريق الكوري ملاحضة / الاندية الكورية لا تجيد الدفاع مثل ما يحدث مع الاندية الخليجية والايرانية وسيناريو مباراة ذوب اهان لن يتكرر ان شاء الله |
حاان وقتنا يااجمهور الهلال لنعيد رووح الهلال من المدرجااااااات بالتشجيع المستمر لجميع الاعبين دون استثناء بعيدا ع الاستهجااان على اي لاعب مهما كاااان مستواه |
إقتباس:
انت ماتتكلم من منطق تتكلم من باب المحب والي فات مات لاياحبيبي الفريق خسر واحد ونقول الحمدلله انه واحد ,,, بالله عليك الفريق معجبك مستواه ياخي جمهور الهلال صبر من بداية الدوري وكل مباراة اسوء من الي قبلها ... وش راح يكون ردك لوخرج الهلال لاقدر الله ,,, اخوي ارجوك تتكلم بعقلانيه ومنطق , ترى كلنا نحب الزعيم ونعشقه لكن لما اجي اتكلم اخلي العشق للنادي في اتجاه وكلامي في اتجاه ,,ولن اجامل على حساب النادي <<<<<شاكر لكـ |
إقتباس:
الهلال خسر 1- 0 الهلال قادر على تسجيل اكثر من في الشوط الاول وفي الشوط الثاني يجيكك الثاني والثالث الفريق الكوري مره دفاعه فضيحه بسهوله الاختراق بس نبي حماس الجمهور نفس مبارة بني ياس وراح تشوف كيف الاهداف والله الهلال قادر يجيب 5 بس فقط خل الجمهور يحمس شوف الاتحاد فوز بدون مستوى ليه وراح جمهور يرفع الفريق ويعطيهم روووح |
فيه امل اننا نتاهل بشرط نستعير لاعبين الاتحاد ونخليهم يلبسون لبس الهلال وبكذا اضمن التاهل لاكن لاعبين الهلال اهم شي اللوك صراحه شي يقهر وشكرا |
| الوقت المعتمد في المنتدى بتوقيت جرينتش +3.
الوقت الان » 02:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd