إقتباس الرسالة الأصلية كتبت بواسطة سعـــــــود السلام عليكم .. اخوي صاحب الموضوع بصراحه شي محير مضحك مبكي معاً .. يَ خي مدري كيف بوصف لك شعوري وانا اقرأ المدح اللي تقوله بالزوري وانه وانه .. الزوري كشخص عز الله انه رجل ونعم فيه اخلاق وابتسامته ماتفارق وجهه السمح .. لكن كلاعب مع احترامي له ولك ولكل من يأيد الزوري بالهلال لاعب اقل بكثير من أن يلعب في خانة الظهير بالهلال .. لاعب من أهم اساسيات الظهير لايعرف يطبقها ابداً ابداً وهي العرضيات . شفت لك رد وكاتب اهداف جت من عرضيات منيب كاذب عليك واقول اذكرها كلها هالاهداف لكن اللي اذكره وليهامسون مع الاتحاد .. انا ما ابي عرضيه تجي مثل ماتجي بالرجل بالراس المهم اني اشوت الكوره وبس .. الظهير اللي أقل شي بالمباراة يعرض عشر كورات صحيحه وخطيره تكون بالرأس .. اتحدااا تجيب لي لقطه لزوري عرض فيها كوره صحيحه وحده واضح انها مقصوده بالشكل ذا برأس اتكلم .. غير كذا الزوري احد اسباب فشل الهلال في التهديف في اغلب الكورات اللي يدخل بها منطقة الـ 18 اي كوره يدخل فيها لازم يشوت ع الباب يَ خي وش هاللاعب وربي يرفع الضغط قسم بالله ان اللاعبين ع يمينه متمركزين صح ع الباب وهو الا بشوت الا بسجل .. طبعاً سجل يمكن وحده او ثنتين وضيع علينا في مباريات مهمه جداً عشرين هدف .. بالعربي الزوري لاعب يمرضك جداً في خانة الظهير .. طبعاً مع حبيب القلب نامي وايضاً البيشي الهلال لايوجد به ظهييرر بمعنى الظهير التقليدي اللي يهاجم صح ويغطي صح مثل الدوخي والرشيد والعمران وبندر المطيري في فترة من الفتراة .. والشهراني مظلوووم في مركزه الجديد فرحنا بجيته يسد هالمكان الشاغر لقينا كومبواريه يتفسلف فيه !!!

ما يحتاج يالغالي تبكي ولا تضحك ,,, ترى أنا مجرد مشجع أقول رأيي لا راح يأثر ولا يجب أن يكون مثل رايك

بعدين مقارنة أي لاعب هلالي حالي بلاعب من جيل سابق وزمن سابق لا يمكن أن تكون منطقية

صدقني فيه واحد ببداية هالموسم زميل لي بالعمل مثلك غير مقتنع نهائياً بالزوري وناقشته وكان مثلك يضحك ويشعر بالحيرة من رأيي بالزوري وتحديته يتابع المباريات القادمة يجيب لي دلائل على سوء الزوري ووالله العظيم إن الزميل هذا ما بين يقول لي ما شفت المباراة وما بين يقول لا اليوم كان الزوري جيد بس ليته يستمر
وحتى اليوم ما قدر يثبت شي ,,, وأتوقع لو سألته الحين عن رايه يبي يقول كلام ألطف وأكثر تقدير عن الزوري

ونفس التحدي خله بيني وبينك ,,, المباريات القادمة إن شاء الله تابع الزوري بدقة لا تجيب لي هجمة عابرة من جهته لأن أي ظهير يتعرض للهجمات ,, لكن بأمانة جب لي مباراة ركز فيها الخصم على جهة الزوري ,,, تبي تلاحظ إن المدربين ينقلون أسلحتهم الهجومية للعمق أو للجهة الهلالية اليمنى ,, لأن الزوري مسكر خانته

وحتى من ناحية الهجوم تابعه بإنصاف وشف هل هو تطور أو ما زال زي خبرك

أعتقد أنت عايش على انطباع قديم وما ركزت مع الزوري

وبالنهاية قد تكون عندك نظرة مختلفة وتشوف راي ثاني ,,, لكن ما راح أبكي ولا أضحك بل سأحترم رأيك ولو خالفته ,,, تحياتي