للامانه اللي انا مستغرب منه انتقاد الزوري خصوصا في مباراة أولسان .. انا تابعت المباراة على قناة الكاس و كان المعلق عبدالله الحربي اللي ما شاء الله عليه ما يوفر كلمه في الانتقاد الحاد .. طبعا المعلق انتقد و ساق الفريق كله سوق ما عدا الزوري قال عنه انه افضل لاعب في المباراة و قام بدوره صح .. نظرة معلق خبير مثل الحربي تقول ان اللاعب ممتاز و ما شاء الله على فطاحلة التحليل اللي حاشرين المنتدى عن بكرة ابيه تقول ان اللاعب كان أسوء لاعب في المباراة ... سلامات يا هوى ... شوية منطقيه يا بو الشباب انت و هو ...

الزوري مو ذاك السوء اللي نبيه يترك النادي لا بس نبيه يرفع من مستواه

من الناحية الدفاعية صفر

والله مافيني اجيب لك اهداف الاوفرات تصير من عنده وهو يناظر

ثانيا شي سبرنت ضعيف

اما بخصوص الاوفرات

ياخي لا تضحك علينا ولا نضحك عليك

يعني السمة الطاغية في الرجال انه ماعنده اوفرات

والدليل

المحللين : " الزوري لا يستطيع ان يعطيك اوفر صحيح "
المعلقين : " وين يا زوري ماهي رفعة ذي "


لو اني فاضي اجيب لك اخر سنتين للزوري
وشوف عدد الاوفرات "الهائمة في السماء "




ترا كل مافي الامر ان الزوري نازل مستواه مررررة ولولا تاريخه كنت اطالب بتغييره

كل مافي الامر الزوري لياقته سيئة

إقتباس الرسالة الأصلية كتبت بواسطة joe black الزوري مو ذاك السوء اللي نبيه يترك النادي لا بس نبيه يرفع من مستواه من الناحية الدفاعية صفر والله مافيني اجيب لك اهداف الاوفرات تصير من عنده وهو يناظر

كيف من الناحية الدفاعية صفر ,, جبلي شواهد من هالموسم مو لازم هدف أبي بس هجمات خطرة من جهته

أما من ناحية البحث نصيحة لا تحاول تبحث عن أوفرات من جهته خصوصاً هالموسم تبي تضيع وقتك ومنت لاقي شي

كلام المحللين والمعلقين هذا متى أنا بالعكس أشوف مدح كثير بمستوى الزوري شف معلقين مباراة أولسان كم معلق كان يمدحه ,,, شف برنامج تكتيك بالحلقة اللي عن الهلال الزوري جاه مدح وثناء كبير من صالح المطلق وتأييد من تركي العواد

ومع ذلك أنا لا أمشي إلا على ما تدل عليه الأرقام ,,, الزوري بالأرقام كان مميز دفاعياً وهجومياً حتى الآن خلال هالموسم

من وجهة نظري فيه

لا يملك إمكانيات تؤهله إنه يلعب في نادي مثل الهلال

مكانه الصحيح "درجة أولى"

يارجل كل اضهر الهلال مستوياتهم متذبذبه

ومن ضمنهم الزوووري وهو افضل المتذبذبين بالمستوى من ناحية الضهير

إقتباس الرسالة الأصلية كتبت بواسطة هامور ولكن أزرق يارجل كل اضهر الهلال مستوياتهم متذبذبه ومن ضمنهم الزوووري وهو افضل المتذبذبين بالمستوى من ناحية الضهير

ممتاز ,, من ردك هذا يدل على أن الزوري ليس هو مشكلة الهلال ,, فأنت تراه أفضل الأظهرة بالنادي ,, إذن لا تختلف معي في أن التركيز على انتقاد الزوري غير مفهوم ولا مقنع

والله الزوري مستوا في النازل بس ايش حدك على المُر

عوافي

اول شي اشكرك على الموضوع الرائع والمنطقي جدا !!!
وثانيا تدري وش المصيبه في ذا اللي ينتقد الزوري ؟ لو تجي تقول له وش فيه الزوري متأكد انا ان الجواب واحد فقط !! ألا وهو :

والله الزوري ما يعرف يرفع اوفر >>> اللهم لك الحمد والشكر !!

يا اخي الزوري شف عيوبه الدفاعيه قبل ما تشوف عيوبه الهجوميه !! ولا يجيني واحد يقول الاظهره الان لازم تكون عصري وما ادري ايش لازم يدافع ويهاجم !!! لا يا حبيبي شف دفاعه اول لانه بالمقام الاول هو اسمه مدافع مو جنااااااح !! اما تجي وتاقول والله ما يعرف يسوي اوفر !! وبناء عليه تقول فاشل ! لا يا عزيزي لم تصب ! شر البلية ما يضحك ,,

ويبقى الزوري من افضل الاظهره رغم انه ما يعرف يسوي اوفر زي ما يقولون !!

تقبل تحياتي !!

باحبيبي كلهم جماهير معاهم معاهم والدليل سب والفاظ فبيحه للفريدي ولان يقولون الفريدي خائن

الزوري افضل ظهير ايسر بالخليج مع الشهراني وحربي الاهلي وشافي الاتحاد



كيفي

قليل نلقى مثل طرحك.. تتكلم بتركيز دون حشو ولعب على وتر الكلمات الرنانة

انت عطيت مجال لمن ينتقد ان يتقدم بحجة واضحة للنقاش.. وهذا اهم مطلب في قسم الجمهور ( النقاش الواعي المدعم بالأدلة )

ليست قضيتي ان يكون الزوري فعلاً مظلوم او ظالم.. لكن الاكيد انني استمتع بقراءة الآراء المتباينة والنقاش الثري

مساؤك ازرق

إقتباس الرسالة الأصلية كتبت بواسطة الـصـخـرة قليل نلقى مثل طرحك.. تتكلم بتركيز دون حشو ولعب على وتر الكلمات الرنانة انت عطيت مجال لمن ينتقد ان يتقدم بحجة واضحة للنقاش.. وهذا اهم مطلب في قسم الجمهور ( النقاش الواعي المدعم بالأدلة ) ليست قضيتي ان يكون الزوري فعلاً مظلوم او ظالم.. لكن الاكيد انني استمتع بقراءة الآراء المتباينة والنقاش الثري مساؤك ازرق

أخي الغالي ردك هذا يدل على رقيك الكبير ,,, أنت ترى الأمور من حيث المبدأ ,,, وأشعر أنك لا تميل إلى رأيي بالزوري ,, لكن في نفس الوقت تحترم النقاش الموضوعي وتشجعه ,,, وجودك وأمثالك يزيد في الوعي ويرتقي بمستوى الطرح

أرق تحياتي لك يا غالي

الزوري هالموسسسم الا الان مقدم مستوووى جيد
ومادري ليه اغلب الاعضاء قايمين عليه
مباراة اولسان والنصر كان من افضل اللاعبين

عبدالله الزوري على شلة الدفاع كله يبالهم تنسيق والعاطفه خلها وراك

طبلو ي حلوين طبلووووووووووووووو

السلام عليكم .. اخوي صاحب الموضوع

بصراحه شي محير مضحك مبكي معاً .. يَ خي مدري كيف بوصف لك شعوري وانا اقرأ المدح اللي تقوله بالزوري وانه وانه ..

الزوري كشخص عز الله انه رجل ونعم فيه اخلاق وابتسامته ماتفارق وجهه السمح ..

لكن كلاعب مع احترامي له ولك ولكل من يأيد الزوري بالهلال لاعب اقل بكثير من أن يلعب في خانة الظهير بالهلال .. لاعب من أهم اساسيات الظهير لايعرف يطبقها ابداً ابداً وهي العرضيات .

شفت لك رد وكاتب اهداف جت من عرضيات منيب كاذب عليك واقول اذكرها كلها هالاهداف لكن اللي اذكره وليهامسون مع الاتحاد .. انا ما ابي عرضيه تجي مثل ماتجي بالرجل بالراس المهم اني اشوت الكوره وبس .. الظهير اللي أقل شي بالمباراة يعرض عشر كورات صحيحه وخطيره تكون بالرأس .. اتحدااا تجيب لي لقطه لزوري عرض فيها كوره صحيحه وحده واضح انها مقصوده بالشكل ذا برأس اتكلم ..

غير كذا الزوري احد اسباب فشل الهلال في التهديف في اغلب الكورات اللي يدخل بها منطقة الـ 18 اي كوره يدخل فيها لازم يشوت ع الباب يَ خي وش هاللاعب وربي يرفع الضغط قسم بالله ان اللاعبين ع يمينه متمركزين صح ع الباب وهو الا بشوت الا بسجل .. طبعاً سجل يمكن وحده او ثنتين وضيع علينا في مباريات مهمه جداً عشرين هدف ..

بالعربي الزوري لاعب يمرضك جداً في خانة الظهير .. طبعاً مع حبيب القلب نامي وايضاً البيشي

الهلال لايوجد به ظهييرر بمعنى الظهير التقليدي اللي يهاجم صح ويغطي صح مثل الدوخي والرشيد والعمران وبندر المطيري في فترة من الفتراة ..

والشهراني مظلوووم في مركزه الجديد فرحنا بجيته يسد هالمكان الشاغر لقينا كومبواريه يتفسلف فيه !!!