|
قبل مانفكر في إياب أولسان ... الشباب اولا بسم الله الرحمن الرحيم واسعد الله ايامكم بكل خير هاردلك على الخساره المتوقعه من اولسان في كوريا والحمد لله انها جت على واحد في ظل مستويات الهلال المتذبذبه والإداره كأنها عميانه وماتشوف شي ! :ranting: اغلبية المواضيع تتكلم عن مباراة الإياب الآسيوي وكيف نفوز على أولسان وكل واحد يحط الخطه اللي هو يبي يشوف الهلال يلعب بها وانا مثلكم بعد :yes: لكن قبل هذا كله ترا عندنا مباراه امام الشباب بعد بكره ان شاء الله اذا اولسان راقب الهلال في مباراه او مباراتين وفاز علينا اجل وش نقول عن الشباب ؟ :yes: الشباب عنده افضل مهاجمين في الدوري السعودي واللي يسجلون من انصاف الفرص طبعا هم ناصر الشمراني وسباستيان تيجالي ! ومن خلفهم صانع اللعب الخطير ( كماتشو ) :yes: مباراة الشباب هي الاختبار الحقيقي للهلال قبل مواجهة أولسان وبصراحه يمكن الشباب اخطر من اولسان الكوري بمراااااااحل في مباراة الشباب لابد من بدء التغييرات الجذريه في الفريق وكفانا مجاملات اذا عندكم عقوبات خلوها لغير هالوقت على الاقل خلوا الفريق لين يتوازن مستواه ثم بعد ذلك عاقبوا اللي تبون ! :cry: في مباراة الشباب لابد من اعادة الشهراني ظهير ايسر والبيشي ظهير ايمن العابد والشلهوب من بداية المباراه والإكتفاء بعبدالعزيز الدوسري إحتياط واعتقد الكل شاف كيف كان يقتل الهجمه ببروده في مباراة أولسان :yes: عُرف عن الهلال قوة وسطه لذلك لابد من تكثيف هذا الخط بإشراك الشلهوب والعابد والفريدي والقرني والفرج بعدها اذا ماضاع وسط الشباب لكم اللي تبون :yes: هرماش يبقى إحتياط واذا جات الإنتقالات الشتويه نقول له الله يستر عليك ونجيب لنا محور مثل طيب الذكر رادوي واهم شي يكون محترف اوروبي ترا اكتفينا مقالب عربيه :cry: الهجوم وفي ظل كثافة خط الوسط بخمسة لاعبين يتوجب اللعب بمهاجم واحد يااما ياسر يااما ويسلي مع العلم ان الاثنين يتميزون بإنهاء الهجمه بهدف بإذن الله :ba: واذا كان عندك 3 صناع لعب كحد اقصى في منطقة الوسط فماراح نحتاج لمهاجمين اثنين بنفس الوقت :yes: تشكيلة مباراة الشباب السديري الشهراني ... المرشدي ... المسلم ... البيشي القرني الفرج ... الشلهوب العابد ... الفريدي ياسر ( ويسلي ) لااحد يستهين بالشباب ولا احد يقول الفتح هزمه ! ترا الفتح هزمنا قبل يهزم الشباب والشباب أخطر من الهلال بكل صراحه :yes: فالكم الفوز والثلاث نقاط بإذن الله سبحانه :rose: |
صدقت المفروض يكون اهتمامنا الآن على الشباب ومن بعدها اولسا الشهراني ... مانقان ... المسلم ... البيشي الله يعطيك العافيه شكرا لك |
سبقتني بالموضووع كل المنتدى احضرو لمباراه اولسان وخطط لمباراه اولسان الخ ونسو الشباب مباراتنا مع الشباب هي مفترق الطرق يا ننافس عالدوري بكل قوه يا نخرج من المنافسه من الدوري |
الله يعافيكم يالغالين :) منورين حبايبي :) |
اتفق معاك تمـامــاَ لك كل الود والاحترام |
إقتباس:
اسعدني مرورك اخوي :yes::rose: |
إقتباس:
|
اول موضوع يتكلم عن الدوري حسيت انا ماعندنا مباراة بعد يومين مع الشباب تفكير الجماهير بالاسيويه بس مانلومهم المهم الله يوفق الهلال قداام الشباب ولو صار الفوز انشاءالله راح ارضمن لكم الدوري براحه |
بصراحة مباراة مهمة وراح تساعد بشكل كبير في تصدر الدوري ....لأني أتوقع الفتح ماراح يواصل راح يتعثر خصوصا بعد مشاركتة في بطولة خارجية ... |
بالتوفيق للزعيم ولنجومه وعشاقه باذن الله تعالى يعطيك العافية |
كلامك جميل مباراة الشباب لا تقل اهمية عن اولسان والله يوفق الزعيم |
أسعدني مروركم وتأييدكم وبالتوفيق للزعيم يارب:rose: |
قسم بالله من امس وانا انتظر اي واحد يذكر بمباراتنا قدام الشباب ناسين الشباب تماما وللحين يتكلمون باولسان خلاص اولسان انتهى امره جات مباراه الشباب لازم نحسب لها حساب ولازم ندعم اللاعيبه فيها كفو ابن عباد والله يوفق الهلال وين مالعب وقدام اي فريق |
إقتباس:
اللهم آمين أختي حنين مكه بالتوفيق لزعيمنا والله يوفقنا للفوز قدام الشباب والرائد واولسان يارب ونتاهل لدور الاربعه بإذن الله :wub: نورتي :rose: |
المشكلة في الوسط حتى لو تكثف بعض لاعبي هالمركز اصبحوا غريبين مستواهم متدني اتمنى اللعب برأسي حربة افضل الله يوفق هلالنا في الدوري و الاسيوية يعطيكـ العافية |
| الوقت المعتمد في المنتدى بتوقيت جرينتش +3.
الوقت الان » 08:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd