|
اسمحوا لي لكني بنتقد وبكون مشائم السلام عليكم اسمحوا لي بكون متشائم لان التفائل كان في الذهاب وليس في الاياب اولا بالله عليكم في الذهاب 90 دقيقه ماستعطنا نسجل هدف؟ هذي مو مشكله نمشيها المشكله ان اي هجمه للكوريين لازم تكون خطيره مادري العله من الوسط ولا الدفاع ؟ بطئ في بناء الهجمه وعدم استغلال المرتدات بالشكل المطلوب اخطاء كثيره وتخاذل كثير من الاعبين خلونا نتكلم بالواقع بالله عليكم الهلال هالسنه تتوقعون انه مستعد استعداد كامل للاسيويه؟؟ يعني بالله تجيب لي لاعب مصاب من اربع اشهر وعندك استحقاقات مهمه وتتعاقد معه؟ بالله عليكم ياداره تبيعون لاعب ممتاز وهداف عشان فلوس؟ بالله عليكم تتركون الكوري بالفريق على اي اساس؟ تتعاقدون مع مدرب عاطل من 6 اشهر ولايملك سجل تدريبي مميز وتتوقعون نحقق الاسيويه؟ بصراحه الهلال ماستعد للبطوله ابد ومن ناحيتي واسمحوا لي بقولها لكم ماراح نتأهل والسبب ليس قوة اولسان بل سووء الاستعداد للاسيويه وكذلك سوء دفاع الهلال من جميع النواحي يعني تخيلوا معي في الدوري لعبنا 5 مباريات ماستطعنا نحافظ ع مرمانا الا في مباراة وحده ؟؟ يعني المشكله كلها ان الفريق الكوري لوو يسجل هدف واحد بسس نكون مطالبين ب3 اهداف؟؟ اذا كومباريه يبي يفوز يجب عليه انه يسوي تغييرات جذريه بالخطه اتمنى تكون الخطه كذا: السديري الزوري-المرشدي-مانجان-البيشي القرني-الفرج الفريدي الشلهوب-عزوز الدوسري ويسلي ^^^^^^^^^ خطه هجوميه وخاصه ان الوسط بيكون قوووي بوجود الفريدي والشلهوب والدوسري والفرج ع العموم اتمنى يكوون توقعي خطأ لكني متشائم وبقوه وان شاء الله يتأهل الفريق لدور الاربعه ونفوز بالكاس بالتوفيق للزعيم:ba1::rose: |
كلامك منطقي وخاصه التشكيله مثاليه والمفروض مو على كيف كومباريه غصب عنه تكون هذي اتشكيله رضي او مارضي مانبي تكرار سذاجة كومباريه |
طبيعي الفريق الي يجي في مرماه هدف يصير فيه خلل بسيط لكن هدف اولسان تسلل وكان واضح في تقدم القدم ...والمحللين اثبتو هالكلام بدال ماتكتب مواضيع زي موضوعك..اكتب ( يالاعبين ترا هدف اولسان تسلل والمفروض المباراة تنتهي 0-0) ارفعو روسكم والعبو وشدو حيلكم ترا الرياض حرررررررررررر وجماهير النادي الكوري ماحضرت ..واضع الملعب كان فاضي تقريبا وحنا بنملى الملعب ان شاء الله مافيه مقارنه ..وربي الهلال امس كان مستحوذ على الكوره ياخي حفزو الاعبين |
كلاام سليم بالنسبة لتعزيز الوسط بنجم مثل أحمد الفريدي ولكن هناالك ضغووط شرفية على الإداارة بعدم إعطااء اللاعب فرصة للعب سياسة تنشيف من ناااس ماااهي فااهمة من الكورة غير شكلهاا أتوقع الشغلة عنااد صاارت على حسااب ناادي الهلال وحسااب جمااهيره كل مااحصل في مباراة الذهااب غريب جداً لااااعبين من المفرووض أن يكونون أسااسين وضعووهم في الإحتياااط فعلاً أرى الزعيم يقووده أنااس من خاارج اسوااره ولكن نسأأل الله أن يرد كيدهم في نحوورهم . |
انت ماتشوف لاعبين الكورين الكوره عندهم تلقاهم متقاربين بس حنا الله يهديهم اللاعب الاول يبعد عن الثاني 10امتار |
موضوعك ممتاز وأفضل مافيه الخطه فعلاً الهلال يحتاج تكثيف الوسط بس ياليت يكون الشهراني مكان البيشي النكبه |
إقتباس:
|
مشكورين ع المرور والله يعيين بسس |
ماعلينا خوف خل الاربعاء يجي ان شاء الله بتشوف شي غير كان الهلاليين في ارض كوريا حذرين والاجواء والعواصف والطيران اثر عليهم لكن في الرياض بتشوف عينك النور الى يلعب في حضن امه غير من يلعب في حوش الجيران |
آلخططهِ جميلهه ويآلييت يسمع مننآ المدررب هههِ كل آلتوفييق للزعيمم :va: |
اسال الله لنا التوفيق في هذه البطوله وغيرها |
إقتباس:
اجل البيشي نكبه اصلا مالعب كان موقوف اما انت يامضيع المفروض نكون جمهور ايجابي وحتى وان كان الفريق سئ المفروض لكتب العكس ونعطيهم الثقه |
من حقك تتشائم اخوي وتبدي رايك بس انت ذكرت كل الامور السلبيه لو انت التفت للامور الايجابيه ماكان وصل فيك التشائم لهدرجه :yes: في مباراة الذهاب : :rg: قدمنا شوط اول سيء ورغم هذا خرجنا وفي مرمانا هدف لاتنسى هرماش ماكان في مستواه _ ونامي كان مسوي ثغره في منطقته ولعبنا شوط ثاني مغاير وكنا راح نجيب التعادل بس ماحالفنا الحظ في الرياض : :alzaeem: كل الظروف مغايره البيشي بيلعب وراح تنسد الثغره ابو عزوز راح يكون جاهز من بداية المباراه لاتنسى جمهور الزعيم الي راح يكون له تاثير ملموس بعدين بالنسبه للمدرب :to: مدرب ممتاز انضباطي وله تكتيك خاص انا مااشوف فيه اي عيب بعدين لاتنسى فريقنا هالسنه مغاير عن العام من ناحية الاعبين والمدير الفني والمحترفين وبالنسبه للعربي :d لاعب ثقيل وماتاقلم مع الفريق ولو تلاحظ اهدافه في فرق صغيره هذا غير استحقاقات المنتخب المغربي الي تجبره يغيب عن الفريق اما الكوري :ac: لاعب سريع ومزعج لدفاعات ويعرف يخترق بس الحظ مايحالفه في التسجيل ولو ماهو مفيد ماكان الاداره ابقت عليه واخيرا :wub: اسفه على الاطاله لكن اتمنى الجمهور يتفائل اكثرر المباراه ماهي صعبه والنتيجه برضوا مو صعبه والفريق الكوري ماهو صعب نبي حضوركم وتفاعلكم ياجمهور الزعيم باذن الله زافين هلالنا للمربع :smilie47::ba1: |
كلامك صحيح ومحد يقدر ينكر هالشيء واللي بينكره فهذا يااما انه مافي راسه الا الدجه يااما يكابر وماهمه مصلحة الهلال ! الإداره اول ماجت كانت تشتغل صح ولكن من وقت مادخلت فكرة الاستثمار براسها خرب كل شي ! يارجل قسم برب الكعبه اني صرت اخاف في كل مباراه يلعبها الهلال !! من متى وهجر يحشرك طول المباراه ؟؟!! من متى والفتح يفوز عليك !! متى آخر مره فاز عليك الاهلي قبل الهزيمه اللي كانت بجده واللي الغي علينا هدف صحيح بداعي التسلل !! متى آخر مره هزمك الشباب ؟؟!!! كلها من سنين والواحد اذا اجتهد اجتهد تعادل مع الهلال لكن الآن صار كل من هب ودب يحشرك ويفوز عليك وماباقي الا الفقر يفوز علينا عشان تكمل الرصه :( كان عندنا محترفين ولا فيه اروع منهم لي يونق ماسك الظهير ورادوي مافي منه وويلهامسون متى مابغيته تلقاه لكن حسبي الله ونعم الوكيل بس :( كلها عشان الفلوس الله يلعن الفلوس :( ولا يهون المحياني !! بالله عليكم احد يبيع هداف !! هداااااااااااااااااااااااااااااااف ياعالم وربي هداف :( الله لايوفق من كان السبب يارب والله يفكنا من ادارة الاستثمار اللي تدور الرخيص والكويس :( |
ياعزيزي المدرب ماينلام وبصراحة مباراة الذهاب وربي ما الوم اللاعب الهلالي :) لان ذي لياقته يا قلبي يخرج من كل مباراة وهو بالقوة قاطع 6 كيلو بس ذا اقصى شي وان قطع في المباراة 6 كيلو ونص تلاقيه طافي في الملعب فطبيعي مستوانا امام الكوري يكون كذا انا ما عصبت لا على المرشدي ولا على غيره لان ذا مستوى فريقنا ولا ابشرك انت مطالب تفوز بفارق هدفين هههههههههههه بيني وبينك تضمن هالشيء مع الدفاع حقك ؟!! ههههههههههه استغفر الله والله من الغبنة اتريق واضحك على العموم اذا نبي نفوز لازم نقوي الدفاع ونلغي فكرة التسلل عندك مرشدي ومانقان ثقيلين والتسلل يجبر ان اللاعبين يكونو في منتصف اللعب هههههههههه يعني كورة طويلة واللاعب مو متسلل .... خذ طربقة ورا المهاجم هههههههه انا اقول الاظهرة مالها داعي تطلع لانها مهي مفيدة ابدا والزوري يتغير بلاعب ثابت فقط انت همك هدف تجيبه و تدااااااااااااااااااااااااااااااااااااااااااااااااااااااااااافع المباراة الجاية الدفاااااااااااااااااع اهم من كل شي واصلا الدفاع اهم من كل شي في كل مباراة وين ايامك يا كوزمين :) |
| الوقت المعتمد في المنتدى بتوقيت جرينتش +3.
الوقت الان » 10:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd