|
ما أشبه الليلة بالبارحه عندما تقابل الهلال في آخر أيام غيريتس مع الهلال في دور الثمانيه مع الفريق الإيراني وانهزم الهلال 1/0 حينما أضاع ويلي ضربة الجزاء فاز الفريق الإيراني في الرياض بنفس النتيجه أتمنى ان لا يتكرر السيناريو ونكرر نفس الغلطه حيث لابد من التعلم من الأخطاء لأن طريقة الفريق الدفاعيه لا تشجع على التفاؤل في مباراة الرد وإلا نتيجة الذهاب ليست بذات الصعوبه وبإستطاعة الهلال الفوز بنتيجة مريحه في الإياب لو عرف المدرب البدايه السليمه للمباراة حيث أنه يعاني من مشكلة البدايه الخاطئه ومن ثم يبدأ التصحيح في الشوط الثاني ولكن متأخراً وإلا في مباراة أولسان كان واضحاً ان نامي كان نقطة ضعف واضحه ولو كان مدرباً حصيفاً لما لعب بنامي الذي لا يملك لياقة مباراة آسيويه مصيريه وعنده ياسر الشهراني أو يستبدله بداية الشوط الثاني مع هرماش والكوري وينزل سالم وسلمان وياسر بدلاً عنهم ولو فعل ذلك لما رجع الفريق بدون نقاط المباراة ، وإذا لم تجلس معه الإداره وتناقشه في البدايات الخاطئه في كل مباراة ومحاولة اصلاحها فالجميع يعلم أنه لم يقرأ الفريق الكوري وحتى لم يستغل حقه في التبديل وأن نامي وهرماش ويوبينج لا يمكن أن يبقوا في الشوط الثاني ،،. غيريتس موجود ويعرف الفريق قبل مباراة الرد أتمنى ان لا يكون التغيير بعد خراب مالطا ، فلو لا سمح الله خرج الفريق من تلك البطوله فستكون ضربة قاصمه للفريق وللإداره التي أعتقد أنها لن تستمر فالرئيس قد ألزم نفسه بأشياء كثيره لم يفي بها ومن ضمنها البطوله الآسيويه التي تراجع فيما بعد عن وعوده وما إلتزم به ، الجمهور الهلالي تهمه كثيراً الآسيويه التي من أجلها تحمل تخبطات المدرب في بداية الدوري ،،. لوبدأ المدرب بتشكيل سليم المباراة القادمه |
ان شاء الله ماراح يتكرر اخوي ومابي اسمع سيرة جريتس هذا |
غيريتس من اعظم المدربين الذين دربوا الهلال والجماهير الهلاليه زعلانه من ذهابه الى المغرب وهي لا تعرف الأسباب ولو عرفتها لعذرته وعذرت الإداره التي كانت مترددةً في إعلان ذهابه للمغرب ( من أحضره للهلال أهداه للمغرب ) وافهموها ،،، |
جريتس مدرب كبير ومن افضل اللذين مرو على الهلال وباذن الله نتاهل من الرياض للدور القادم :smilie47: 1_0 ماهي نتيجه صعبه :s5s: |
اخوي الكريم انا اعرف الهلال من بداية المباره اذا بدأ وكأن لاعبيه رجولهم مربطه عرفت ان الدعوى خربانه ولذلك لعلاج هذه المشكله .. من بداية المباراه من السنتر لاترجع الكوره للخلف على طول هجمه ولو كانت بدون جدوى بس لفك هذا البرود هذا رأيي الشي الاخر مشكلة انقطاع الكوره صارت كل الفرق تجرب علينا هالمشكله معقوله ما لقولها حل الشي الأخير التشتيت يغني هم مايدربونهم على التشتيت الصحيح ليش الهلاليين فقط الي مايعرفون يشتتون |
اتمنى ان الأخطاء هذه ما تتكرر وان شاء الله الموعد الدرة بالنسبة لجيرتس مدرب وقع مع الإتحاد المغربي وعقده ساري مع الهلال اتمنى عدم ذكر اسمه خصوصاً في هذا الوقت لدينا ما هو اهم من جيرتس التركيز فقط على مباراة اولسان وان شاء الله نزف النادي الملكي الى دور الأربعه والنهائي وبالتوفيق للهلال يارب |
وش دخل غريتس في الموضوع لا تجيب سيره هذا المادي واللي اهداه للمغرب واخذ نصيبه .. ما يهمنا هو الهلال فقط انا ما شجعت الهلال قبل 25 سنه الا لانه الهلال مو بن مساعد والا غريتس والا نامي ... كل ما على اللاعبين والادارة والمدرب هو ((((( الاحساس ))))) ياخي ياليت يحسون على دمهم شوي ويعرفون ان فيه جمهور يتعب وهو يتابعهم فزي ماهم يتعبون في الملعب ويدفع دفع فلوس احنا والله نتعب اكثر منهم ونمرض اكثر منهم وبسبب برودهم ادارة ما همها الا تستثمر في اللاعبين والا وش المشكله لو كنا مستمرين على اجانبنا السابقين لازم نغير ؟؟ تخيلوا كماتشوا والا تفاريس معنا من جبناهم ؟؟ اليسوا الى الان يلعبون في الخليج ومتألقين ؟ اين رادوي وولي وغيرهم كثير .. تلاقيهم موجودين ومتالقين .... كلهم مروا على الهلال وفي عز تالقهم ووقت بطولة اسيا يوعدون الادارة بشي جديد واجانب بقيمه عالية وفي الاخير خروج مر وصعب من فرق تسوى ولا تسوى وعلى ارضنا وبين جماهيرنا وهم لا حس ولا خبر .. بدل عدل في هلاجانب وبدراهم فلللللس اللاعبين عقود كبيره وفي نادي كبير جماهيره نص الشعب ومع ذلك ما عندهم احساس بالمسؤلية همهم الوحيد يتواجدون في الملعب 90 دقيقه صابت والاخابت ما همهم اهم شي تخلص المباراة ويروح اقرب شقه او استراحه او كوفي وصرف من هالدراهم الى وقت المباراة اللي بعدها ,, يا اخواني والله اني هلالي صميم ومتعصب لكن انا عاصرت الجيل القديم وخصوصا من عام 1407 الى 1419 تقريبا كان عصر ذهبي لاعبين رجال روح وحماس وانتصارات وعندهم مسؤلية وتضحية لكل ماهو هلالي .. بعدها حضر لنا جيل جديد والجيل السابق بدأ يشيخ وما بيده حيله خلاص تواجد البعض منهم كان معطي الهلال هيبة صورية فقط واخرهم سامي والتمياط والدعيع .... المدربين حكاية مع الهلال ,,, يشوفون هذا النادي يدفع فلوس كبيره على اللاعبين والمدربين بعدها يبدأ يماطل ويستخف دمه ويلوي ذراع الادارة بـ مستويات متواضعه ومن ثم يغادر وقد لهههط دراهمهم وآخرتها اللي نقول عليه جريتس مجرد فرق بسيط في المبلغ سحب على اوم اوم الهلال ,, اسال الله العظيم رب العرش الكريم ان يجعل بطولة اسيا هذه السنه من نصيب الهلال .. وان يعوضنا خيرا منها في حال خسارتنا .. يا ادراة والله تعبنا تعبنا تعبنا ,,,, |
| الوقت المعتمد في المنتدى بتوقيت جرينتش +3.
الوقت الان » 10:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd