السلام عليكم ورحمة الله وبركاته

مابي اقول هارد لكم وازيد المواجع

تعودنا من يوم جانا عبدالرحمن بن مساعد على هالكلمه وخاصه بالبطوله الآسيويه ,!

............

بختصار الموضوع ومافيه على ابن مساعد الرحيل ولو من اليوم وياليت ياخذ معه المدرب ومانجان .. ولايهون هرماش

على شان يمدي الفريق يلملم اوراقه قبل الاياب ونعوض الخساره

الاربعه ذولي هم علة الهلال وهم سبب نكسة الهلال
وخاصه ابن مساعد اللي كل سنه نشوف هلالنا يدحدر وهو معيشنا بمثاليه واهم شي تويتر ( والمدح ) يعني بالمختصر المفيد امدحوا عبدالرحمن بن مساعد ووووبس



وياليت يتم تكليف فيصل ابو ثنين مدير للكره ... قبل مواجهة الاياب

وتكليف زلاتكو كمدرب للفريق الاول الى ان يتعاقدون مع مدرب ثاني يكون كفو ومن افضل المدربين ومن خامة جريتس

ماهو خامة ( كويس ورخيص ) وحتى تاريخ ماله وبالنهاية تطلع لنا بالاعلام وتقول انك فاوضت عدد وقدره من المدربين يعني تبي تقنعنا يابو مساعد انه ولا واحد من المدربين اقتنع ؟؟

على كذا العله فيك ماهو بالفريق لانك جالس تقدم عروض وكأنك تبي تتعاقد مدرب حواري

المدربين العالميين يبون ماده يعني ارخ جيبك الله يحفظك ولا اطلع من النادي غيرك اولا


والشي الثاني : هذي من اول يوم لاحظتها فيك يا ابو مساعد انك تصرح للإعلام وبعد شهر يجيك سؤال وش صار في تصريحك وتنكر تقول انا ماقلت كذا انا اقصد كذا ؟؟



بزران حنا تلعب علينا والله عيب


واخرها الموسم الاستثنائي ,,,, لما صار ماصار انكرت قلت انا ماقلتها

يعني كل الناس ماعندهم سالفه لاجمهور ولا اعلام وانت صح ؟



اعذروني على اللي قلت لاكن وربي شي في نفسي والله يعلم وش كثر نحترق على شان الهلال ...
وودنا نلحق على اللي باقي من الهلال .... لاكن مالبيد حيله ...



برب للمنتدى الين يرجع هلالنا ,, بدون ابن مساعد بدون اشباه لاعبين ,,, بدون مدربين سباكين ... بدون تطبيل

أتمنى رحيل ابن مساعد للأسف ماخلى لنا بطولة احنا النصراويين ما اخذها .... هذا لسان حال بعض الناس

كلمة حق متحدث لبق يدعم فريقه ....... الدليل مليون ونص على طيارة .......... لكن لاعبينه خذلوه

ولي بــ 50 مليون

العربي بــ 40 مليون

جيريتس

نيفيز

رادوي

المسلم

الشهراني

نتمنى رحيله لأنه لايوجد التكافئ للفرق بأخذ الكؤوس والألقاب ... كلمة حق الرجال ماقصر لكن المشكلة في الي عطاهم الثقة للأسف

إقتباس الرسالة الأصلية كتبت بواسطة زعيم القنص أتمنى رحيل ابن مساعد للأسف ماخلى لنا بطولة احنا النصراويين ما اخذها .... هذا لسان حال بعض الناس كلمة حق متحدث لبق يدعم فريقه ....... الدليل مليون ونص على طيارة .......... لكن لاعبينه خذلوه ولي بــ 50 مليون العربي بــ 40 مليون جيريتس نيفيز رادوي المسلم الشهراني نتمنى رحيله لأنه لايوجد التكافئ للفرق بأخذ الكؤوس والألقاب ... كلمة حق الرجال ماقصر لكن المشكلة في الي عطاهم الثقة للأسف

اولا النصر ماهو منافس على اي بطوله والسبب ليس الهلال بل لان الفقر نادي ضعيف ولن يستطيع ان ينافس على اي شي حتى لو الهلال ما لعب ضده

ما ننكر ان ابو فيصل قدم موسم مميز 2010 ولكن لا يوجد موسم غيره للاسف

جاب ولي بـ 50 مليون صحيح لكن نيفيز جابه عشان استثمار وطلع من وراه ذهب وكذلك رادوي حتى العربي رافض يبيعه با اقل من 5 مليون ونص ؟؟ رغم انه انتهى المعسكر ولم يأتي بديله ويسلي لوبيز الا بعد نهايه المعسكر هو وما نجان

ليش كل هالتاخير ؟؟؟

المدرب يجي بعد مايبدا المعسكر بـ 5 ايام ؟؟

اخطاء كبيره صايره ومو عشان قدم مستوى مميز 2010 نجلس نسكت ونمجد فيه

حنا عيال اليوم والهلال فقد كثير من بريقه من الموسم الماضي ولازال الكثير يطبل في عبدالرحمن بن مساعد

واخيرا احب اقول لكل من يدافع عن هالاداره ان الهلال متعود على الامجاد

حتى محمد بن فيصل محقق 8 بطولات في 4 سنوات جاته انتقادات وهو حقق اكثر من هالاداره 6 من 4 سنوات

وما شفنا احد وقتها يطبل لمحمد بن فيصل

الهلال فوق كل شي

ومعاهم نامي والمرشدي والعتبي مرةة وحده ابو مساعد خله يصرح الحين ويعطينا وجهه ف التوتير ويصير خير اصلن ندري اننا طالعين واذا ماطلنا الحين ما راح حتى نفوز ف الكاس تتدري يه لان مانغغان وهرماش وسو و الوزري ونامي والمردشي والحارثي لاحس لا خبر جايبينه زينه او تكميلت عدد حنا خسرنا من زمان وطالعين طالعين مايبلاها تفكير بتقولون الفريق الكوري ماعندهم لياقه مع نفسك انت ياهه بيعلمكم اللياقه ف الرياص صح . .

أنا مع أقاله المدرب والله لو المدرب في نادي الاتحاد كان مسكوه الباب
مؤ معقوله بنصبر عليه مثل العاه ريكارد

هههههههههههههه جا دور الرئيس الحين


اقول ..


الوعد بعد الاياب وهلالنا يمرض ولايموت

رئيس فاشل ما جاب ألا 5 بطولات في 3 سنوات

2 دوري
3 كأس ولي العهد

هناك أندية كبيرة لو حققت هالرقم كان عاشوا بنعيم

الله يهديكم بس الأمير ما قصر لكن ينقصة التوفيق في الأسيوية

مشكله الهلال نفسيه في ابطال آسيا

اتمنى يدخل الهلال وكأنه امام احد انديه السعوديه وربي يحققها بسهوله

وان شاء الله الزعيم يحقق بطوله آسيا راح اذكركم الموسم اللي بعده راح يكون ند قوي ببطوله آسيا لانه خف الضغط وحسوا ان ماتحتاج البطوله كل هالخوف

انا معاك الامير مع قصر ولكن في موسم واحد فقط

الامير عارف اننا مقبلين على دوري واسيوية ومع هذا ما تحرك الا ان احضر المدرب

بس من اجل التغطية وسلمه كل شي وهو تفرغ لتجارته واستثماراته واحضر مانغان

لكي يجهزه بالهلال وبعدها يبعه بكم مليون وانتهى

حنا ما قلنا لا تستثمر ولكن ليكون الضحية الهلال

إقتباس الرسالة الأصلية كتبت بواسطة A7mad k والله عيب اللي قاعد اقراه بالمنتدى ! الفريق محتاج وقفتكم ! وانتوا تقولون اقيلوا المدرب ! واذهب يابن مساعد ! وين كلامكم يوم جاب ويلي ! وين كلامكم يوم جاب رادوي ! وين كلامكم يوم جاب جيريتس ! ولا اذا صار الهلال زين نحبك يابن مساعد واذا ما صار زين انقلع ما نبيك ! المشكلة بالمشجعين الجدد ! تتكلمون وانتم لا تحضرون ولا مباراة واحده !

وانا بعد معك في كل كلمه و حرف قلته

انا من رايي ان الامير عبدالرحمن بن مساعد ما يرحل
لان رو رحل من راح يحل مكانه؟؟؟؟؟؟؟؟؟؟؟؟

انت جاي قبل مباراه فاصله تبغى تشيل اربعه لعيبه اجانب ورئيس نادي ومدرب

يعني ع بالك زلاتكو بيسوي شي بالفريق

جاي تمسكه اسبوع وتبغى تلعب بمباراه فاصله وتبغاه يسوي شي بدون اجانب

ياخي ترا والله العيب ف الروح.... اللعيبه مافيهم روح

اول شي مو حل اقاله الرئيس لكن المشكله في المدرب لانه مايعرف شي عن الهلال

لازم يكون احد ينبه على الي يصير هو يختار اي لاعب ويحط التشكيله على كيفه
وهذا خطأ لان اللعيبه كل واحد وله خانته ومكانه

وهذه المصيبه