السلام عليكم ورحمة الله وبركاته إخواني وأخواتي ..

قبل كل شي لا أحد يجيني ويقول مندس وخرابيط .. الخ ..

لأن هذا هو الواقع الذي نشاهدة بأم أعيننا فلماذا سياسة تكميم الأفواه ..

اسألكم بالله هل المدعو " هرماش " و طيب الذكر " الكوري " " ومانقان " لاعبين محترفين ومن أهم التطلعات التي يبحث عنها جمهور الهلال ليكونوا داعم أساسي للفريق ..

اسألكم بالله هل شاهدتهم أظهرة الهلال منذ سنوات سابقة وأقصد بالأظهرة الطائرة ذات النزعة الهجومية والدفاعية في نفس الوقت تذكروا معي أحمد الدوخي ظهير أيمن وقبله عبدالرحمن التخيفي .. الخ
تذكروا خالد الرشيد ظهير أيسر وقبله حسين الحبشي ..

آآآآه وآآآآاه ..

من الذي حل بعدهم يارب صبرني ..

حل بعدهم الميت البارد المدعوا " الزوري " مادري كيف يمشي هاللاعب أحس أنه يلعب بشحن لا يقدم للفريق أي نزعة دفاعية ولاهجومية ولا رفعات للهجوم صح ..

هذا في الجهة اليسرى ..

أما في الجهة اليمنى الشيخ أبو نامي والداهية البيشي ..

مادري أيش أقول وأيش أخلي ..

أنا أبي أعرف هالمدرب يفهم عندك الشهراني والفرج لاعبين شباب ومبدعين
الفرج أيسر والشهراني أيمن وفكونا من نامي والزوري ومن على شاكلتهم ..

نرجع لقلب الدفاع المرشدي ومانقان والله ياجماعة أن المرشدي أرحم من مانقان اللي مادري وشلون قايل أحس أنه مو لاعب كرة قدم ..

ياجماعة دفاعنا خرخر وشوارع بوجود ( الزوري + نامي + مانقان ) ..

فكونا منهم ولا أشوف أحد منهم يوطوط داخل الملعب ..

نبي الدفاع هكذا المرشدي والمسلم قلب دفاع والفرج أيسر والشهراني أيمن ..

ما في المحور يكون القرني وفي الوسط الشلهوب وعزوز الدوسري والفريدي ..

لا أحد يقول نبي محورين أمام الفريق الكوري
ياجماعة الفريق الكوري شاهدنا اليوم فريق ضعيف جدا جدا جدا لكن العيب في لاعبينا الباردين

وفي الهجوم يكون ياسر وويسلي

أتمنى المدرب يلعب مثل هالتشكيلة وبإذن الله سيحقق الهلال الفوز وبنتيجة كبيره ..

سامحوني على هالكلام بس والله من القهر حنا نحترق ولا عبينا باردين ولا عندهم روووح ..

الله يعين بس ..

كل ماقلته عين الصواب
وانا ازيد عليه ان المدرب فقير فنياً ولايجيد قراءة الفريق المنافس ولم اشاهده يوجه اللاعبين كل اللي انا اشوفه دائماً انه يصفر فقط0

إقتباس الرسالة الأصلية كتبت بواسطة رعد الجنوب1 كل ماقلته عين الصواب وانا ازيد عليه ان المدرب فقير فنياً ولايجيد قراءة الفريق المنافس ولم اشاهده يوجه اللاعبين كل اللي انا اشوفه دائماً انه يصفر فقط0

أشكرك على تواجدك ..

صدقني أن اللاعبن هم اللي يصنعون المدربين ..

اتركوا عنكم الهياط وحضروا المبراه الجايه حضور مؤازره مو سوالف وشتم ولعان

تحياتي اخوك

يارجاا قلت الكلام هذا قبلك لاتكتب ولاشي ماعندك جمهور الا مع الخيل ياشقرا انا اعتزلت الكتابه في المنتدى وهذا اخر رد لي بس بدخل اشوف اخبار الصحف وبطلع اقسم بالله انه ٩٠٪من الجمهور في المنتدى بس يبي يشارك علشان يزيد عدد المشاركات عنده على باله بيجيه جائزه وخذها قاعده والله ياوضع الهلال مايعتدل الا اذا رجع سامي

اللاعب الأجنبي عباره عن ( اضافه ) للفريق

ولكن في الهلال اللاعب الأجنبي ( عالة ) على الفريق بإستثناء { الذيب } ويسلي لوبيز

انا معاك بكل شيئ الا مانقان
والله مستواه قاعد يتطور من
مباراه النصر هذا اللي اشوفه
ولاتنسى تفاريس اول ماجاء
كان اطقع من مانقان
وشكرا لك

كلامك صحيح ماعليه غبار

والغبار على الزوري وهرماش ونامي ومانقان

والله أن المرشدي يصلي بالجماعة عند مانقان

مانقان والله مايسرح مع البهم أنا بفهم من اللي جابه لنا منهوووووو

هههههه لاتتعبون نفسكم بكتابة المواضيع والله ياما تعبنا وحنا نكتب ولا حد حولنا

الله يفرجها

انت مانت مندس ............ انت متودر

خخخخخخخخخخخخخخخخخخخخخخخخ

عوذه من قرتس وعشرين عووووووووووووووووذة

إقتباس الرسالة الأصلية كتبت بواسطة موهبه دمر نفسه اتركوا عنكم الهياط وحضروا المبراه الجايه حضور مؤازره مو سوالف وشتم ولعان تحياتي اخوك

الله يسعدك ويخليك لعين ترجيك ..

هذا ماهو هياط ياعزيزي هذا واقع ..

الهلال غالبا إذا لعب في آسيا بلا روح على الرغم أن الفرق اللي تقابلها أقل بكثير من إمكانيات الهلال ومع ذلك يحرجونا وفي بعض الوقت فازوا علينا ..

نبي لاعبين يحرثون الملعب حرث ويبشرون نحظر لهم المباريات

إقتباس الرسالة الأصلية كتبت بواسطة إحترت اسميك! أنا معك في كل ماقلت والله انك بردت تسبدي ؟ الفريق بلا روووووح ويلعب بدون 3 من المحترفين ( هرماش والكوري ومانقان ) الله يرحم اللاعبين المحترفين اذا هذولا محترفين المشكلة ان الهلال ماعاد يلعب كورة حقيقية الا امام النصر ؟؟؟؟ وبيجيك واحد ويقول اني مندس الله يستر انا مع من كتب احضروا المباراة القادمه وساندوا الفريق ؟ سنتحرك من تبوك الورد فأرونا ياأهل الرياض عشقكم للزعيم

أسعدني وسرني كثيرا حضورك ..

إقتباس الرسالة الأصلية كتبت بواسطة راكان الغامدي يارجاا قلت الكلام هذا قبلك لاتكتب ولاشي ماعندك جمهور الا مع الخيل ياشقرا انا اعتزلت الكتابه في المنتدى وهذا اخر رد لي بس بدخل اشوف اخبار الصحف وبطلع اقسم بالله انه ٩٠٪من الجمهور في المنتدى بس يبي يشارك علشان يزيد عدد المشاركات عنده على باله بيجيه جائزه وخذها قاعده والله ياوضع الهلال مايعتدل الا اذا رجع سامي

جمهورنا للأسف ماضيع لاعبنا إلا هم ..

أنواع التطبيل حتى للي مايسوى ..

زعيمنا يحتاج لاعب يلعب بروح أي كان إسمه ولا تهمنا الأسماء اللاعب إذا لم يلعب بروح ولم يطور مستواه يجلس الله لايهينه في الأحتياط ..

إقتباس الرسالة الأصلية كتبت بواسطة sl7 اللاعب الأجنبي عباره عن ( اضافه ) للفريق ولكن في الهلال اللاعب الأجنبي ( عالة ) على الفريق بإستثناء { الذيب } ويسلي لوبيز

صدقت أخي الكريم ..

ويسلي لاعب حماسي ويحرث الملعب ماشاء الله عليه ..

لكن مامعه أحد أظهرة الفريق معطلة تماما لاتجيه عرضيات ولا رفعات ..