|
جاء يرقعها عماها .. بيدنا بنجيبها لا اداره ولا مدرب عندما تريد ان تطبق الاحتراف التطبيق يجب ان يكون بشكل كامل لا ان اطبق امور اعتقد انها احترافيه وهي تضر الفريق واقول انا ادارتي تقوم بشكل احترافي نجي للكلام العامي السهل الادارة لها اربع سنوات والموسم انتهى بدري كم صوتنا وقلنا تحركوا وجيبوا وصلحوا ونفاوض ونفاوض كل الانديه الاتحاد اولها بكل مشاكله يستطيع العوده بسرعه ويعدل اموره ويجيب محترفين ومدربين طيب الي صار صار ومافيه احد مايغلط وادارتنا ماقصرت في امور كثيره . نجي للي حاصل الحين المدرب وشفناه من بداية الموسم اسالكم بالله من اصغر مشجع لاكبرهم وش التغيير الي حسيته صار بالهلال عن قبل او من بعد جيرتس الرتم الفني بانحدار تام كانه سوق الاسهم يومين فوق وعشره تحت يعني هذا دليل ان فريقنا يعاني وفيه خلل واضح للجميع من مدرب ولاعبين وخلافه نجي الى كومبواريه (الفاشل ) والي صار امس والفتره الماضيه وطبعا الاداره لها دور في تركه لاعب كبير مثل نواف العابد افضل لاعب عندي انا ماجامله ولا اساعده على الغلط لاكن انا لما اجي واوقف نواف العابد وش استفاد (الهلال ) ايضا طيب الذكر الفريدي الي انا اول واحد ضد الي قاعد يسويه بالاداره والفريق لاكن نواف العابد اخطا اخصم من مرتبه الشهري واعلن للجميع الفريدي تبي تلعب هذا عرضي لك ماتبي انتهى الموضوع انت السنه القادمة مهب من ضمن خياراتي لاكن استفيد منه والعبه اذا احتجته هذا شي الشي الثاني نرجع للمدرب الرائع انا بفهم امس وين كان تفكيره وحنا كهلاليين وين كان تفكيرنا والله ثم والله اصغر مشجع يمسك الفريق امس مباشره بيغير الكوري ويدخل ياسر دكة احتياط يتمناها اي فريق عنده فريق تاركه بالاحتياط ( الفرج) هل يستحق الاحتياط ! اول لاعب انزله للملعب الفرج الشلهوب سالم الفريدي ياسر الفرج والعابد بالرياض وياقلب لاتحزن الاسيويه اذا جت فهي بعد توفيق الله وبعده حنا ياجمهور الهلال لا ادارة ولا مدرب خلونا نوقف الانتقاد ونملى كل شبر بالملعب ونشجع اللاعبين الحضور الحضور الحضور ياجمهور الزعيم وحنا الي بنجيبها ان شاء الله |
يا لرجال اقسم بالله فريقنا من زفت الى ازفتت أإله يا هلال امس أشوف طيور شلوى الاتحاد والله الدمع بعيني فريق من مصيبة الى مصيبة ويهزم أقوى الفرق المنافسة ع اسيا لاعبين يحترقونننن لأجل الشعار احتراق ف الملعب وحرقوها حرث وحنا عندنا نامي و الزوري والمرشدي يا يطيح يا يقلبها سباحه و ان طاح ما قام لا وفوق كل ذا وجيني واحد يقول انسو اسيا و ركزو ع الدوري والمباراة الجاية يا اخي ملينا يلعن جد هالدوري اللي صار كل من هب ودب يتصدرة و فوق كل ذا بالقوة ناخذة نبي بطولة الرجاااااال اسيا مانبي غيرها يا لاعبين يا إدارة شويةةة احساسسسسسس اه يا اسيا قد ايش عذبتينننننا |
حنا ذبحتنا المجاملة والكذب على الجماهير الهلالية يقول احد المسعولين بالهلال ان تغييرات المدرب جيدة والله من الدجه عند المدرب وين جيدة وهو حاشر الفريدي عندة على الدكة وهو عااارف انه محتاج صناعة لعب بس شكل المدرب مغلووب على امره بسالفة الفريدي التغييرات اللي يمدحها لنا الريس كلها ماسوت شيء لانها متاخرة وااااااااجد انا مشجع هلالي ويحق لي اسئل عن الفريدي ليه مايشااارك ولا على شان ماااوقع ياليته مايوقع مع الهلال لأن الهلال ينتهج سياسة غلط بحقه والكل عااااااااااارف ان الفريدي رجل عاااقل وكل مناسبات الهلال يلبس لبس رجاااااااااال ماهو مثل الهمل الباقيه |
اتفق معك والله اني اصفق للاتحاد امس ماهو حب للنادي لاكن للي سواه اللاعبين من حب ومحترقين لشعار ناديهم ومقدرين الجمهور |
مع احترامي لادارة الهلال اسيا يبغا لها ناس فاهمه شوف الاتحاد كيف يلعب قسسم بالله العظيم اني هلالي وامس تحمست في مباراة الاتحاد اكثر من مباراة الهلال وكنت ابغا اتابع مباراة تشلسي سحبت عليها وجلست اشوف الاتحاد فعلا نادي يلعب بروح وبتكتيك عالي ومع كل هدف للاتحاد كنت اصفق له وكل الهلالين اللي معي كان نفس الشيء لانه يستاهل مدرب فاشل او اداره فاشله واحد من هالاثنين يا انه الادراه لم تشرح الوضع الهلالي للمدرب او انه المدرب عنيد ولا يفهم الهلال لو دخل امس بالتشكيله هذي اضمن لكم الفوز السديري الفرج .. المرشدي .. مانجان .. الشهراني القرني .. هرماش الشلهوب .. الفريدي .. سالم (عزوز) ويسلي كان انتهت النتيجه اقل شيء 3 لصالح الهلال الفريق الكوري ضعيف جدا |
أختصر كلامي واقول ، بصراحةة مدرب سباك مع مرتبةة الشرف |
انا معاك المدرب مشي حالك وهذا مو منه من الاداره اللي من بعد جريتس ما عرفت تجيب مدرب بحجم ومكانة نادي متزعم اسيا المصيبه ان الانديه الصغيره متفوقه علينا في المدربين والاجانب لان عندهم فكر ناس تجب النادي مو ادارتنا ابعدت ابناء الهلال وجلبت السماسره اما بالنسبه لعقوبة العابد اشوفه يستاهلها لكن مو لدرجة الابعاد كل هذه الفتره ليعلم الرئيس اننا غير راضيين لا على المدرب والا على الاجانب اللي لاعبينا المحليين افضل منهم سمو الامير سامي طلب انه يكون مدرب للهلال سألتك بالله هل المدربين اللي مسكوا الفريق افضل منه لو فيه امل يرجع سامي اعطوه دفة التدريب ابن النادي ويستحق وافضل من الاجانب وبإذن الله بيكون قد هالمهمه لانه طموح محب ويهمه مصلحة النادي بالتوفيق للزعيم وان شاءالله نشوفه محقق الكأس يعطيك العافيه |
اسيا تبي سامي و سمو الامير محمد بن فيصل غيرهم يبيلك معجزه الله يعينا صراحه تحطيم |
إقتباس:
مولع من بدايه المباراه الى نهايتها ولا شفت واحد منهم ياكل فصفص ولا جالس كلهم مولعين اذا صار الجمهور مثلهم بيصرون لاعبينا افضل منهم لان بالاسماء نجوم الهلال افضل لاكن بالجمهور ؟؟ وقود الاعبن هم الجمهور عمرك شفت جمهور الاهلي او الاتحاد يسوي صافرات استهجان على لاعبينهم ؟؟ هذي اححتكار لجمهورنا العزيز |
لو يرجع سامي ويمسك تدريب الهلال بهاذي الفتره ومع كل هاذي الظروف اعتقد ان اول بطولة راح يحققها في تاريخه التدريبي القصير هي ( آسيا ) الفريق يحتاج الى مثل هاذي الخطوات الشجاعه والتضحيات يابن مساعد وارجع واقول حنا الي راح نجيبها بيدنا كجمهور لاكن بشرط احساس اللاعبين لاي فريق هم يلعبون |
إقتباس:
وش رايك بجمهور الاتحاد ؟؟ ع شان تعرف سر انتصاراته وترى الاهلي يصير ع خطاه لان جمهور الاهلي مثل الاتحاد اما حنا جمهورنا تبي تحطيم سب شتم صافرات ابشر وشلون صافرات وسب وشتم وقله حضور وتبون بطولاات كل المباريات مفروض تحضروون الله يعين بس |
مآضيعنآ آلآ آلمدرربين ! آلهلال عندده لعيبهه آقسسم لك بآلله كل آلآنديه يتمنونهمممِ ! لآكن ولآ مدررب آستغلهم غير كوزمين وجيريتسِ هذوليَ آللي يلعبون بفكرر .. |
إقتباس:
مفروض تعاقب الاعب مو الفريق ابعاد الاعب الى الاولمبي هذي معاقبه للفرييق وليس لللاعب يعني اخصم من راتبه او اي عقوبه بس للاولمبي الفريق هو من يتعاقب |
موعد الفريق الكوري مع جماهير الهلال كما قالت الصحف الكوريه محذره لاعبيها جماهير الهلال تنطق الصخر !!! هل تكون التعبئة الجماهيريه بقدر الموقف ؟ |
والله العيب مو في المدرب .. العيب في اللاعبين .. صحيح أن تشكيلة المدرب خطأ إلا أن اللاعب يخذل المدرب في كثير من الأحيان .. أمس الوسط والدفاع ضايعين |
| الوقت المعتمد في المنتدى بتوقيت جرينتش +3.
الوقت الان » 10:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd