|
سلمان الفرج ؛؛؛ رجل المباراة بسم الله الرحمن الرحيم السلام عليكم ورحمة الله وبركاتة ؛؛ اما بعد اخواني اخواتي الزعماء كنت سأكتب موضوعي هذا بعد المباراة مباشرة فأيقنت انني ساكتبه وانا حزين ومقهور وساكتبه بعاطفتي فتراجعت ؛؛ الى ان هدأت واحسست بانني ساكتبه عقلانياً ؛؛ في البداية اتمنى التوفيق في الرياض لزعيمنا الملكي امام الشباب ومن ثم الرائد الى ان يلتقي اولسان ؛؛؛ ومن هنا ابدأ بماحصل في مباراة اولسان بالامس هل اللوم على اللاعبين هل اللوم عالمدرب فلا ادري الى الان من الوم ؟؟ ولكني قررت ان نأخذهم واحداً تلو الاخر فنبدأ بالسديري تمكن من انقاذ المرمى من اهداف محققة وتحمل عبئ الاخطاء الدفاعية الشنيعة؛؛ نأتي الى صاحب هدف اولسان مو الكوري لا لا خوينا ماجد المرشدي اللي كان مفروض يكون ثابت وواثق لانه موجديد على هالمباريات ولكنه بالعكس كان اكثر الخائفين وفوق كذا يعطيهم الكورة داخل منطقة الـ 18 وماخفي كان أعظم؛؛ نروح للاعب الدولي المحترف في فرنسا مانجان لا هو اللي غطى مكان ابو كلبشة ولا هو اللي سوى نص مستوى اسامه فما اضاف في الفريق مانجان مازلنا في سقوط في اختيار المحترفين بعد رحيل رادوي وتيفيز وغيرهم من الراحلين ؛؛؛ نروح للزوري كان مستواه في المباراة بمراحل متفاوته مره نشاط وخمس مرات نوم وسرعة الكوريين سببت له ازمة ؛؛؛ نامي مدري وش اقول اعتقد تنزيله غلطة مدرب لانه ماكان مهيأ اصلاً للعب صراحة هو كان نقطة الضعف في المباراة وكان كل الهجوم الكوري من جهته ؛؛ نجي لمحترفنا الثاني اللي اول ماتعاقدنا معه قال بنسيكم رادوي وحن الى الان نبكي على رادوي عادل هرماش مدري وين كان باله وذهنه تحس انه يفهي وكان مشدود من اول دقيقة وضاع وضيعنا معه ؛؛؛ محمد القرني كان يقاتل في وسط الملعب وحيداً ويغطي غلطة هذا وذاك اتمنى ان يتطور مستواه للافضل مع تكرار المباريات ؛؛؛ عبدالعزيزالدوسري كان يبحث قليلاً بالمهارات الفردية ولكنها لم تنجح لان الكوريين كأنهم يقرؤون كل حركة يريد ان يفعلها عزوز وكان محتاج اكثر لان يكون صاحب لمسة واحدة اللعب امام الكوريين ؛؛؛ ياسر الشهراني اكثر من ركض في المباراة ولكن ركضة لم يكن ذو فائدة الا عندما اتجه الى الجهة اليمنى وكان مفتقد للتركيز نوعاً ما؛؛؛ نجي للكوري يونج بيو : عفوا ان اللاعب المطلوب لايمكن ان يفعل شيئاً في المباريات فضلاً تأكد من اللاعب الصحيح وشكراً؛؛؛ ويسلي لوبيز كان من اكثر اللاعبين تحركاً في الملعب يقاتل ويدافع ويعود لاخذ الكرة في ظل غياب هرماش ويهاجم وحيداً بغياب الكوري وافتقد لياسر من بداية المباراة ؛؛ سلمان الفرج نقطة تحول المباراة من الكوريين للهلال فمنذ دخوله ومستوى الهلال ارتقى انتظم خط الوسط وانتظم التحضير للهجمه وبدء اللعب من لمسة واحدة الذي دوماً مايتعب منه الكوريون وبدأت الخطورة الهلالية وقد استغربت عدم تواجده من بداية المباراة سلمان الفرج هو رجل المباراة في وجهة نظري الخاصة ؛؛؛ ياسر القحطاني فعل الهجوم وكون خطورة وفعل المثلثات الهجومية وكان مصدر خطورة على الكوريين واضاع فرص وصنع فرص ؛؛ اذن هو من كان ان يستحق ان يكون اساسياً من البداية ؛؛؛ سالم الدوسري : لم يغير شي ولم يسبب خطورة عالكوريين لقل الوقت الذي دخل فيه ولهبوط مستواه الغريب منذ فترة ؛؛؛ كمبوارية : ياعمي اثبت على تشكيلة كل الناس قالو مافي اروع من تشكيلتك امام النصر بس بدون الكوري بياسر وشف كيف صار بالنصر ورجعت غيرت قدام الشعلة وبغينا نروح فيها لولا الله ثم الحظ شف لك حل واثبت ورجائنا ياكمبوارية ان تركز في عملك والاختيار الجيد فالفريدي مثلاً لو تواجد بالامس لكان هناك حديث اخر كمبوارييييييييييه (صحصح) بليييييز اتمنى اني ماكون طولت عليكم بالحديث واتمنى منكم مشاركتي هذا التحليل |
سسلمآن مآدخل الا اخر عشر دقآيق وسوأ جهد مآسوأه كل اللاعبين .. وشلون لو انه موجود من بدآية آلمباراه , كاان كلآمم ثآني . الحمدلله ع كل حآل وبآلتوفييق للزعيم بآلآيآب :ba: |
انا اطالب باستقالة كومباوريه ويحطونك مكانه |
انت صديقي خلاص:d والله ان سلمان الفرج افضل لاعب في نادي الهلال والي يقول غير هذا الكلام مايفهم شي لاعب راكد تمريراته اغلبها صحيحة يغطي صح مهاري يرفع صح كامل والكامل وجه الله |
من الأفضل أن يكون تبديلات المدرب بعد الدقيقه 60 حتى يدخل الاعب جو المباراة وخاصة إذا كان الفرق متأخر |
اخواني محمد ؛؛؛ الذيب الوحيد ؛؛؛ المطيري ؛؛؛ فتى العريضي اشكر مروركم على الموضوع وابداء ارائكم والتي شرفتني قبل ان تشرف موضوعي اشكركم من صميم القلب اخوكم / وترهلالي ALGHAITHAN911@ |
سلمان الفرج وياسر القحطاني بعد ما دخلو المباراه شكلو هجمات خطيره على الفريق الكوري |
اشكر مرورك اخوي عبدالله واؤيدك فيما قلته ونحن بحاجتهم في مباراة الاياب والله يستر قبلها من الشباب والرائد ؛؛؛ ليه في وقت من الاوقات قبل الموسم الماضي تحديداً؛؛؛ كلنا نلعب مع اي قريق وهو اللي يقول ان شاء الله نعدي من الهلال والموسم اللي فات وهالموسم صاير العكس ؟؟؟ اين الجواب ؟؟ |
كلاامك صحيح بس على فكره الكوري وويسلي ماوصلت لهم هجمات صريحه ولآن ويسلي يرجع للخلف شفناه في المباراة والكوري مايرجع لان المدرب طالب منه انه يكون مهاجم صريح وخلفه ويسلي انا مااحط اللوم على ويسلي ولا الكوري ولا عزوز ولا الشهراني ولا السديري : بس المحاور والدفاع والمدرب يتحملون مسوؤلية الخساره . |
في 3 اكتوبر سوف ترون انقلاب هلالي مباراه الذهاب انتهت بخيرها وشرها اهم شي عوده الروح للفريق واحنا علينا بالحضور |
قفلوا موضوع الاسيويه .. ما والله نجيبها بهالكديش لا صاروا زي لعّيبة الاتحاد ..تعال نتفاهم .. الفريق الصيني اقوى من اولسان بمراحل ..ولعبّوهم على باب واحد الاسيويه فكر فيها السنه الجايه .. اذا الاداره كرشــت بعض اللاعبين .. وجابت لاعبين ..وغيرت الاجانب .. |
بصراحة كلامك بخصوص الفرج 100% بس باقي شوط ثاني ,,نحتاج نوقف جنب الفريق وندعمة وبعد كذا لكل حادث حديث ,,,, |
معوضين بأذن لله في الاياب |
الف الف شكر لك اخووي كتبت وأتقنت الكتابة وكأنك تقرأ ما في داخلي وهذا يدل على فكرك العالي بعيد عن من يتجه للهجوم المباشر على اللاعبين والمدرب والادارة نحن ياجمهور الملكي في فترة حرجة جدا جدا وتحتاج لفكر جمهور قبل فكر الادارة والمدرب وكلنا نعرف وش اخطاء الهلال خاااااااااااصة الدفاع 1-ماجدالمرشدي << حدث ولا حرج لاعب من وجهت نظري يحااول انه يجتهد لاكن هو لاعب ما عنده فكر مدافع ولا لاعب اساسا ((وجهة نظر)) 2- عبدالقادر مانغان << اقسم بالله العظيم انه لاعب لايفقه في الكرة شي لاعب وكانه كان مقلب وطعم واكله الهلال يلعب بدون اي اهمية ويلعب وكانه في تمرين لايوجد لديه اي من المسؤلية 3- عادل هرماش << يتعالى على الهلال ولم يقدم شيئ يشفع له مستواه عاااااااااادي جدااااا (( عمر الغامدي - خالد عزيز)) عندما كانو في الهلال في اقل مستوياتهم يتساووون معه 4- الكوري يو بينق << لاعب مربوووش لايوجد استلام ممتاز ولا سرعة وبعييييد عن الحس التهديفي واكبر غلطة التجديد او ابقائة في الفترة الماضية طبعا الكلام كان من وجهة نظر متواضعة جدا ا اا |
مشكله الهلال نفسيه في بطوله آسيا لاحظ لاعبي الاتحاد يدخلون مباريات آسيا مختلفه اسلوب وتعامل مع البطوله عكس البطولات المحليه والهلال العكس تماما في المواسم الماضيه وهنا تعود على النفسيه فشاهد الهلال في بطوله ولي العهد يدخل البطوله وكأنها له يبحث عن الفوز فقط لانها مسجله بأسمه اما بطوله اسيا وكانها امر مستحيل تحقيقها وهذا فشل في الاداره فإداره الهلال هي من اوعزت الاعبين بان بطوله اسيا معجزه جميع المدربين والاعبين القادمين للهلال منذو استلام الرئاسه عبدالرحمن بن مساعد واول كلمه يقولونها في المؤتمر الصحفي نحن مركزين على بطوله اسيا لماذا كل هذا الاهتمام بالبطوله لماذا لاتلعب وكأنها بطوله عاديه مثل ولي العهد بسهوله نحققها وامام فرق صعبه الموسم الماضي لعبنا امام النصر والاتحاد والاتفاق وحققنا البطوله بالرغم من صعوبه المنافسين والموسم هذا لازال الهلال يلعب بطوله اسيا امام فرق اقل منه مستوى ونجوم ومع ذلك هزائم في هزائم ومستوى مهزوز والخروج من آسيا امام فرق ضعيفه جداً لاتقارن بنجوم الهلال ومدربيها واللي يثبت صحه تعليقي ماقاله كومبواريه امس في المؤتمر الصحفي بعد المباراه قال : بالحرف الواحد لاعبي الهلال كانوا خائفين في الشوط الاول وين عامل الخبره في المباراه ؟ وهم داخلين خائفين وكأنهم في حرب |
| الوقت المعتمد في المنتدى بتوقيت جرينتش +3.
الوقت الان » 10:04 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd