|
كومباريه فاهم الصرامه غلط .. و ابن مساعد لم يطبق ما صرح به ! . . بسم الله الرحمن الرحيم .. اول شيء هارد لك للجمهور الهلالي .. فريقنا كان سيء ، الحظ ما حالفنا ببعض فترات المباراة ، ولا حالف الفريق الكوري بالبعض الاخر .. وواحد صفر نتيجه طبيعيه لـ " سوء " الهلال في مباراة امس .. " بداية باتكلم عن الرئيس عبدالرحمن بن مساعد .. كل موسم نسمع تصريح " طفشت من الكوره " ، " كنت باستقيل لو ما فزنا " ، " انا خلاص باستقيل بعد خسارتنا المباراة هذي وخروجنا " .. وهالتصريحات والكلام هذي .. سمو الامير انت جالس تشتغل وتقدم .. حرام اللي تسويه تخربه بتصاريح وتصرفات انت اكبر منها ، خسارة بطوله ما تعني نهاية الكوره والفريق .. ومشكله اعلاميه ما تطفش خبير بالكوره السعوديه مثل سموك ، المفروض انت تعودت وتكون اقوى من الشكل اللي انت تطلع فيه .. اما اذا انت صدق طفشت ، فـ الهلال مليان برجال واعضاء شرف قادرين يسدون مكانك .. بعيد عن هالاشياء .. الامير عبدالرحمن بن مساعد طلع بتغريدات من حسابه الخاص بالتويتر ، قال فيها : احمد الفريدي نجم هلالي وسيستفيد منه الهلال حتى نهاية عقده " حتى لو وقع مع اي نادي في الست شهور الحاليه " .. واللي شفناه في الملعب عكس هذا الكلام تماماً : ) .. لا احد يقولي المدرب مو مقتنع او المدرب ما لعب الفريدي ، الفريدي نجم كبير ومستحيل انك تفضل الشهراني اللي مركزه ظهير ، على لاعب مثل احمد الفريدي نجم دولي ومن افضل لاعبين الوسط بالكوره السعوديه .. فـ انا اقول يا سمو الامير ، اذا انت ما تبي احمد الفريدي يلعب .. لا تقول للجمهور انك بتستفيد منه لنهاية عقده : ) .. وهذا كان تعليقي على اللي يسويه الامير عبدالرحمن بن مساعد .. " بالنسبه للسيد كومباريه .. يا سيد يا مُحترم .. اذا انت مقتنع بالتكتيك في المباراة وما تبي تغير التكتيك وكل تغييراتك بتكون لاعب بدال لاعب بنفس المركز .. ما نقولك شيء .. بس مستحيل تكون مقتنع باداء ( نامي ، هرماش ، الزوري ، عزوز الدوسري ، الشهراني ) .. السؤال ليش تاخرت تغييراتك ، ولا دخلت ياسر وسالم الا بعد الدقيقه 80 !!! عزوز الدوسري كان يعك بالكوره .. ياسر كان ضايع بالنص ولا يلقى حلول ، وسط الهلال كله كان ضايع ، انت تلعب بمحورين ولاعب تكتيكي بين الهجوم والدفاع ، وعزوز الدوسري وحيداً كوسط متقدم .. بهالطريقه مستحيل تستفيد من ويسلي والكوري يو بيونغ وما عندهم احد يساندهم ، وهذا شيء واضح من الشوط الاول .. اللي المفروض يصير ما يبي له تفكير ابد .. الفرج مكان هرماش ، الفريدي مكان نامي واعادة الشهراني ظهير ، او الفريدي مكان الشهراني .. من بداية الشوط الثاني ، وقتها تمسك النص وتمسك كوره وتغير من شكل الفريق ، وبعد ما تحسن فريقك تنزل سالم او ياسر مكان الكوري او عزوز .. وبكذا تكون غيرت شكل الفريق من بدري واخرجت السيئين وبتلعب بشكل جيد .. " الشيء الثاني .. نواف العابد نجم مميز جداً ، ولاعب كبير وموهبه مستحيل ينكرها عاقل .. ليش تحرم نفسك من لاعب بامكانياته ؟ اللاعب مو منضبط ، اخصم من راتبه جلسه على الدكه مبارتين ، واذا جت المباراة المهمه باسيا اقل شيء خله احتياطي ، لانك راح تستفيد منه .. يعني لاعب سريع ، ومهاري ، وتسديداته سم .. كل هالاشياء كنا نبحث عنها امس ، في ظل البحث عن الحلول الفرديه .. فـ ليش حرمتنا من لاعب ابسط حقوقنا اننا نستفيد منه في مثل هالمباريات الكبيره ؟ اذا اللاعب ما هو منضبط .. اخصم من راتبه ، ركه بالدكه ثلاث مباريات .. والمباراة المهم خله عندك لانك بتستفيد منه !! هذا اللي كل الانديه تسويه في الخليج او في اوربا : ) .. " الشيء الاخير .. امس الهلال كان سيء جداً جداً جداً .. ومع ذلك قدرنا نجاري الفريق الكوري كثير وحنا نلعب معه في ارضه ، فـ انا متفائل بعودة الهلال في الملز ، ومتفائل بتاهل لان ما قدامنا خصم " يخوف " .. السديري الزوري - مرشدي - مانقان - البيشي هرماش - الفرج الفريدي - الشهراني " او عزوز الدوسري " ويسلي - يو بيونق هذي التشكيله اللي مفروض من كومباريه يدخل فيها بالاياب .. ( القرني - سالم - ياسر - العابد - الشهراني " او عزوز الدوسري " ) كل هالاسامي بتكون بالدكه .. واتمنى من كومباريه يستفيد منها بمجريات المباراة ويغير شكل الفريق ، ولا ينتظر الدقيقه 80 : ) : ) : ) .. " ختاماً .. الله يوفق الهلال ، ولا زلت متفائل باسيا هذي السنه ، وباذن الله البطوله هلاليه : ) .. |
كلام فاضي وتنظير في المنتديات لكن لو خلوك مدرب للفريق بتضيع علومك |
" " كنت اتمنى ردك يكون بشكل ارقى شوي .. عموماً اللي صار امس ما يبي له خبير ولا مدرب ، الامور واضحه .. والنص كان ضايع .. بس شكلك ما تعرف من الكوره الا انها مدوره : ) |
إقتباس:
ماهو معجبك الموضوع لا ترد ،،،،، هلالي ويموت بسامي أعجبني طرحك أخوي والأخطاء أمس واضحة ، والسبب مجهول هل هو المدرب أم الإدارة أم اللاعبين الله أعلم |
اتفق معك% اذا خرجنا من الاسيوية بسبب انظباطية مدرب لاكن كم راااح من فلوس ومبالغ طائلة عشان نحققها |
والله كلام صحيح , اعجبني موضوعك كثير ! لكن لازم نحضر ف الاياب ! وان شاء الله خير ! |
علينا دفاااع نحسد عليه.....................والمدرب اخطاء في التأخير بالتغيرات مفروووض غير بدايه الشوط الثاني في الوسط....لكن للامل بقيه.... |
كلآمك واقعي و صحيح ولله العظيم بس المشكله اذا آنتقدنآهم قلو مندس آجل اشوف الغلط وآسكت عليه قسمن باله اني لما اشوف الاتحاد امس يلعب ب روح قتاليةاني انقهر من ك قلبي ودي الهلال يلعب ب رح قتالية يآخي ام فريقنا ولا شي |
كلاااامك صحييييح وواقعي وعالجرح .. لاااكن تشكيييلتك مخيييسة .. انا من اليوووم وصااعدا باسعى و اقووول واكرر الكوووووووووري برا النااااادي يااااسر احسن منه انا اكره ياسر .. لاكن الحق ينقاال الكوووري فااااشل واذا لعب بنخسر .. وبلاااش تطبيييل له + الششهرااااني يا تلعبه بمركزه يا لا تلعبه هو ظهير طلع الزوري ولعبه وبلااش فلسفة .. و بــــــــــــــــس |
كــلامـــكك اخوووي كلهه صحيح وان شاء الله الفوز في مبآآراة القادمة |
ياشيخ بادارة عبدالرحمن بن مساعد فقدنا كل ركائز الهلال وسبق آن ذكرت وطالبنا بتغيير الادارة الهلال فقد ابو كلبشه و فقد ياسر للعين وفقد عمر الغامدي وفقد خالد عزيز وفقد الان شافي الدوسري الظهير الي ماسك مكانه !! الزوري وراح يفقد احمد الفريدي ,, الادارة تسير الى الهاوية والجماهير اطبلها ماتدري وين الكورة رايحه اغروها بالتصاميم والتواقيع وصور العرض الله يعيييييين بس بس مدرب سباك وادارة فاشلة وجماهير اطبل وتبون اسيويه |
اولا الفريدي ثلاث ارباع جمهور الهلال مو مقتنع فيه ،، ثانيا انت شايف الشهراني كيف حرث لك الملعب يمين ويسار ؟؟؟ كيف تقارنه بالفريدي البارد ؟؟ ثالثا مافهمت عليك انت مقتنع بالشهراني أو مو مقتنع فيه |
| الوقت المعتمد في المنتدى بتوقيت جرينتش +3.
الوقت الان » 02:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd