خلونا واقعين شوي وتعالوا اقولكم الاشياء اللي يمكن البعض يتمناها !!
 

-


بسم الله الرحمن الرحيم

اولا : عسى ان تكرهوا شيئا وهو خير لكم
ماتدرون وش الخيره وترا ربي قادر على انه يفوزنا بـ ارضنا و بجمهورنا

ثانيا : خلونا نكون شوي واقعين بدون تجريح وسب
مستوى الهلال جدا سيء اللعيبه جسد فقط يمشي بالملعب ما هكذا عودنا الهلال في خارج ارضه
يعني الحمدلله انها جت على 1-0 , وبهالمستوي السيء

وان شاء الله بارضنا والله اننا قادرين نعدل النتيجه بس بشرط
نستفيد من اخطاء اللي صارت ب هالمباراة

صدقوني لو الهلال بروح وبحماس والله كان فزنا على الفريق الكوري
هم يراقبون لاعب بلاعب مشكلتنا نخليهم يفكرون وين يناولون ولا لمين يصلحون

نجي للاعبين اللي كم مباراة ماقدمو شي مثلا الدوسري عزوز مستواه نازل جدا
ما حسيت هذا لاعب يصنع لك هجمه
يعني بالعربي ماعندنا صانع لعب زي الناس ,

في السنوات اللي قبل كان الهلال يعتمد اكثر شي على الوسط و الهجوم واحد
مع كذا كنا نفوز ويمكن بنتيجه حلوه ومرضيه بنفس الوقت

عزوز الدوسري مع احترامي له الا ان مستواه جدا نازل والدوسري ماينفع يلعب بلحاله صانع لعب
كان يبرز مستواه يوم كان جنبه الشلهوب والفريدي

والمدرب يصر ب هالتشكيله , مع ان تعجيبني التشكيله بس الوسط مايعجبني ابد
الوسط هو اللي لازم يهتم فيهم هم اللي ماسكين زمام المباراة هم اللي بيصلحون

طيب مثلا عندك حلول ثانيه
نقدر نلعب ب مهاجم واحد ( ويسلي ) وثلاثه وسط واثنين محور
نبي وسط يصنع لك كوره مهب ( يبي يتخلص من الكوره )

مثلا ليش مايجرب مدربنا

السديري
الزوري - المرشدي - مانجان - البيشي
الفرج - هرماش
الفريدي - الشلهوب - العابد او ( الشهراني )
ويسلي

ميزة الوسط عندنا يقدرون يسجلون ويصنعون مهب الكل البعض طبعا
يعني التغير حلو بدال مهاجمين مهاجم ( وجهة نظر فقط )


ثالثا ياجماهير الزعيم , الهلال بيلعب بالرياض بارضه وبين جمهوره
حقين المقاهي والاستراحات تجملو بس ب هالمباراة على الاقل
خذ معك لو تبي حارتكم كلها وتعال للملعب , تذكرو ان هذا املنا الوحيد بالفوز
السلاح الوحيد اللي بيخلي الهلال بروح وحماس هو حضوركم والتشجيع المستمر

مين منى يتمنى يكون جمهورنا زي كذا

‫جمهور الهلال اهازيج اغنية اجيبه يعني اجيبه ابو ظبي‬‎ - YouTube

ماشاء الله هذا معقوله كان جمهورنا وب هالحماس ,
كلنا مشتاقيين قسم بالله عسى الله يوفق الزعيم يارب

ولاتنسون مباراة الغرافه والمعجزه اللي خلتنا نفوز

‫أهداف مباراة الهلال والغرافه 2-4دقائق مجنونه..فارس عوض‬‎ - YouTube

دام في فرصه يعني فيه امل
خلو ثقتكم بالله كبيره وماخاب من قال يارب


اتمنى منكم الحضور ومساندة الزعيم في هالوقت وفي مباراته مع الفريق الكوري
دعمكم بالحضور صدقوني هذا بيكون دافع للاعبين عشان يعدلون الوضع
ترا قسم بالله الطريق ممهد للزعيم ياخذ اسيا اذا ما اخذها الحين متى ياخذها



* اللهم وفق الزعيم فوق كل ارض وتحت كل سماء
* اللهم وفق الزعيم فوق كل ارض وتحت كل سماء
* اللهم وفق الزعيم فوق كل ارض وتحت كل سماء

-

انتظرر ردودكم وتعليقاتكم يازعماء

يعطيك آلعآفية
آن شآء الله آلجمهور مآيقصر بآلحضور
وآلفوز بآذن الله للهلآل

.... عدت بخيرها وشرها هالمباااااراة بس اتمنى نأخذ درس من مبااااراة اليوم ومايتكرر اللي صار بكوريا بالرياض ...

.... الله يكتب لنا التوفيق ....

... ويعاااافيك ربي ....

انا متفائله كثير

بس اخاف ننصدم ويصير فينا مثل مباراة ذوب اهان

بالتوفيق للملكـــــي في مباراة الاياب

يعطيك العافيه

كذبت ؟ وش قدم الهلال حتى لو تحققت الفرص اخر الدقاايق
يضل المستوى سيء , يا اخي شف الارتباك

يمكن انك تشوف مباراة ثانيه عاد ما ادري عنك

نبي مواضيع تحفيزيه شباب ارفعوا المعنويات

لا تحمل اللاعبين مسؤولية الخسارة

اللاعب ما ينلام لأنه للآن مايدري هل بيلعب المباراة او لا وغير كذا مايدري مين اللي بيلعب معاه او قريب منه بالمركز