![]() |
يا هلاليين .. لن يحقق الهلال الآسيوية الأخوة الزعماء .. السلام عليكم ورحمة الله وبركاته في البداية أقول : والله الذي لااله غيره اني هلالي وهلالي صميم ، ومشجع للهلال منذ الزمن الجميل أيام النعيمة والتخيفي والثنيان وسامي والتمياط وابواثينن ايام لعيبة الهلال المخلصين الذين يحترقون من اجل الشعار .. بدأت بالحلف هنا وكأني في محكمة ( والله العظيم أقول الحق ) لأننا اصبحنا في مكان ومنتدى لو قلت فيه الحقيقة فانت مندس ، لكن لو تطبل وتجامل الادارة وتمدح لاعب او آخر فانت هلالي صميم .. يا اخوان ويا زعماء بحت اصواتنا وتكلمنا ولكن لاحياة لمن تنادي فالهلال اصبح لعبة في ايدي ليست أمينة ، والهلال يذبح من الوريد ، وأنا اكتب هذا الموضوع قرابة الساعة الثانية صباحاً فلم استطع النوم ، ولم أذهب للعمل كله لعيون الهلال ولكن للاسف ليتني ذهبت للعمل وجئت ونمت لكي لا اشاهد هذه المسخرة .. يا زعماء .. آسيا مهرها غالي ، ومن أراد آسيا فليعد لها العدة كما فعلت الفرق الثانية ولكن ليس كاستعدادنا .. من اراد اسيا يجيب مدرب عليه القيمة من بدري من نهاية الموسم الماضي فورا يعلن عن اسم المدرب الجديد ويعلن المعسكر مع اللاعبين ألأجانب ، أو على اقل تقدير يبكر في المعسكر ليتعرف المدرب الجديد المرموق على الفريق ويوضح من يريد ومن لايريد ، ثم يحضر لاعبين أجانب على مستوى عالي قيمتهم فيهم ولنا في الاتحاد خير مثال فعلى مر التاريخ لم أذكر ان الاتحاد اتى بلاعبين عاديين الا ما ندر .. ولكن ان ياتي الموسم ويتبقى له اقل من شهر ثم يعلن المدرب الجديد ، ومن ثم تتعاقد الادارة مع لاعب اقل ما يقال عنه انه مقلب وضايع ( مانجان ) ويفرض على المدرب الجديد محترفين سابقين اثبتوا فشلهم في الموسم الماضي ( يو بيونغ + هرماش ) والحجة ضيق الوقت وعدم توفر البديل فاين الاستعداد المبكر ، واين الاهتمام ببطولة اعلنت الادارة سابقا انها من اولى اهتماماتها ، فهل هذه الخطوات هي من باب الاهتمام بهذه البطولة الغائبة عن الهلال منذ ذلك الجيل الجميل الذي أحببت الهلال من اجله .. هل مهر اسيا أن تصبر على اشباه لاعبين امثال الزوري ونامي ، وعلى طاري الأخير فهذا اللاعب اثبت فشله مع مرتبة الشرف لنتفاجا بالادارة الموقرة بالتجيد له لتضرب بارائنا عرض الحائط ، وتأتي لتطالبنا بالحضور والمساندة ، فانا لست من الرياض واستطيع الحضور في مباراة الاياب ، ولكن لا أخفيكم ليش اضرب مشوار وانا عارف نهايتها فالسيناريو مقارب بنسبة 99.9 من مباراة ذوب اصفهان والتي حضر فيها 70000 الف متفرج والنهاية خروج مذل من اسيا .. باختصار .. أقولها وبكل صراحة : لن أحلم باسيا الا بجيل غير هذا الجيل يحترق من أجل شعار الهلال ولايحترق من أجل راتبه الشهري وكم سيستلم ، ارضوني والا سارحل .. لن أحلم بآسيا في ظل هذه الادارة الحالية التي حولت النادي الى شركة استثمار ولا ترد على اراء الناصحين والغيورين والمحبين لهذا النادي .. لن أحلم بآسيا في ظل وجود أناس من داخل البيت الهلالي يطبلون للادارة في ظل فشلها الذريع والواضح ، ويطبلون للاعبين بلا روح ويعيشون على ذكريات الزمن الجميل .. آسف للاطالة ولكن كتبت بقلبي قبل قلمي هذا الموضوع لعلني استطيع النوم بعد مهزلة اولسان ولأقول لكم : الآسيوية صعبة قوية .. في ظل وجود إدارة فرضت تواجدها لأربع سنوات قادمة دمتم بخير .. |
هذا كلامك وانت هلالي صميم اجل وش خليت للعدو !! اي اعداء شوف منتديات الفرق الأخرى مبسووووطييين اخر انبساط وكأنهم حققوا كاس العالم وكل ذا الفرح لأن الهلال انهزم بهدف !! بإذن واحد احد مابين الهلال وآسيا سوى تجاوز أولسان وبعدها لاخوف على الزعيم بإذن الله في نصف النهائي والنهائي أيا ككان الخصم .. |
الله يصلحك الي يسمعك يقول مافي أمل في شوط ثاني مباراه الأياب وبأذن الله يعوضوننا نجوم الزعيم المباراة هذي أنتهت 1 -0 يعني نتيجة سهل نعوضها والفريق الكوري شفناة فريق متواضع ومباراه الأمس جميع الاعبين سيئين وأن شاء الله يتصلح كل شي بالتوفيق لزعيم |
إقتباس:
ولكن بارد عليك برد بسيط .. تذكر معي لما كان الهلال باوج مستوياته ، ومحترفين على مستوى ( رادوي + ويلهامسون + نيفيز + الكوري لي يونغ ) وانهزمنا من ذوب اهان في ايران 1 / 0 وكلن قال الرد في الرياض وبنطلعهم وجاء 70000 متفرج وش كان نهايتها ، هذا والهلال كان في قمة عطائه مو مثل الحين ضايع ، والله يا اخوي ودي اتفائل بس انا اغلب الواقع على الاحلام والخيال ، فلنكن واقعيين الهلال ضايع وغير مؤهل للفوز .. |
إقتباس:
احترم رايك واشكر تواجدك .. ولكن بارد عليك برد بسيط .. تذكر معي لما كان الهلال باوج مستوياته ، ومحترفين على مستوى ( رادوي + ويلهامسون + نيفيز + الكوري لي يونغ ) وانهزمنا من ذوب اهان في ايران 1 / 0 وكلن قال الرد في الرياض وبنطلعهم وجاء 70000 متفرج وش كان نهايتها ، هذا والهلال كان في قمة عطائه مو مثل الحين ضايع ، والله يا اخوي ودي اتفائل بس انا اغلب الواقع على الاحلام والخيال ، فلنكن واقعيين وكفاية تطبيل فالهلال ضايع وغير مؤهل للفوز .. تقبل ودي .. |
بالفريق الاستثناي اللة يرحم ايام زمان ياشيخ خلك اعقل من بطولة اسياء |
إقتباس:
هههههههههههههههههههههههههههههههههههه ضحكتني وانا مالي خلق اضحك ، تصدق ما فهمت شي من كلامك ... |
النااااااااااس تعرف ههههههه اننا مراح نححققها وكلنا هلاليين عاشمين انفسنا واحنا عارفين ../> قريتيس اليوم اقيل من المغرب .. الحق على يا بن مسسسسآعد : ايريك جريستيس يستقيل .. / ولا والله لا بطولة ددوري ولا ولي ععهد ولا كاس فيصل ولا كاس ملك : // الحق على الهلال يا سمو الامير فريق بدون هويةةةةةةةةة .. : |
ان شالله ابو باسل يغيرون ابطالنا نظرتنا لهم في مباراة الاياب والحمدلله على كل حال اتفق معاك اسيا مهرها غالي خصوصا بوجود لي يونق و مانجان ونامي والمرشدي بس ان شالله نكون متفائلين شوي ونتمنى من ادارة شبيه الريح يناقشون المدرب على الاخطاء البدائية اللي حصلت اليوم وكلنا امل في الله سبحانه ثم في زعيمنا بتحقيق الاسيويه ان شالله |
وانت عالم الغيب.........؟؟؟؟ ليش مواضيعكم اليوم كذا مثل وجيهكم ياخي خسر بغلطه كومباريه افضل مدرب بس انتم الي بتذبحونه من الوريد للوريد بكلامك مو لازم اعجبك اذا ماعجبك ردي لكن ياتنزل مواضيع ترفع به نفسيات الجمهور الخايسه الي هنا ياتسكت وتشوف المواضيع بربره مال امها داعي مانبي وبعدين ....أيام النعيمة والتخيفي والثنيان وسامي والتمياط وابواثينن منتهيه قبل مانتعاقد مع جريتس الله ياخذه ومع باكيتا ومع ومع ومع منتهي جيلهم من زمان جاي تقارن الجيل هذا بذاك .....عارفين ياعزيزي انهم مايجون ربعهم بس ارضى بالي عندك وارفع معنوياتهم مو تحطم نفسك وتحطمنا معك حطم نفسك ماعلينا منك....بس لاتنشر تحطيمك هنا رجاءا |
مع احترامي لرأيك وشكي بزعامتك خلك متفائل ولا تنسى ((تفائلو بالخير تجدوه)) بالعربي خل تشاؤمك مع نفسك ياخي انت كيف عايش حياتك هذا وانت هلالي |
الساعة الثانية صباحاً فلم استطع النوم ، ولم أذهب للعمل كله لعيون الهلال ولكن للاسف ليتني ذهبت للعمل وجئت ونمت لكي لا اشاهد هذه المسخرة .. ههههههه والله اني حاس فيكــ حتى انا سحبت على المحاضرات بس انا متفال جداَ جداَ اذا انت هلالي فعلاَ لازم تعرف فريقكــ وانشالله يبيضون الوجيه ولازم نحضر أكثر من 70 الف:alzaeem: |
أبو باسل الهلالى حالى كحال أى جمهور هلالى يريد أن يحقق الأمل الكبير ... ولكن هناك أناس .. لم يعملوا الجهد ليحقق أهم الكؤوس فى البطولة الأقليمية |
ههههههه والله اني حاس فيكــ حتى انا سحبت على المحاضرات بس انا متفال جداَ جداَ اذا انت هلالي فعلاَ لازم تعرف فريقكــ وانشالله يبيضون الوجيه ولازم نحضر أكثر من 70 الف:alzaeem: |
إقتباس:
جرتيس طيب الذكر عشقناه و لكن اللي ترك في فترة كنت محتاجه بيتركك مره ثانيه لا انكر العمل الجبار اللي قام فيه جريتس و لكن الفريق اختلف الحين النتيجة 1-0 و الهلال قادر على تجاوز اولسان بالرياض و بـ اذن الله سأكون اول الحضور |
الوقت المعتمد في المنتدى بتوقيت جرينتش +3.
الوقت الان » 08:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd