مَ بزيــد شيء عن كـلأمكك ..
بس مَ بقـول آلاّ قـدّر اللّه ومَ شـآء فعـل ..
الله يوفّق الزعيم بالمبارايات القـآدمه ..

أنا أقول لك متى يتحقق هذا الحلم اذا جاك لاعبين يحترقون من اجل الشعار وجماهيره

مثل ما نور يحترق من اجل الاتحاد وكلنا شفناه يترك عزا اخوه ويلعب المباراة مع

فريقه ويحرت الملعب ، وحنا واقفين يتفرجون على الفريق الآخر وهو قاعد يلعب

ويسحب فيهم ولا كأن الموضوع يعنيهم ..

وانا اختلف معك بخصوص ان الادارة ما قصرت ، لا يا حبيبي مقصرة والقصور

فيها من راسها لرجليها والا ادارة وراها آسيا المراحل الأخيرة وما تجيب مدرب الا

قبل الدوري باقل من شهر وتبقي على المحترفين المنتهية صلاحيتهم وتجيب عاهات

وتقول هذا المتهيء ، وهي كانت تطلق الوعود بان الاستعداد سيكون مبكر ، ونتفاجأ

باستمرار تخبط الموسم الماضي ..

خلها على ربك يا رجال ...

هذا الكلام بس وين اللي يقتنع ، وأضم صوتي لصوتك فلو خرجنا مبكرا من

آسيا وهذا ما سيحصل بناءً على المعطيات اللي قدامنا فعلى الادارة ترك مكانها لمن

يعيد للزعيم هيبته وليس من يحوله الى شركة استثمار ..

والحين بيهاجموني ويهاجمونك باننا مندسين ..

لك ودي وشكري لمرورك الكريم ..

صادق اخوي بكل كلامك واضيف ان عبدالرحمن بن مسااعد اتمنئ خروجه لانه بيدمر الهلال
يعني بالله مانغاان وهرماش وبيو مع الهلال تبي اسياا ناخذهاا
ماخذنااها بافضل محترفين رادوي + ويلهامسون + نيفيز + ولي يونق ناخذهاا الحين ومستحيل بعد
لادفاع ولا محاور ولا وسط ولا هجوم الكل سيئ ولوبيز مايقدر يسوي شي ومافيه صانع لعب اجنبي محترف
اجل عبدالعزيز دوسري صانع لعب هاا الا عاهاا وبارد مثل الفريدي وخله يفلح بالتصويرر مادري شايف وجهه اللي مافيه ولا ربع حلهه

وعبدالرحمن مساعد يرجع فلووسه من رادوي ونيفيز ويلهامسون ولي يونق جايب لعيبه رايحه فيهاا
عبدالرحمن بن مسااعد ياارب قريب يروح ويطلع ويجي الامير بندر اللي يعشق الزعيم ولا واحد يتفلسف ويهايط من يوم جاء الهلال يقول
الاسيويه هدفي .... ! اربع سنين ماقدرناا

الحين بيجي واحد ويقولي مندس هههههههه تخلف

كلامك صحيح ان الدعاء والتوكل على الله شي مطلوب فالدعاء مخ العبادة

والتوكل على الله هة أساس العبادة لكن لا خفى عليك فهو مقترن بالعمل

فلا تقعد مكتوف الأيدي وتقول انا دعيت ، والا انا متوكل على الله فكما في

معنى الحديث ( فالسماء لاتمطر ذهبا ولا فضة ) فالهلال يحتاج لعمل كبير

وكبير جدا وهذا مفقود في وقتنا الراهن ..

وحبيت انبهك لنقطة مهمة :

هذا كلام شركي انتبه له واستغفر ربك لأنك ساويت بين بين الله والزعماء

في الثقة وهذا غلط فالمفروض تقول : ( ثق بالله ثم بالزعماء )

لك ودي وشاكر لمرورك الكريم ..

الحمد لله على كل حال ..

والله يسمع منك ويتغير الحال ويفوز الهلال وحنا ما ودنا غير فوز الزعيم ..

شاكر لك مرورك الكريم ..

اشكرك على كلامك الجميل ، وانت من الناس النادرة اللي تايد كلامي

فالهلال في ظل وضعه الحالي ولاعبيه الحاليين وادارته الحالية لم ولن

تحقق آسيا وراح تقول لكم آسيا ( تحلمون ) اللي يبي آسيا يستعد لها كويس

يا سمو الامير مو يجيب عاهات ويبقي علاى لاعبين منتهية صلاحيتهم ..

شاكر لك مرورك الكريم على الموضوع ولك ودي ...

بالله تقارن اللاعبين اللي هنا باللاعبين الحاليين ، ارجع للمقطع زين وشف منهم

اللاعبين اذا كان ويلهامسون يبكي في مباراة الغرافة ، ورادوي يهاوش لاعبي الهلال

المتخاذلين وهم اجانب ، كيف بلعيبة الوقت الحالي تبي بيونغ سو يحترق ويهاوش

خط الوسط عشان ما يمررون له ، والا مانجان تبيه يهاوش المرشدي اذا اخطا اذا

الاول اخطائه اكبر من الثاني وش تقول يعني الشق اكبر من الرقعة ، يا رجال

خلها على ربك بس ..

آه على هيبة الهلال اللي ضاعت بتخبطات ناس محسوبين على الهلال ..

اوافقك ،،للأسف هذا اللي بيصير

والله جد اخوي صالح ..

الكتاب باين من عنوانه ما ناخذ منهم الا الوعود :

احضروا وسترون هلال مختلف ويوم تحضر ويندقون

يطلع لك ابن مساعد ويقول : انا أتحمل المسؤولية واللاعبين

ماكانوا في يومهم ، وانا اقدم استقالتي عشان الجمهور العاطفي

يطلع ويكتب : لا يا سمو الأمير انت بطولتنا الحقيقية ويطلع

هو مرة ثانية ويقول بعد الحاحات شرفية وجماهيرية قررت البقاء

يعني فيلم محبوك ويستمر مسلسل ضياع الزعيم ..

خلها على الله ..

كلامك لا فائده منه الا في ان الاعبين فعلاً لم يكون مخلصين للهلال اما كثر الكلام لن يفيد احد

أبو باسل ابي فايدهـ واحدهـ من موضوعك .؟؟؟؟؟


ماراح اطول بالكلام


اتمنى انك تزور هالموضوع وتتعلم كيف عشق الزعيم مهما صار

http://vb.alhilal.com/t1121625.html

أخوي أبو باسل الهلالي

هاللاعبين مستحيل يحسون بالمسؤولية ويلعبون بروح وقتالية

للحين أذكر نتيجة 3-0 على الغرافه .. ووقتها كلنا كنا فرحانين وضامنين التأهل
لان فرص تأهلنا كبيره !! الفوز أو التعادل .. أو الخسارة بفارق هدفين !!

الا فجأة اللاعبين خائفين ومرتبكين ويسجلون لاعبي الغرافه 3 أهداف في شوط واحد !!

وانا كتبت موضوع حذرت فيه من اللعب ببرود بالذهاب !! والاعتماد على نتيجة التعادل 0-0 أو الخسارة 0-1
لكن لا حياة لمن تنادي

اللاعبين بالملعب كأن في أحد قايلهم لا تلعبون مانبي ننهزم بنتيجة كبيرة !!
لذلك يلعبون وهم خائفين ومرتبكين الشوط الاول !!
وبعد المباراة فرحانين بالخسارة 1-0 وكأنهم فازو ؟؟

المفروض هالغلطة ما تتكرر بعد توفيق الله وتأهلنا بالاياب بالرياض
يلعبون 90 دقيقة ويكون عندهم إصرار يسجلون أهداف كثيرة بالذهاب !!
مو مهم تخسسر المهم أنك تسجل
لان تسجيل الهدف يعطي بقية الفريق ثقة وروح !!