|
وش خبراتكم عشان تختارون التكتيك والتشكيلة يا جماهير النت والمدرجات ؟ بسم الله الرحمن الرحيم اولاً وقبل كل شي ... موالنا بعد كل خسارة : اقيلو المدرب قبل الكارثة الفريق يلعب بلا تكتيك الفريق فقد هويتة مع هالسباك المدرب لا يحمل اي سجل مشرف خلاص ملينا من المواويل صرنا يا هالجماهير نفهم بكل شي كل خسارة طالباً بأقالة المدرب وكأننا نفهم بكل شي بل وصل هالحال فينا اننا نكتب مواضيع نحط فيها الطريقة والتشكيلة اللي تخلينا نكتسح فرق اسيا والعالم !!! يا اخي لو كان هالامر بالسهولة ما كان تعاقد اي نادي مع مدرب بالملايين كان جاب واحد من عباقرة التدريب اللي بالمدرجات او المنتديات وتعاقد معه كمدرب !! الغريب ان الغالبية العظمى بالمنتدى كانو رافضين ان سامي يستلم التدريب بداعي قلة الخبرة ( الله اكبر اجل انت والثاني والثالث اللي عندكم خبرة يوم انكم بعد الخساير تطلعون علينا بمواضيع تتكلم عن التكتيك المناسب والاخطاء التكتيكية اللي ضيعت الفوز ) يا اخي وش التناقض ؟ خلاص نبي مدرب يقعد بالفريق سنتين او ثلاثة او اربعة حتى لو نغيب عن اسيا هالفترة بس لما نعود يكون هالمدرب له سنين عندنا وعارف حتى لاعبين الفئات السنية حتى تظهر النتائج اللي تسركم .. وسلامتكم ,,, |
هذا اهم شي دعم الهلال في جميع المباريات القادمه لنثبت اننا نستحق أسيا الجمهور الهلالي في حضور المباريات علامة استفهام كبير حضور كـ حضور اللاعبين في الملعب بدون اي تأثير اتمنى حضور مشجع ليشجع ٩٠ دقيقه ولي مشاهد للمباراة من المدرج اذا لم تتعب علشان الهلال وتحس انك تستأهل الكأس ياخي خلك في بيتك والله ما عندك روح ولا نحتاجك انت اللاعب الاول اتعب ليتعب فريقك ما الفرق بينك وبين من يجلس في البيت اتمنى ان ارى ٢٠ الف مشجع ٩٠ دقيقه وليس مشاهدين مفصفصين هناك من يبكي ليحضر مباراة الهلال وانت تحضر وليتك ما تحضر |
إقتباس:
|
كلآم سليم و موضوع شرح صدري بعد حالة التشاؤم الموجودة بالمنتدى و التي لا يخفى عليكم من هم سببها ما زلت متفائل و من شدة تفاؤلي سأحضر معترك الاياب الاسيوي و كلي ثقة بأن الزعيم قادر على الفوز الاستقرار مطلب في كل فريق و لنا في نادي الفتح مثال بسيط بـ استقراره مع مدربه فتحي الجبال بعد ما كان ينافس على مقعد يجعله من ضمن فرق كأس الملك هاهو الان متصدر للدوري لا يوجد عمل من دون اخطاء و لكن المهم تلافي الاخطاء في المستقبل مستوى الهلال في الشوط الاول ( شوط للنسيان ) و لكن تجلت روح الزعيم بالشوط الثاني و كان ينقصنا قليل من الحظ و التركيز للتسجيل ( قدر الله و ما شاء فعل ) الزعيم و نجومه قادرون على تحقيق الفوز و التأهل في الرياض فقط ساندو نجومكم بعد كل تعادل او خسارة تتعالى الاصوات بـ اقالة المدرب و و و و ما زلت اثق بـ السيد كومباريه و نجومنا فقط عليهم تلافي الاخطاء كل التوفيق لـ معشوقنا |
إقتباس:
|
بكل الود اتفق معك في الاستقرار واختلف في ان الجماهير لاتفقه اتوقع انك تشاركنا الراي بسؤ مستوى هرماش ونامي مثلا شكرالك |
نبي مواضيع تحفيزيه شباب ارفعوا المعنويات |
ياحبيبي الفريق امس كان يعاني مع مستوى بعض الاعبين وهم ( نامي - الكوري - هرماش ) والمدرب كان داخل بتشكيلة السديري الزوري - المرشدي - مانغان - نامي القرني - هرماش الشهراني - عزوز ويلسي الكوري طبعا الى الدقيقة 60 مافيه حلول للهلال وبديهياً المفترض يبدل نامي ب سالم ويرجع الشهراني ظهير يبدل الكوري وينزل ياسر يبدل هرماش وينزل الفرج وهذا الحمد لله صار اما سالفة التبديل اخر ثلاث دقايق لسالم واخر 13 دقيقة لياسر !!!!! ما ادري وش الفايدة منه وياسر قدر في 13 دقيقة يسوي اكثر من الي سواه الكوري في 77 دقيقة والي اكتشفته في المدرب واحد من اثنين -1 اما ان قرائته للمباراة ضعيفه او انه مايعرف يقرى المباريات -2 او انه مدرب جبان ويخاف من التبديل وكان طموحة الخروج بفارق هدف |
المدرب هذا غريب الأطوار ماتدري مين بيلعب ومين وبيجلسه على الدكه موب منطق ابداً انه من كم شهر وهو يدور على التشكيلة المناسبة والإنساجام ويلعب قدام الفريق الكوري بلا وسط !! |
لو ينقلونِ مبآريآت الزعيم للدممآم شرط ان يفوزز بكل مباريآته ومآتشوف هآلتعثرآت .. بآذن آلله حآضرين آلآييآب وبآلتوفيق للملكيَ :ba: |
خشمكككككككك ي الذيب موضوع في الصميم و بوقته وفي الجبهه ي مدربين المستقبل |
انا معك لكني اعرف بعض الجماهير جماهير لاعب فقط ولن يحضروا لاعبهم مش اساسي والفصفص غالي |
عزيزي السذج فقط هم من يلومون المدرب حتى اصبح المدرب موال و صداع مزمن وحتى لو حضر خوزيه مورينيو سوف يكتبون بعد كل هزيمة (تخبطات المدرب) المشكلة في نـوعـية اللاعبين و في عـناد الادارة على الابقاء على هؤلاء !! حتى لو فزنا على أولسان بالرياض لن نصل الى النهائي ولن نفوز فيه طالما قلب الدفاع مانقان و الظهير الايمن نامي و الظهير الايسر الزوري و المحور عادل هرماش و اللاعب الكوري اساسي !! ببساطة الهلال اعتمد في السنوات الماضية على الدعيع و هوساوي و عزيز و ياسر القحطاني بالاضافة الى رباعي اجنبي متميز كل لاعب منهم يمثل منتخب بلاده!! ثم اعتزل الدعيع و ذهب هوساوي الى بلجيكا و الغي عقد عزيز وانخفض مستوى ياسر وذهب للعين ثم عاد و بقي هرماش والكوري و احضرت الادارة مانغان وانكشف حال الفريق !! اشباه اللاعبين (الزوري , الغنام, نامي , سعد الحارثي ) لم ولن يفيدو الفريق ابدا واما عبدالعزيز الدوسري و نواف العابد و سالم الدوسري مزاجيين يلعبون مباراة جيدة و 10 سيئة هذا بخلاف الاصابات والمشاكل مع الادارة وانعدام الانضباط او الاصابات يعني ( ما ينشد بهم الظهر) ولا ينغزا بهم !! الفريق يحتاج الى لاعبين سعوديين مثل اسامة هوساوي سعود كريري محمد نور محمد الدعيع لاعبين يقدمون مستويات متميزة طوال الموسم ولو انخفض مستواه يكون ذلك في مبارايات قليلة جدا بعكس عزوز الدوسري الذي يقدم مستوى جيد مع الكديش او الاتحاد ثم ينام باقي الموسم في غرفة العلاج الطبيعي او يقدم مبارايات تعيسة مثل مباراة الامس !! الهلال بحاجة الى غربلة لاعبين وابعاد اشباه اللاعبين , و ختاما اقول : أخــــــرجــــــــو أشـــــــباه اللاعــبــيـن من الهـــــــــــلال,,, |
طيب ممكن تقولي المحللين امثال الحمادي والشنيف والتمياط ؟؟ وش خبراتهم كانوا لاعبين فقط مالهم في التدريب في فرق بين مدرب وبين ناقد ومحلل الناقد يستطيع تشخيص حال الفريق ولكن لايعرف الطريق هذا هو اللذي ينتقد الان انا اقدر اعطي رايي بعد المباراه واشوف وش الاخطاء لكن ما اقدر العب لك بتكتيك وتشكيلة وتنجح لكن لو كنت مكان المدرب وشفت اللي شفته بالشوط الاول على طول بشوف ان الوسط يبي له تغيير عشان اقدر امسك كوره من اسهل ابجديات التدريب هذي ولا يبي لها مدرب كبير ولا هم يحزنون |
خبرتنا هي فقط ٥٣ بطوله من ضمنها ٦ بطولات اسيويه فريق كانت تهابه اسيا بكل اطرافها اغلبها شهدنها مع هذا الزعيم ولا راح نرضى نشوفه بمثل هذا الحال ونسكت مثلك ونجاملك او نجامل غيرك او نجامل الاداره ومدرب مثل هذا |
| الوقت المعتمد في المنتدى بتوقيت جرينتش +3.
الوقت الان » 05:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd