|
للي يفهمون كورة بس.! بسم الله الرحمن الرحيم احب ابارك لكل الجماهير الهلالية اللي تفهم كورة النتيجة الايجابية في مباراة الذهاب واللي مايفهم اقوله (مع نفسك والوعد الاياب) اغلب الجمهور قام يمدح في كمبواريه بعد مباراة النصر ويوم خسر في مباراة اسيا وحط نفس تشكيلة النصر اللي كنتوا تطالبون فيها قبل المباراة اغلبكم ومواضيع المنتدى تشهد.! كمبواريه بالنسبة لي من افضل المدربين اللي مروا على الهلال بتسأل ليه انا اقولك الحين 1- مدرب مايعترف بالاسماء والمجاملات وهذا كان مطلبنا من زمان 2- اللي يقول مايعرف يقرأ مباريات انا بسألك تغيراته في المبارة غيرت من شكل الفريق ولالا؟ 3- مدرب يضبط الدفاع والهجوم بس يبيله فترة عشان ينسجمون اللعيبه والدليل انه يوم شاف خطورة الفريق الكوري من جهة نامي رجع الشهراني معه ويوم شاف قوة الفريق النصراوي من الجهتين قفل عليهم سواء بهرماش او الشهراني 4- يعرف اللاعبين اللي تحتاجهم المباراة مثال اللي يقولون الشلهوب ليه مادخل اوكيه انا معك الشلهوب لاعب كبير وبلمسة ينهي مباراة بس انتم شايفين ان الهلال اذا جت الكورة مع لاعب 3 يدخلون عليه والشلهوب بنيته الجسمانية ماتساعد انه يدخل باحتكاكات مع اللعيبه 5- ابرز نجومية الدوسري وبقوة واستغل مهاراته والدليل ان لحد الان هذي من افضل المستويات اللي يقدمها عبدالعزيز 6- اعطى السديري فرصته واثبت وجوده السنة اللي راحت السديري ماخذ فرصة كاملة مواصفات مدرب مثل هذي بس يبيلها صبر والله يبيلها صبر بس اصبروا يازعماء وانشالله خير والوعد الاياب #همسة اتمنى مباراة الهلال الجاية الدقيقه14 الجمهور يردد اسم الحارثي لرفع معنوياتع وعشان يعرف اننا شارينه ويثبت وجوده.! وفي الختام تبقى وجهة نظر خاصة واتمنى الرفع من المشرفين لرفع المعنويات.!:alzaeem: |
أتفق معك في نقاط كثيره بس بالنسبه للنقطه الاولى اللي هي عدم المجامله. هل تعتقد ان هناك مجامله أكبر من ابقاء المرشدي اساسي من البدايه؟ وركن يحيى المسلم في الدكه؟ ابيك تجاوب بأمانه |
إقتباس:
والله ثم والله ان المرشدي السنة ذي مستواه جيدجداً بس احنا في عقولنا مانبي نغير نظرتنا في المرشدي مهما حصل تقبل تحياتي وشكراً ع المرور :ga: |
الله يعطيك الف عافيه كلامك سليم واتفق معاك في كل كلمة قلتها |
ارفع لك القبعه ياشيخ كلام في الصميم وربي تسلم وتسلم يمينك |
إقتباس:
الله يعافيك وشاكرلك على مرورك:ga: |
إقتباس:
يسلمك ربي وشاكرلك مرورك:ga: |
والله احمل الاعبين هذه النتيجه ومن ثم احمل المدرب فتاخيره للتغيرات بس الشهاده لله ان تغييرات المدرب كلها صحيحه وفمحلها تماما وهالمدرب ممتاز وعاجبني جدا لاكن نلوم الاعبين اولا واخيرا على هذا المستوى لانه كان واضح لعبهم اي كلام بدون روح واحساس بالمسؤليه وكان كل لاعب يريد التخلص من الكره باي شكل اللهم ياسر القحطاني وويسلي والحارس فقــــــــط باقي الفريق كله اتكالي وسيئ للغايه |
كلام سليم 100 في الميه اشكرك على طرحك الممتاز |
إقتباس:
بالنسبة لتأخره بالتبديلات الكل شايف ان الفريق الكوري كانوا متحمسين هو انتظر لين قل حماسهم وجهدهم وسوا التبديلات لانه لو فتح المباراة من بدري انا ابصملك ان الهدف الثاني بيجي شاكر على مرورك:ga: |
إقتباس:
تسلم وشاكرلك على مرورك:ga: |
صحيح تغييراته جيدة لكن بعد ما يفوت الفوت امام اولسان لم يقدم شيء فشل فيها ننتظر و نشوف ما سيقدمه للهلال ، لانه ليس الوحيد المتسبب بالخسارة |
بإذن الله الفوز هلالي يعطيك الف الف عافيهه ع الموضوع يارب توفيق لهلالنا وتكتب البطولة الآسيويه من نصيبهه يااارب ... |
إقتباس:
دخل القحطاني وسالم وسلمان كان نسق وترتب الفريق فالدفاع والهجوم والوسط وانت شفت اخر عشر دقايق كيف اختلف اللعب عزيزي الفريق الكوري يحاول انه يسجل اكثر عدد من الاهداف لجل يرتاح ولما صارت التبديلات تم شل حركة الفريق الكوري وياليتها كانت من بدري اتوقع كان فزنا بالمباراه خار ارضنا بس قدر الله وما شاء فعل ان شالله الاياب يستدرك هذا الخطا فالاعب ماهو مكينه بخلال عشر دقايق يجيب هدف التعادل وهدف الفوز لازم له وقت ينسجم مع الفريق وانا ااعتبر دائما الشوط الاول بمثابة تجريب والشوط الثاني المفروض يتم تصحيح الاخطاء بسرعه وهالشي ما سواه المدرب غير اخر ربع ساعه للاسف وهو الغلط الوحيد الي اركبه بس ارجع واقول اللاعبين هم من يتحمل مسؤلية الخساره ببرودهم ومستواهم العقيم |
شاكر لكم على المرور وكل واحد له وجهة نظر في الاخير يانتفق عليها او نختلف:ga: |
| الوقت المعتمد في المنتدى بتوقيت جرينتش +3.
الوقت الان » 12:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd