|
ممتازين بالمطالبات وبالسب ... لكن بالدعم والحضور ولا شي السلام عليكم ورحمة الله وبركاتة جميعنا يتفق ان الهلال لم يقدم مستواه المعروف منذ بداية الموسم وهذا شي لا غبار عليه وانا بالتحديد ذكرت في مواضيع سابقه بان الهلال غابت عنه الروح منذ استلام المدرب باكيتا زمام الامور في الهلال ... ولكن ذلك لا يجعلني دائما انتقد واشتم واطالب باشياء ولا يجعلني اكون ضد الهلال وضد لاعبيه وادارته وهم بحاجه ماسه لنا كجمهور في هذه الوقت بالتحديد .. ما اراه من جمهور الهلال شي غريب وعجيب بنفس الوقت !! مئات المواضيع من السب والشتم سوا بالادارة او اللاعبين او الجهاز الفني هذا يطالب براس المدرب وذاك يطالب الادارة بالرحيل وهؤلاء يريدون اللاعب الفلاني ان يشارك وذاك يطالب بعدم مشاركة اللاعب الفلاني وهذا يطالب الجهاز الطبي بالمغادرة ...... الخ .. ولكن في الدعم والتشجيع والمؤازره ارى المدرجات خاليه تماماً .. واذا حضر الجمهور وملأ الملعب ... عفواً كان الجمهور على الصامت مؤقتا... من يرى جمهور الهلال يحس بانه ينتظر اخفاق الهلال من اجل انزال المواضيع المحبطه ومهاجمة الادارة واللاعبين وهذا بالفعل ما اراه ... ياعزيزي : احضر للملعب وساند الهلال ووقتها لك الحق بالنقد الهادف .... اما ان تكون في منزلك وجهازك بين يديك وتشاهد المباراه من التلفاز والملعب لا يبعد عن منزلك الا دقايق وتسن رماح الحرب على محبوبنا الهلال فلاااا والف لااااا .. كااااان الله في عووووونك يااااازعيم |
صدقت اخوي كل واحد يطالب بشيء من راسه !! |
يعطيك العافيه يالغلا .. وانا اشهد غالبية الجمهور ما هو فالح الا بالنقد وليته نقد فني ويفيد .. والله من جد كان الله في عونك يالزعيم |
هذا اهم شي دعم الهلال في جميع المباريات القادمه لنثبت اننا نستحق أسيا الجمهور الهلالي في حضور المباريات علامة استفهام كبير حضور كـ حضور اللاعبين في الملعب بدون اي تأثير اتمنى حضور مشجع ليشجع ٩٠ دقيقه ولي مشاهد للمباراة من المدرج اذا لم تتعب علشان الهلال وتحس انك تستأهل الكأس ياخي خلك في بيتك والله ما عندك روح ولا نحتاجك انت اللاعب الاول اتعب ليتعب فريقك ما الفرق بينك وبين من يجلس في البيت اتمنى ان ارى ٢٠ الف مشجع ٩٠ دقيقه وليس مشاهدين مفصفصين هناك من يبكي ليحضر مباراة الهلال وانت تحضر وليتك ما تحضر |
خلو الانتقادات للبنات اللي يتابعون بالبيوت اما انتم لكم الملااااااااااعب وليس الفرجه والفصفص صيرو مجااااااااااااانين زي جماهير الغربيه |
انا من الشمال وابعد عن الرياض 1200 كيلو واقسم بالله اتمنى اني احضر مباراه للهلال لاكن جماهير الرياض ملو من الهلال |
نبي مواضيع تحفيزيه شباب ارفعوا المعنويات |
لازم يكون فيه نقد للاداره واللاعبين والمدرب .. الاداره من نهايه الموسم كان عندها وقت ومع هذا فشلت في تجهيز الفريق لكن يحسب لها الذهاب بدري لكوريا .. المدرب فاشل والسي في حقه صراحه مايأهله يدرب فريق زي الهلال وقلناها من بدايه الموسم ميزته الوحيده فقط الانظباط وامس اكبر دليل ع فشله.. اللاعبين ياخذون ملايين والواحد فيهم اذا بيجدد يمرمط ام النادي ويجي الملعب ومايقدم شي لازم ننتقدهـ حتى مايرجع لمستواهـ .. شغل التطبيل ماله اي فائدهـ .. مو معقوله امس الفريق الكوري باضعف مستوياته يفوز علينا ؟؟؟ وربي شي يقهر وخصوصا اذا تعدينا الكوري بنقابل فرق اضعف منه الاسترالي او الاوزبكي وبعدها النهائي في الرياض ... يجب علينا كجمهور اننا نعطي اللاعبين فرصه في مباره الاياب واذا مالعبوا زين يجب انتقادهم حتى مايرجعوا لمستوياتهم .. ياخذون ملايين واعصابنا تنحرق ويوم يلعبون الواحد يتمشى في الملعب .. |
تعبنا وحنا نسسسسساند ولافيه فايده بتناعد مباراة ذوب آهآن وياجماهييييير واصلي الحضور ويالعيبه واصلو الفشششششششل |
اشكرك جمهور الزعيم اصبح مهايطي ولا يعلمون انهم سبب الظغط على اللاعبين وهم سبب سوء مستوى الزعيم |
مادام الكوري ومانجان وهرماش موجودين مانيب حاضر ولامباراة .. سمعت الكلام والا لا نجوم الهلال على الدكة واللي طفشوه الين راح للاولمبي والجاي اعظم وتبينا نشجع ونؤازر مين دفاع من اول دقيقة يبي يسجل في مرماه وراس حربة ما استلم ولا كورة نص ساعه الاخ يتمركز صح ووسط برعاية هرماش الوحل ومافيه الا ويسلي يحترق والباقين ما ألومهم قدموا اللي عليهم واكثر |
صدقت اخوي ويعطيك العاففية ............................. |
اصببروووووو ياناس المدرب اقل شيء اصبرو الى الدور الاول مايصير اي مدرب يجي اقاله اي رئيس يجي فاشل اي احد يجي فاشل فاشل وراكم ماتعطون فرصه |
مايستاهل ندعمه مستواه يفششششل أطالب عبدالرحمن بن مساعد يستقيل يجي بداله الرئيس الذهبي بندر بن محمد ويضبط النادي ويطرد القصرين |
والله صادق بكل كلمة قلتها .... تسلم يمينك ياشيخ ,,, فبعض الاعضاء الله يهديهم من بعد مبارة البارحة وهم جالسين يحطموا في اللاعبين ونسوا ان هناك جولة اخرى ستكون سهلة باذن الله للهلال في الرياض ,... الان ماينفع البكاء على الماضي يجب ان ندعم ونساد الهلال في مبارياتة القادمة |
| الوقت المعتمد في المنتدى بتوقيت جرينتش +3.
الوقت الان » 12:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd