|
بعد مشاهدتي للمباراة في الإعاده ( قسيتوا على اللاعبين واللاعبين ماقصروا ) (المشجعين القدامى فقط يدخلون) مرحبا يازعماء وهاردلك الهزيمة اليوم وان شالله زعمائنا راح يبيضون الوجه ويجيبونها بالرياض وقبل لا ادخل بالموضوع بيقولون لي المدرعمين او المندسين ان فيه تطبيل ،، وانا اقول لكم الطبل معروف عنه انه دايم يستخدم لبث الحماس ف وين المشكله لو طبلنا :naughty: :naughty: طبعا ماكان عندي اي نية اكتب أي موضوع بعد ما انتهت المباراة وحسيت بشوية اكتئاب ،، لكن كنت اتفرج على المباراة قبل شوي بالإعادة ،، وشفت اللاعبين كيف بدوا المباراة بحماس ( خصوصا الشهراني و عزوز و ويسلي ) لاعبيننا هم اللي كانوا يهاجمون بأول الدقايق كانوا اكثر حماس بأول الدقايق حسيت انهم يبون يفوزون ( كل هذا قبل الهدف) حتى لو كانت هجماتهم مافيها خطورة ،، بس كانوا متمحسين وهذا اهم شي بأي مباراة الى ما تسجل الهدف الغلطة تغيروا اللاعبين 180 درجة ،، فجأه حسوا بارتباك وخوف ،، وتشتتوا ( طبعا جهة نامي الله يصلحة كانت ثغرة واضحه بالفريق حتى قبل يتسجل الهدف ) وهذا اهم اسباب الهدف المهم نرجع للاعبين كملوا الشوط وهم مو عارفين كيف يرجعون يترتبون ( والشرهه كانت على المدرب اللي المفروض عمل شوي تغييرات تدعمهم مثل دخول الفرج وياسر ) بدا الشوط الثاني لاحظنا تحسن بالفريق اول الدقايق بعدين استلم زعمائنا الشوط كاملا ونقصهم الهدف بس اتوقع الضغط النفسي اللي هم تحت تأثيرة،، اكبر سبب لعدم تركيزهم قدام المرمى ،، ولو سجلوا هدف كان فزنا اتوقع بفرق هدفين ،، المعنى من كل هالكلام كانت هناك اخطاء فردية من ( هرماش،، نامي،،مانقان،، وبرود الكوري ) لو استبدلناهم ب ياسر ، الفرج ، الغنام ، المسلم ،، راح اضمن لكم مباراة الإياب وبكمية من الأهداف المطلوب من كل محب وعاشق للزعيم ( مع اني اتوقع هالصفه متوفره بالمشجعين القدامى ) ابعدوا عن تحطيم اللاعبين اتركوا كتابة المواضيع على الطالعه والنازله سب وشتم في اللاعب الفلاني واللاعب العلاني ( كلي ثقة انهم من جمهور الفقر او جمهور الأهلي ) لاتشغلون اللاعبين بمواضيع سخيفه يثيرها جمهور الفتنه( غياب لاعب ،، معاقبة لاعب،، سفر لاعب،، مضاربة لاعبين ،، ....الخ) الدعم بالملعب ثم الدعم بالملعب ثم الدعم بالملعب ( لاعبيننا فاقدينكم ) والدليل تراجع مستواهم من يوم انخفض معدل حضور الجمهور ( مدري شلون لكم وجه تتكلمون في اللاعبين وانتم ماتدعمونهم لا في المنتدى ولا في الملعب ) اشوا اني مو لاعب ولا كان مسكت مايكرفون في الملعب وقلت لكم خطاب خاص يا اهل المنتدى،، لو سمحتوا مالكم شغل بس فكونا من كثرة تحطيمكم اتعبتوا نفسياتنا ليتنا نفكر بس بعقل ونشوف اللي يدور حولنا بعين واعيه ،، كان عرفنا ان الحاقدين هم اللي يثيرون كل هاللي يصير بالمنتدى ،، نفس المواضيع اللي تكتب بمنتدى كورة من جمهور الحقد والفتنه احصلها هنا ،، نفس الاستهزاء بلاعبين محددين ،، اشوفه هنا ( ياليت نفهم بس تعبنا واحنا نتكلم عن هالموضوع) طبقوا هالنقاط وتشوفون كيف بيرجع لكم معشوقكم مثل الأول والأفضل كل امنياتي وخالص دعواتي راح تكون للزعيم في مباراتنا المقبله ويارب ويارب يارب حقق لنا امنيتنا برجوع الزعيم لزعامة معشوقته آسيا |
انا من القدامى _ منذ الطفولة اشجع الزعيم من جد والدليل مباراة بني ياس كيف كان حماس الجمهور والهدية كانت سبعة أهداف مثل ما انتوا تبون حماس من اللعيبة هم أيضا يبون حماس جمهورهم عودناهم فعودونا للمشجعين الصغار ارجعوا لمباراة الزعيم مع الفرق اليابانية والكورية شيموزي وسامسونج وغيرها نسيت اسمائهم بس مانسيت هزائمهم على يد زعيمنا وشوفوا الفرق بين الحضور الجماهيري اول والحين صرنا نطلب الملز.علشان مانتفشل من عدد الحضور |
المباراة ما كانت بالسوء اللي عليه رده الفعل الفريق يحتاج اللي ثقه و ثبات بالمحور فقط لا غير |
حبيب قلبي انا اختلف معك لازم الكل يعرفه خطأه بالنادي سواء من لاعبين او اداريين او جها فني معليش ياحبيبي لو اني اناظر مباراة بين الرائد والتعاون مع احترامي الكبير لهم وربي اصرف من مستوى الزعيم اليوم لازم ننتقد ونحط النقط على الحروف هذا الفريق الجار سكتوا الين انجرف فريقهم الى الهاويه لاتقعد تقولي تضطون على اللاعبين ومدري وشو كلامك احترمه لكن لابد كل لاعب يعرف هو وش سوا ووش الي له والي عليه زمن المجاملات والتسليك انتهى فريق منهزم من الفتح ومتعادل مع هجر وفايز على الشعله بمستوى يفشل بصراحة صعبه عليه يوصل لنهائي الاسيوية. لاتقول اني مندس انا من قدام المشجعين للهلال ماعمري شفت الهلال بأسوأ من هالوضع تحياتي |
انا مانسيت لما كان الزعيم يشارك بكل البطولات وكنا بعد اي مباراة للزعيم اشتري كل الصحف من كثر عشقي لهالفريق الي اقرا كل شي ينكتب عنه |
ترا ويسلي لاعب يتحمس مع الجمهور نفس فيكتور وفي احد تصريحاته بعد المباريات كان يامل انه الجمهور الهلالي يساند اللاعبين ان شاء الله ياجمهور الزعيم راح تكونون في الموعد انتوا جربوا. واحضروا في مباراة الشباب وراح تشوفون فريق غير وراح تشوفون لاعبين غير |
هذا اهم شي دعم الهلال في جميع المباريات القادمه لنثبت اننا نستحق أسيا الجمهور الهلالي في حضور المباريات علامة استفهام كبير حضور كـ حضور اللاعبين في الملعب بدون اي تأثير اتمنى حضور مشجع ليشجع ٩٠ دقيقه ولي مشاهد للمباراة من المدرج اذا لم تتعب علشان الهلال وتحس انك تستأهل الكأس ياخي خلك في بيتك والله ما عندك روح ولا نحتاجك انت اللاعب الاول اتعب ليتعب فريقك ما الفرق بينك وبين من يجلس في البيت اتمنى ان ارى ٢٠ الف مشجع ٩٠ دقيقه وليس مشاهدين مفصفصين هناك من يبكي ليحضر مباراة الهلال وانت تحضر وليتك ما تحضر |
إقتباس:
هذولي كانوا يلعبون بروح وحب للفريق ماكانوا يلعبون للدراهم كان عندهم انتماء للون الي هم لابسينه من يوم وهم في البراعم وهم يلعبون بالهلال على فكره في احد المواضيع في المنتدى قال عادي برشلونه انهزم في يومين ببطولتين ورجع عوض وجاهم الحماس يابابا تقارن البرشا بالهلال معليش حدث العاقل بما يعقل خفوا علينا شوي يالربع بلاش تطبيل زياده ترا الطار بينشق من كثر الطبل. |
ماقارنت الهلال بفرق عالمية ولاحتى قارنته بنفسه منذ زمن مضى ولا احب التطبيل على قولتك انا احب الهلال ككيان وليس للأسماء انا قارنت بين الجماهير اول والجماهير اليوم اول حضور ومؤازرة حتى لو الفريق متأخر بكم هدف اليوم حضور مخجل وعند اي خطأ تسمع صافرات الإستهجان وهذا يسبب ربكة للاعب فوق ماهو غلطان وهذا مو من صالح الفريق أبدا ليه مانستبدل هالصافرات التعبانة بتصفير وتشجيع للاعب تظن انه بيرجع يغلط !! بالعكس بيتشجع وبيحاول يصحح خطأءه اول نقول مانبي الملز مايكفي العشاق والبعض يبقى خارج الدرة مو لاقي له مكان اليوم نقول تكفون يا إدارة يرحم والديكم الملز وكويس لو صار فل !! فهمت ردي انه عن الجمهور وليس عن الفريق !! مع اني لا أرى الفريق سيء لهالدرجة العناصر ممتازة لكن ينقصها توظيفها بالمكان المناسب بغض النظر عن تواضع الدفاع |
شاهدنا جميع مباريات الهلال والجميع يقول نامي نسقوه ونلقاه اساسي والجميع يقول هرماش ماينفع للهلال وللاسف اساسي الهلال لديه الحلول لكن الاداره فاشله! من يناقش المدرب ؟ اتوقع الجهبذ الجاسر تنتهي رئاسة طويل العمر ويرجع الهلال لابنائه شكرالك |
اللاعبين مايتحملون اي ذنب ولا لهم ذنب اذا المدرب ماله تكتيك ولا نهج واضح شتتهم ووشتت تركيزهم حاط اللاعب عن اللاعب 10 متر ويطلب منهم ادوار غير ادوارهم يغربل مراكزهم وحاط النجوم احتياط املنا فالله في مبارة الاياب ثم فيهم ولاعبينا رجال ماهو اطفال يتأثرون بمن يسب فيهم ولا يشتمهم الله يوفقهم |
نبي مواضيع تحفيزيه شباب ارفعوا المعنويات |
بحول الله وقوته راح يرجع الهلال ,, وكلنا امل بالله اولا ثم رجال الهلال بانه آسيا راح تكون من نصيب الهلال إن شاء الله . |
إقتباس:
كلامك فيه شي من الصحه ،، لكن انا اقول الزعيم من عرفته وهو نادرا مايظهر بمستويات وصلت للمرحلة اللي عايشين الحين فيها ،، السبب الجمهور القديم كان يوقف مع زعيمنا على الحلوة والمره ،،، وزعيمنا يرجع يظهر مستواه من جديد ،، بعد مايشوف الدعم ،، ( الجمهور كان يدعم ،، وماكانت فيه وسائل تحطيم مثل الانترنت ) المره هذي احس زعيمنا له سنة مستواه ما استقر ،، والسبب الجمهور ،، اللي يبي ياخذ ولا يعطي الا اذا اخذ ،،، طيب انت لازم تعطي وتنتظر عشان ترجع زعيمك ثقته اللي فاقدها بسبب التحطيم المستمر للاعبين وعزوف الجمهور عن الحضور |
المباراة ما كانت بالسوء اللي عليه رده الفعل |
| الوقت المعتمد في المنتدى بتوقيت جرينتش +3.
الوقت الان » 03:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd