الرسالة الأصلية كتبت بواسطة عزتي بشموخي (مشاركة 20708069)

مرحبا يازعماء
وهاردلك الهزيمة اليوم
وان شالله زعمائنا راح يبيضون الوجه ويجيبونها بالرياض

وقبل لا ادخل بالموضوع بيقولون لي المدرعمين او المندسين ان فيه تطبيل ،، وانا اقول لكم الطبل معروف عنه انه دايم يستخدم لبث الحماس ف وين المشكله لو طبلنا :naughty: :naughty:


طبعا ماكان عندي اي نية اكتب أي موضوع بعد ما انتهت المباراة وحسيت بشوية اكتئاب ،،
لكن كنت اتفرج على المباراة قبل شوي بالإعادة ،، وشفت اللاعبين كيف بدوا المباراة بحماس ( خصوصا الشهراني و عزوز و ويسلي )
لاعبيننا هم اللي كانوا يهاجمون بأول الدقايق
كانوا اكثر حماس بأول الدقايق
حسيت انهم يبون يفوزون ( كل هذا قبل الهدف) حتى لو كانت هجماتهم مافيها خطورة ،، بس كانوا متمحسين وهذا اهم شي بأي مباراة
الى ما تسجل الهدف الغلطة
تغيروا اللاعبين 180 درجة ،، فجأه حسوا بارتباك وخوف ،، وتشتتوا
( طبعا جهة نامي الله يصلحة كانت ثغرة واضحه بالفريق حتى قبل يتسجل الهدف ) وهذا اهم اسباب الهدف
المهم نرجع للاعبين
كملوا الشوط وهم مو عارفين كيف يرجعون يترتبون ( والشرهه كانت على المدرب اللي المفروض عمل شوي تغييرات تدعمهم مثل دخول الفرج وياسر )
بدا الشوط الثاني لاحظنا تحسن بالفريق اول الدقايق
بعدين استلم زعمائنا الشوط كاملا ونقصهم الهدف بس اتوقع الضغط النفسي اللي هم تحت تأثيرة،، اكبر سبب لعدم تركيزهم قدام المرمى ،، ولو سجلوا هدف كان فزنا اتوقع بفرق هدفين ،،
المعنى من كل هالكلام
كانت هناك اخطاء فردية من ( هرماش،، نامي،،مانقان،، وبرود الكوري ) لو استبدلناهم ب ياسر ، الفرج ، الغنام ، المسلم ،، راح اضمن لكم مباراة الإياب وبكمية من الأهداف

المطلوب من كل محب وعاشق للزعيم ( مع اني اتوقع هالصفه متوفره بالمشجعين القدامى )

ابعدوا عن تحطيم اللاعبين
اتركوا كتابة المواضيع على الطالعه والنازله سب وشتم في اللاعب الفلاني واللاعب العلاني ( كلي ثقة انهم من جمهور الفقر او جمهور الأهلي )
لاتشغلون اللاعبين بمواضيع سخيفه يثيرها جمهور الفتنه( غياب لاعب ،، معاقبة لاعب،، سفر لاعب،، مضاربة لاعبين ،، ....الخ)
الدعم بالملعب ثم الدعم بالملعب ثم الدعم بالملعب ( لاعبيننا فاقدينكم ) والدليل تراجع مستواهم من يوم انخفض معدل حضور الجمهور ( مدري شلون لكم وجه تتكلمون في اللاعبين وانتم ماتدعمونهم لا في المنتدى ولا في الملعب ) اشوا اني مو لاعب ولا كان مسكت مايكرفون في الملعب وقلت لكم خطاب خاص يا اهل المنتدى،، لو سمحتوا مالكم شغل بس فكونا من كثرة تحطيمكم اتعبتوا نفسياتنا

ليتنا نفكر بس بعقل ونشوف اللي يدور حولنا بعين واعيه ،، كان عرفنا ان الحاقدين هم اللي يثيرون كل هاللي يصير بالمنتدى ،، نفس المواضيع اللي تكتب بمنتدى كورة من جمهور الحقد والفتنه احصلها هنا ،، نفس الاستهزاء بلاعبين محددين ،، اشوفه هنا ( ياليت نفهم بس تعبنا واحنا نتكلم عن هالموضوع)


طبقوا هالنقاط وتشوفون كيف بيرجع لكم معشوقكم مثل الأول والأفضل

كل امنياتي وخالص دعواتي راح تكون للزعيم في مباراتنا المقبله
ويارب ويارب يارب حقق لنا امنيتنا برجوع الزعيم لزعامة معشوقته آسيا

الرسالة الأصلية كتبت بواسطة عبدالعزيز abdulaziz (مشاركة 20709196)

بحول الله وقوته راح يرجع الهلال ,, وكلنا امل بالله اولا ثم رجال الهلال بانه آسيا راح تكون من نصيب الهلال إن شاء الله .

الرسالة الأصلية كتبت بواسطة المرسا (مشاركة 20710114)

الرسالة الأصلية كتبت بواسطة تغلا الزعيم (مشاركة 20714552)

الله يعطيك الف عافيه اخي الكريم بارك الله فيك ,,,



اتوقع مشكلة الزعيم تكمن ف رئيس النادي ,,,


رئيس النادي هو من احضر المدرب الارعن ,,,


رئيس النادي هو من يوعدنا كل موسم بالاسيويه ويخفق ولا يرحل !! ,,,


رئيس النادي هو من احضر الاعبين الاجانب هرماش + الكوري + مانجان الاعبين المحلين افضل منهم ,,,


رئيس النادي عليه الاتجاه للتويتر والفيس بوك وياخذ راحته ويجلس يغرد ويبلبل ويترك النادي لشخص قووي يعرف يمسك زمام الامور ,,,


تحياتي مشجع قديم جداً ,,,

الرسالة الأصلية كتبت بواسطة عزتي بشموخي (مشاركة 20710790)

يعني انت اللي الحين فاهم
انا متأكده انك ماركزت بالمباراة
كلامي واضح أول عشر دقايق والشوط الثاني الهلال لعبه كان كويس
بس وحده من ثنتين يا اما ان ودك تهاجم لانك مع الخيل ياشقرا
او انك ماقريت موضوعي كامل
اتفق معاك في مانقان صفقه اقل من الطموحات
السديري كان رائع وابدع أمس وصد تقريبا 3 الى 4 كور
في المقابل الهلال ضيع 4 الى 5 كور
المعادله واضحه ولاتضيع جهد فريق لمجرد النقد بس

الرسالة الأصلية كتبت بواسطة عزتي بشموخي (مشاركة 20710041)

وانا اقول لك اتحداك لو كان عمرك فوق ال 30
كلامك فيه شي من الصحه ،، لكن انا اقول الزعيم من عرفته وهو نادرا مايظهر بمستويات وصلت للمرحلة اللي عايشين الحين فيها ،، السبب الجمهور القديم كان يوقف مع زعيمنا على الحلوة والمره ،،، وزعيمنا يرجع يظهر مستواه من جديد ،، بعد مايشوف الدعم ،، ( الجمهور كان يدعم ،، وماكانت فيه وسائل تحطيم مثل الانترنت )
المره هذي احس زعيمنا له سنة مستواه ما استقر ،، والسبب الجمهور ،، اللي يبي ياخذ ولا يعطي الا اذا اخذ ،،، طيب انت لازم تعطي وتنتظر عشان ترجع زعيمك ثقته اللي فاقدها بسبب التحطيم المستمر للاعبين وعزوف الجمهور عن الحضور

الرسالة الأصلية كتبت بواسطة هلالي بجنون ss (مشاركة 20710660)

بغض النظر عن المستوى التعبان

لكن اذا تبي تفوز وبمستوى كبير العب بـ 5 بالوسط الهلال من بدا يغير طريقه لعبه الى اثنين هجوم ضاع ولا عاد يقدم الكوره السلسه والسهله والممتعه

شوف مباراه بني ياس لعبنا براس حربه وحيد وفزنا 7

اتمنى يلعب الفرييدي فهو لاعب مهم وصانع لعب والاهم ان لاعب اعصابه هاديه ولا يرتبك وهذا مطلب في المباراه الاياب الهدوء وعدم الاستعجال

الرسالة الأصلية كتبت بواسطة عضو وبس (مشاركة 20708383)

ماقارنت الهلال بفرق عالمية

ولاحتى قارنته بنفسه منذ زمن مضى

ولا احب التطبيل على قولتك انا احب الهلال ككيان وليس للأسماء

انا قارنت بين الجماهير اول والجماهير اليوم

اول حضور ومؤازرة حتى لو الفريق متأخر بكم هدف

اليوم حضور مخجل وعند اي خطأ تسمع صافرات الإستهجان وهذا يسبب ربكة للاعب فوق ماهو غلطان وهذا مو من صالح الفريق أبدا

ليه مانستبدل هالصافرات التعبانة بتصفير وتشجيع للاعب تظن انه بيرجع يغلط !! بالعكس بيتشجع وبيحاول يصحح خطأءه

اول نقول مانبي الملز مايكفي العشاق والبعض يبقى خارج الدرة مو لاقي له مكان

اليوم نقول تكفون يا إدارة يرحم والديكم الملز وكويس لو صار فل !!

فهمت ردي انه عن الجمهور وليس عن الفريق !! مع اني لا أرى الفريق سيء لهالدرجة العناصر ممتازة لكن ينقصها توظيفها بالمكان المناسب بغض النظر عن تواضع الدفاع