نقاط مهمه عن مباراه الهلال, وخطه و عتاب واكثر و طريقه ترفع معنويات الفريق! - نادي الهلال السعودي - شبكة الزعيم

ريداوي واعشق الهلال · #1 19/09/2012, 10:21 PM

اولا السلام عليكم

ثاني شي لو اتكلم الى بكره عن المدرب ماقضيت اخطاء كثيره مثلا:
1- التاخر بالتغير من انه كان واضح المستوى نازل و الفريق الكوري مسيطير, ليش مااحد يدري
2- التاخر بادخال ياسر مع انه احسن من الكوري علشانه يلعب دفاع,هدااااف من طراز عالي, و يعرف يصنع هجمات يعني تخيلو ياسر و ويسلي كلهم هدافين و كلهم يصنعون وش تبي اكثر من كذا!!!

3- عدم وجود صانع العاب بالملعب, يعني ودي افهم عندك احسن صانعين العاب واحد منهم خبره الي هو الشلهوب و الثاني لمساته سحريه و الي هو الفريدي لا تقولون بطيء و بارد.... كل لاعبين الهلال كانو باردين امثال عبدالعزيز الدوسري
4- اشراك الفريدي, بدال اي واحد من الوسط علشانه معروف باستخدامه لجسمه لقطع الكوره و زي ماتعرفون لاعبين كوريا اجسام

الان نجي لنقاط الضعف في الملعب:
1- ارتباك غريب بالمناولات بين الاعبين
2-اللياقه ضعيفه شوي
3-ادخال لاعبين مالعبو لهم 10 ايام او اكثر مثل نامي
4- المدافع الافريقي يحب يهجم و يروح كانه مهاجم, ما نقول شي حلو بس بطيييء بالرجوع مما ادى الى اكثر من كره خطيره
5- ما يحاولون ياخذون الكوره يمكن علشان البنيه الجسمانيه بس على الاقل حاولو شوي
6- الرفعات ارضيه ليش؟؟؟؟

7-الحارس هو نجم المباراه الله يخليه لكم و لنا و يفقه يا رب

الحين نجي للنقاط و الخطه الي حاتفوز الهلال المباراه الجايه
1- اشراك الكوري بالشوط الاول بس, علشان زي ماشفتو بدو يتعبون بالشوط الثاني!
2- اشراك الفريدي بدال هرماش بس يصير محور مهاجم و الشلهوب بدال الشهراني و الشهراني بدال نامي علشان الشهراني ميزته مدافع ممتاز و يرجع علطول بعد
3-جعل ويسلي مهاجم مع ياسر او الكوري مب صانع العاب لانه الاعب عنده موهبه التهديف و يحب يصارع على الكوره
4- عدم الفلسفه الي مالها داعيه قدام المرمى
5- نحاول نلعب دفاع اكثر الشوط الاول و الثاني نهاجم علشان زي ماشفتو الفريق نزل مستواه الشوط الثاني
6- اخيرا عدم التاخر بالتغيير لاي لاعب مايسوي الي مفروض يسويه و يرجع نواف العابد

الخطه:

الحارس معروف

الشهراني المسلم(المرشدي) قادر البيشي

القرني
سالم الدوسري(عزوز) الشلهوب الفريدي

ياسر(الكوري)
ويسلي

و اخيرا الله يوفق الهلال
و عتاب للجمهور و المدري خلو عنكم التعصب الفريدي هلالي لما يروح لفريق ثاني

و لاتنسون تستقبلون الهلال بالمطار ترفعون المعنويات

Hilaly 1982 · #2 19/09/2012, 10:36 PM

ياشيخ روحوا بالله ... روح شوف الإتحاد كيف مبدع موب فريقنا اللي متفكك... والله يا نحنا نبربر بهالمنتدى عالفاضي وما عندكم ماعند جدتي بس. وحتى عبدالرحمن بن مساعد حط حيله بالسفارة والرد على المعلقين على السروال والفنيلة ونسي الفريق. وانا كنت متفائل اليوم بس خلاص الوعد السنة الجاية لأن لاعبين الهلال ماراح يلعبون بالروح اللي يلعبها الإتحاد لو ايش.. سلمولي على كومبواريه وعلى شبيه الريح بالله.

رأي ازرق · #3 19/09/2012, 10:45 PM

صورة كربونيه من مواضيع واسلوب طيب الذكر

مجنون بحبك ياشلهوب ..

عموماً مانبي ندخل بالتفاصيل

التشكيلة جيده مع ان الكوري اثبت يوم بعد يوم انه لاعب عادي

وان ياسر وهو في اسوء مستوياته افضل منه بمراحل واكثر خطوره

الكوري لاكنترول ولا مهاره والحس التهديفي للمرمى ضعيف ورعونه امام المرمى

اعتقد اخذ فرصته

خلف نت · #4 19/09/2012, 10:51 PM

التشكيلة جيده مع ان الكوري اثبت يوم بعد يوم انه لاعب عادي

ريداوي واعشق الهلال · #5 19/09/2012, 10:54 PM

إقتباس

الرسالة الأصلية كتبت بواسطة Hilaly 1982


	ياشيخ روحوا بالله ... روح شوف الإتحاد كيف مبدع موب فريقنا اللي متفكك... والله يا نحنا نبربر بهالمنتدى عالفاضي وما عندكم ماعند جدتي بس. وحتى عبدالرحمن بن مساعد حط حيله بالسفارة والرد على المعلقين على السروال والفنيلة ونسي الفريق. وانا كنت متفائل اليوم بس خلاص الوعد السنة الجاية لأن لاعبين الهلال ماراح يلعبون بالروح اللي يلعبها الإتحاد لو ايش.. سلمولي على كومبواريه وعلى شبيه الريح بالله.

ياخوي الحين انت عندك حل و ليش تقارن فريق بفريق ثاني كل فريق له مميزاته بس الفرق المدربين حق الاتحاد يدخل الاعبين الي عندهم خبره زي نور

و تكر و المنتشري و كريري مب زينا يجامل المحترفين و لا فيه احد مايحط صانع العاب و شف بعد متى بدا يبدل الاعبين مدرب الاتحاد فاخوي العيب بالمدرب مب الرئس ولا الاعبين

ليه ياقلبي تخذلني · #6 19/09/2012, 10:58 PM

ايه والله شوفو الاتحاد ولاعبينه ومدربهم والله من يوم شفته يتكلم عن السفاره عرفت ان الفريق راح يخسر

خلف نت · #7 19/09/2012, 11:19 PM

التشكيلة جيده مع ان الكوري اثبت يوم بعد يوم انه لاعب عادي

zaben20 · #8 19/09/2012, 11:37 PM

اذا فيه اشباه اللاعبين امثال هرماش ونامي نلتقي السنه الجايه يازعماااااء
مادام الواسطه تلعب مااافيه اسيااااء