|
هالاسيوية كرهتنا في هلالنا الحقيقة كلما هدأت الاوضاع وبدينا نقول الفريق تحسن وووووو طلت هالبطوله بقرونها المشؤمه وحطمت الامال ولا ادري ماذا نفعل هذي البطوله مرض مستعصي يازين بتره والفكه منه عشر سنوات كلما راحت سنه قلنا البطوله اللي بعدها اكيد نجيبها انا متفائل جدا ولازلت ماشي الحال لكن رجاء اذا ما تأهلنا للدور اللي بعده اعتبروا كن شي ماكان لانها ماهي الاولى وخلونا في دورينا اللين يجيب الله من يحل هالمشكله وترى رفعت الضغط وتكة الصدر مالها داعي ابد انا وانت وهم وووووو كلنا ضايقه صدورنا لكن اشوف انه ماله داعي فالامر ليس بجديد الحقيقة ماش. شكله هالبطوله ماهي مكتوبه ولايجي احد يقول الفريق ينقصه وينقصه ترى الفريق خلال عشر سنوات حقق عشرين بطوله وليش هذي متعسره. بتلذات على الاقل لو مره كل خمس سنين فالمساله باختصار ماكو حظ ولا داعي نقول اللاعبين او الادارة او تراهم ينحرقون اكثر منكم وكل وقتهم مركزين عليها بس حيل الله اقوى وش يسون مع الحظ اذا كان اقشر هذا عبدالرحمن بن مساعد مترأس البعثه ودافع كم مليون يعني كل السالفه هناك حظ عاثر ونبحث عن امل |
لو تنآسوآ كلمة آلمستعصية كآن مآ آصبح هذى حآل آلهلآل .. شكرآآ لك.. |
هذا اهم شي دعم الهلال في جميع المباريات القادمه لنثبت اننا نستحق أسيا الجمهور الهلالي في حضور المباريات علامة استفهام كبير حضور كـ حضور اللاعبين في الملعب بدون اي تأثير اتمنى حضور مشجع ليشجع ٩٠ دقيقه ولي مشاهد للمباراة من المدرج اذا لم تتعب علشان الهلال وتحس انك تستأهل الكأس ياخي خلك في بيتك والله ما عندك روح ولا نحتاجك انت اللاعب الاول اتعب ليتعب فريقك ما الفرق بينك وبين من يجلس في البيت اتمنى ان ارى ٢٠ الف مشجع ٩٠ دقيقه وليس مشاهدين مفصفصين هناك من يبكي ليحضر مباراة الهلال وانت تحضر وليتك ما تحضر |
آلآ بعضض آلجمآهير وآحبآطهم بآلفريق هو آللي كرهنـآ بآلهلآل ! كل آلتوفييق للزعيممِ ي رب :ba: |
اولاً لازال هناك فرصة للتأهل ان شاء الله ثانياً لاتجعل الاسيوية عقدة فالفريق لم يقدم هذاالموسم مايشفع له انه يحافظ على كأس ولي العهد حتى يحقق ماهو اصعب لكننا نتمنى ان ينصلح الحال لكن لاتسميهاعقدة فنحن لم نقدم مهرالبطولة فلماذا تغضبون ان رفضت العروس ثالثاً يجب ان لاننسى الاخطاء الادارية التي جعلتنا لانثق في هلالنا حتى امام الشعلة والفتح ونجران رابعاً ليس امامنا الادعم الفريق في الاياب فلامجال للاقالات او الاستقالات او تغيير جلد الفريق فمانملكه الان كجمهور محب هو الدعاء والمساندة |
وتستمر المعااناااه المطلوب اذا لم يكن هناك استعداد كامل هو الاعتذار من هذه البطولة تقديرا لتاريخ الهلال |
.. الغلطة غلطة الادارة .. ٨٠٪ .. التاهيل للمباراة كان سيء جدا جدا !!!!! ما زالت الادارة مكابرة بعدم جلب اخصائي تاهيل كما هو معمول به في اعرق فرق اوروبا و مع نجوم العالم !!! كلنا محترقين من الخسارة .. لكن لابد نوقف مع الفريق و نكون واقعيين بطرحنا !!! |
انا من حقي كـ مشجع هلالي اطالب ب استقالة الاداره المتهالكه المستثمره ومن حقي اطالب بطرد الاجانب من الفريق هذولا اشباه اجانب ومن حقي اطالب ب استقالة السباك العاطل حسبنا الله ونعم الوكيل على الي لعب في تاريخ الهلال |
انا مستحيل اكره الهلال بس كل تفكير هو البحث عن السبب ليش نطلع بهذا الشكل اسيويا |
بن مساعد وتنازله للأجانب وللمدرب آهوى للفريق لتحت سقى الله ايامك ياجيرتس ويانيفيز ويارادوي ويالي بيونج . بن مساعد كفييت ووفييت نبي اداراه ومدرب واجانب جدد بـ استثناء ويسلي والاستغناء عن بعض المحليين وجلب البديل المناسب بالتوفيق للزعيم بموسم جديد وبـ استحقاقات جديده . لاهنت ع الطرح |
اللي كرهنا بالهلال عبدالرحمن بن مساعد وتفكيره الإستثماري خلاص يابن مساعد اخذ المدرب والاجانب معك ، وكمل إستثمارك في أي نادي غير الهلال ، لإننا مانسمح لأي شخص كان من يكون ، أن يعبث في تاريخ الزعيم فليس لديك خيار إلا الرحيل - وهذا مطلب الجماهير |
لم اكرهـ الهلال و لن اكرهـه <~ لكن الليلة اكرهـ كل من مثل الهلال |
إقتباس:
هذا عنوان الهلال واللي صآير .. صح قولك ياركاز |
ككككككككككككككككككككككلام سليم ولاهنت ع الطرح |
وانا اشاهد هلال ابن مساعد المحبط تذكرت هلال محمد بن فيصل وماقبلة من الرؤوساء فاصابتني غصة |
كل شيء في فريقنا سيء سيء سيء وهذا الواقع إدارة في قمة السوء واللي قاعدين نشوفه هو نتائج العمل الفاشل فما حققه الهلال مع جريتس كان بسبب توفر الماده أما الفكر فهو صفر ولما تغير منهج الادارة وصارت تبغى الرخيص صار وضع طبيعي انك توصل لهالمرحلة ,.,, والاعبين سيئين جدا جدا فنيا وبدنيا وفكريا , الكابتن هو قائد الفريق وهو اللي يحركه في الملعب تحط المرشدي علشان ترفع معنوياته كأننا في نظام مدارس ايتدائي وقال احتراف وانضباط !!! مدرب فاشل لو نزل أصغر مشجع قدر يدير الفريق فنيا أكثر منه لكن للأسف الإدارة تشووف الجمهور ماعنده فكر ولا بعد نظر مثلهم ,., |
ارحل يا بن مساعد فوجودك اصبح لا يطاق |
اذا عندك خط دفاع سيء نقول حظ اذاماعندك محاور زي الناس تقول حظ اذا ماعندك صانع لعب تقول حظ اذا ماعندك مهاجم سريع تقول حظ اتمنى رحيل الاداره الاجانب كلهم |
ياعااااااااااالم متى تقتنعون ان الله ما بعد اراد لكم هالبطوله ؟ متى تعرفون ان البطوله او الفوز في مباراة اليوم لو مكتوب لكم ما فيه احد في الدنيا ياخذه منكم أصحووووو ... كافي غلط ..واللي مو عاجبه الهلال اليوم ولا امس ولا بكره يقضب الباب ويريح ويرتاح |
ماجات النتائج التاريخيه في الهلال الا يوم جانا هالدب واخوه المستثمرين وشوهو تاريخ الهلال |
|
الآسيويه صارت كابوس مرعب للأسف .. المشكله ماصارت بطوله ونشارك فيها المسأله صارت أكبر من كذا ، |
لبى قلبك ي شيخ الله يكثر من ذي المواضيع |
بجد حيره ماندري وين المشكله بس اكثر شي ماابي اسمعه من اليوم واحد يجي يقول العبوا باستاد الامير فيصل ترا فاله حلو على الهلال دوم يفوز... ياليت تفكونا من هلخرابيط وهلخزعبلات ... الواحد زعلان على المستوى الهزيل لا روح ولا مسؤليه و لا اي شي لو لعبوا وانهزموا كنا قلنا مالنا حظ وهاردلك لكن لاعبين فاشلين كل شي عندهم شف الاتحاد معناه ولا رواتب بس يعرفون وش معنى المسؤليه... اللي اعرفه لابد يكون في غربله في النادي و لابد من انتقالات شتويه |
| الوقت المعتمد في المنتدى بتوقيت جرينتش +3.
الوقت الان » 01:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd