|
لازم نكون مع الفريق سواء فاز او تعاد او انهزم مافي فريق ما ينهزم لازم نساند الهلال مهما كانت ضروف الفريق مو من هزيمه نولع ونهاجم الاعبين الفريق كان كويس اليوم بس كان فيه اخطاء بسيطه تتعدل ويكون الفريق تمام |
شوط ثآني بالريآض ، ونقلع للمربع ان شاء الله بس يفكنآ ابو كمبوآريه من شطحآته ، ويقتنع ان اسلوبه في اللعب غريب ويعتق الرقم 15 من الدكه وبتشووفون الهبال على آصوله الله يوفق الزعيم الملكي ’’ |
إقتباس:
يبي لنا بس فزه وحده .. فزة رجال نشيط :) ... وبنجيب البطوولة ان شالله |
يوجد تصويت على موقع الاتحاد الاسيوي للتوقعات للنادي الذي سيحصد لقب دوري ابطال اسيا ويدخل كل من الاتحاد والهلال والاهلي من السعودية وسابهان من ايران واولسان من كوريا وتشانغ من الصين وبونديكور من اوزبكستان ولم يكمل الموقع للفريق الثامن والتصويت للرابط التالي http://www.safc.dr-ho.org/index.php ارجو التصويت للهلال فقط اكثر من مره سويت الموضوع وموراضي ينزل قلت احطه ف كذا موضوع |
إقتباس:
الله يهديكم بس كل المدرج صارو مدربين ويفهمون والمدرب الي جايب بطولة فرنسا مايفهم الله يعين بس |
ياشيخ روحوا بالله ... روح شوف الإتحاد كيف مبدع موب فريقنا اللي متفكك... والله يا نحنا نبربر بهالمنتدى عالفاضي وما عندكم ماعند جدتي بس. وحتى عبدالرحمن بن مساعد حط حيله بالسفارة والرد على المعلقين على السروال والفنيلة ونسي الفريق. وانا كنت متفائل اليوم بس خلاص الوعد السنة الجاية لأن لاعبين الهلال ماراح يلعبون بالروح اللي يلعبها الإتحاد لو ايش.. سلمولي على كومبواريه وعلى شبيه الريح بالله. |
مآددري وش آققول غغير تككففون وقفوآ مع الههلآل ’’ وآحضضروآ في الملعب وربي بأذن الله يكرمنآ بالفوووز ’’! |
إقتباس:
الاتحاد كان مهزووم 2-1 والجمهور حريقة ... عندك هنا لو انه الهلال وطلع فايز 4-2 تلاقيهم يسبون ويحللون وينتقدون .. ويفكرون بحسابات المباراة ويعتبرونها ماهي مرضية ... نقاد ومحليين ومدربين ... ماعندنا جمهوور ... الجمهوور هو اللي يصنع الرووح ... غصب يرجع الفريق ... وترى كل مادخلت موضوع لقيت ردك هذا بنفس النص ... خلاص ياخوي روح هذي من حسنات الهزيمه ... روح ودربك خضر ... وبنسلم لك على كومباريه .. |
ابو الشباب اذا انت ماعندك قدرة على الانتقاد او ماتمتلك ردة فعل ماهو ذنبا تتحكم بتعبيرات غيرك كل من يشجع او يحب الكيان من حقه ان يتنقد ولكن بشيء من الاحترام وعدم المساس بشخصية اللاعب او خصوصياته اما من حيث المستوى فمن حق الجميع الانتقاد والتحليل حتى في حالة الفوز ليس الخساره ققط انا من وجهة نظري اقول للاعبين ماقصروا باستثناء مانقان الي اتمنى انه يبعد في الفتره الشتويه وبالنسبه لنامي انا مالومه هو معروفه قدراته من العام الماضي بس اللوم مو عليه على المدرب اللي نفسي افهم ليه لعبه بدال البيشي وبعدين قراءتة لاحداث المباراة صفر عالشمال والله يعيننا عليه ولسى باقي مباراة بالرياض لو لعبوا بروح واصرار الفريق الكوري ماهو شي من السهل هزيمته |
إقتباس:
كلامك طيب ومعك حق .. البيشي موقوف من الاتحاد الاسيوي... عنده كرتين صفر ! كلنا الناس عندها ردة فعل ... بس الواحد يوزن ردة فعله للمصلحه العامة ... وزي ماقلت انت بدون مساس بذات الشخوص .. ولكن الموجود مختلف وانت تقرا وتشووف .. :) تحياتي وتقديري لك .. |
ياشيخ روح طير انت وموضعك الغبي اول شي انت فيه كلام في اللفاظك استحقار من المشجع لوانك انك تبي تطبل اوك قول رايك مواستحقار غيرك وبعدين اذ انت موفاهم كوره وماتعرف شي عن الكوره روح تابع كورة سله وايد احسن مدرب سباك لاعبين بدون روح ومنهم له 4سنوات وهو عاله علفريق ومع هذي انت تقول من اول زله تستهبل انت ترى الهلال 12سنه يفحط عشان اسياء وملايين تدفع حق هولاء الاعبيين مايستاهلونه وفوق هذي كله مدرب سباك وقسم بربي سامي الجابر كان الاجدر بتدريب الزعيم اخوي شوط كامل الفريق كان متهالك والوسط مافيه حابس انجوم بدكه وفوق هذي الغبي مايبي يغير وماحرك ساكن والله العظيم اني راح ادرب الهلال افضل من السباك هذي وبلاش بعد يفرون عقدالمدرب الكارثه والمصيبه في الاداره مافيهم رجل رشيد ويفهم كوره ويحاول يوقف كومباريه ومناقشته كان سامي لكن الان معقوله مافي احد يحاسب هذا العبيط لابعد من الغبى بعدالمباره يقول بعد الهدف الكوري كان الفريق يلعب بشكل جيد والاطراف دورهم ممتاز يستهبل هذا ولامايشوف وفي الاخير جاي انت علموك ان الكلام هذا الانشاي الي تقوله شي حلو ياشيخ طير الجمهور يحترق ويحضر وفيه من راح كورياء على حسابه الخاص وتبيهم يصفقون يعني لفريق متهالك والحمدالله الفريق الكوري متواضع ولا قسم راح تكون تاريخيه واذ على كلام الجمهور ماله حق يتكلم ولا يقول رايه اجل ليش يطلبون من الجمهور الحضور ولا الجمهور برايك مخفه يروح الملعب ويناقز شوي ويروح بيتهم وينام ولايتكلم ولايناقش ولايفتح فمه ياليتك ساكت بس فريق ومدرب يقهر وفوق هذا جاي انت مطفي انور مسوي مثاليه الحمد الله وشكر |
إقتباس:
سم ابشر .. نخلي الشلهوب يلعب المباراة الجايه .. ولايهمك ... اللهم لك الحمد كما يليق بجلال وجهك وعظيم سلطانك |
للاسف موضوعك هذا شبعنا منه كل سنه يجي واحد ويطبطب على الاعبين والاداره ويقول مو وقته الانتقاد خلونا نتكاتف ونشجع الوضع مايسمح !!!!!!! سنين وهو مايسمح اجل متى يسمح ياخوي راحت هيبة الزعيم مع ادارة همها الاستثمار من ورى الهلال وهمها كيف تجيب لاهب وتبيعه باعلا من قيمة عقده الادارة تحسب الهلال بضاعة تشتري وتبيع فيها سنين وحنا نصيح نقول ياناس الزوري ونامي والمرشدي مو من مستوى الزعيم وللحين الادارة متمسكه فيهم الظاهر مالقت مشتري لهم فتنتضر وكله على حساب الزعيم واحسابه تحسب السنين اه بس على الهلال اللي شاف الثنيان وسامي والتمياط وابو ثنين تبيهم الحين يصفقون للميتين اللي ماسكين الهلال اللي شاف الدوخي يحرث الملعب ويحرق نفسه عشان يصنع هدف من ولا شي تبيه يصفق ويشجع الزوري ونامي اللي قتلو الهلال من الاطراف وخلوها نقطة ضعف وكله والحسابه تحسب السنين ومحلك سر الادارة علجبها الوضع خلاص لاتقولون مو وقته الانتقاد اجل متى اذا ضاعت اسيا زي كل سنه ياعمي خلاص وفرو كلامكم حنا اقتنعنا ان اسيا بعيده بعد الشمس مع نامي والزوري والمرشدي مع انه اخف الضررين والاهم اسيا بعيدة عنا مع عبدالرحمن بن مساعد خلاص وفرو التشجيع لناس تحترق عشان اسم الهلال مهو مع اشباح ميته لاتهش ولا تنش ولا تحس. الادارة لو هي محترفه صدق كان نسقت كل العلل اللي في الهلال وحرصة على سمعت الزعيم وخلتها من اولوياتها بس للاسف هي من اولولوياتها الاستثمار فقط لمتى تبونا نصفق ونشجع لا حتا همنا الهلال بس ولهنا وخلاص يكفي متاجره بالزعيم قال جماهير فوز قال الظاهر انك ماتفهم كوره ولا تعرف الزعيم زين اقصد زعيم اول مو هذا المهلهل اللي صار ملطشه في اسيا وتبونا نفرح اعوذ بالله من القهر |
أخي العزيز هل تعلم ان ثلث القرأن الكريم قصص وهذه القصص لم يقصها الله سبحانه وتعالى على رسوله الكريم صلى الله عليه وسلم للتسلية بل للفائدة و أخذ العبرة مما حدث سابقا , وفي الماضي دروس يؤخذ بها في المستقبل ,, ولا بد من دراسة كافة الاخطاء للاستفادة منها مستقبلا لذلك اقول وبالله التوفيق ان نوعية اللاعبين السعوديين في الهلال ( و كذلك الاجانب) اقل من مستوى الهلال لذا يجب ابعاد (نامي , الزوري , الغنام, سعد الحارثي) و اعطاء فرصة أخيرة لبعض اللاعبين المزاجيين( الذين يظهرون في مباريات النصر او الاتحاد ثم يختفون باقي الموسم) فاما ان يقدم اللاعب عطاء متميز طوال الموسم (وهذه صفة اللاعبين الكبار الذين يلعبون مع اندية تحقق بطولات النفس الطويل) او يتم ابعاده من الفريق و اعني اللاعبين الذين يقدمون مستويات متميزة طوال الموسم ( محمد الدعيع , اسامة هوساوي , محمد نور , سعود كريري , نايف هزازي) اما اللاعبين الذين يلعبون مباراة جيدة و 10سيئة مثل ( الفريدي , عبدالعزيز الدوسري) وهنا المشكلة فوجود لاعبين ( ما ينشد بهم الظهر) كارثة و وجود اشباه اللاعبين كارثة اخرى و وجود اجانب عالة على الفريق كارثة الكوارث فلا يوجد اجنبي يفيد الهلال الا ويسلي لوبيز فقط اما البقية (اتمنى لهم الاصابة حتى لا يشاركو مع الفريق) و بصراحة اقول لن نحقق الاسيوية طالما نامي و الزوري والغنام في الهلال,, |
.... موضووعي له كم يووم .. ولاهو جديد ... بس حبيت اعيد نفس الكلاممم ... .... اليووووم وحوووووووش اللعيبه ... ... اليوم تختفي الفئة .. اللي متعاليه على الهلاليه ومسوين انفسهم نقاد ... هذا اذا احسنا فيهم النيه ... مع اني ما اسمي .. اللي يطلع وقت الهزيمه وينتقد... الا جبان .. متخاذل عن دعم الفريق ... بالمعنويه والروووح ... قلتها ... وقالووها قبلي ... الرجال في المنتدى هذا والاوفياء .. الجباااان محنا في حاجته ... اللي قبل كل مباره .. مايكتب الا انا خايف ننهزم .. ويارب تستر .. الوضع مايطمن ... ترى مانستفيد منه شي ... بس يفضح نفسه .. ويكشف قد ايش هو جبان... هذا منتدى الجمهووورررر ... اللي مسوي اكبر من الجمهور ومن الهلال .. ومن المدرب ... وينتقد ... وترى اذا ماسويت ياكومباريه التكشله هذي .. ترى تحلمون باسيا... ماحنا في حاجة هالاشكال ... ... الجبان اللي مايبي يشجع ... حتى لو سوى انه منتقد .. ولمصلحة الهلال ..انا اعتبره جبان .. ومتخاذل .... ................ اللعيبه اليوووم وحوووووووش ... والله ماقصرووااا ..... .. وارجع واقوول الهزايم .. والانتكاسات هي اللي تطلع جمهور الفوز .. من جمهور الفريق ... المتفائلين واللي دافعوو عن الهلال ..هم من يستحقوون النتيجه اليووم ... مبروووك للأوفياء .. وهارد لك .. للي كانو ينتظرون الهزيمه عشان يجون يكتبون... (قايلكم كنت حاس ) ................... جمهور الزعيم الاوفياء ... من تحيزم بكم مايرجع خايب ... الفئة القللية اللي تزعج وقت الهزايم ... مايمثلون شي ! مبروووووك وان شالله الوعد قدااااااام ... فالكم التوفيق ... ولاهنتم يارجاااااااال .... الوعد الجمعه... جعلني افداكم ... :) |
| الوقت المعتمد في المنتدى بتوقيت جرينتش +3.
الوقت الان » 08:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd