كومبواريه ماذا فعلت؟؟؟؟
 

بسم الله الرحمن الرحيم


الموضوع واضح من عنوانه

تلعب بثلاث محاور امام فريق اقل من عادي
الشوط الاول ماهو مشكلة يمكن المدرب يقرا المباراة لاكن انك تطلع مهاجم وتدخل مهاجم يعني وش سويت بالله ياخي اللاعبين ماهم قادرين يوضلون كوره للمهاجمين
تدخل لي مهاجم .


عندك لاعبين وسط احمد الفريدي ومحمد الشلهوب لاعبين يصنعون لك تمريره وينهون المباراة دخل لاعب جنب الدوسري وشف اللعب كيف يصير .

تشكيلة 4312 ماتناسب الهلال يامدرب وماتلعب فيها كل مبارة ,لاتقول لي نبي نطلع باقل خسارة لان الفريق اللي يباريك موذاك الفريق اللي عليه الكلام

حسنات كومبواريه في المباراة انه الشوط الثاني رجع الشهراني يمين علشان يساعد محمد نامي اللي الهجمات الشوط الاول كلها من جهته.

رجع لوبيز مهاجم ثاني وقدم الكوري راس حربه .

دخول سلمان الفرج اللي توازن الفريق بعد دخوله .

اتوقع المباراة الجايه المدرب بيلعب هجومي وبيلعب الفريق الكوري دفاع .

افضل تشكيله للمباراة القادمة 442
السديري الزوري(الشهراني ) المرشدي(المسلم)المانغان البيشي القرني الدوسري سالم الفريدي الدوسري عزوز ويسلي الكوري (ياسر)

او 451
السديري الزوري(الشهراني )المرشدي (المسلم)المانغان البيشي القرني وسلمان الدوسري سالم الفريدي الدوسري عزوز ويسلي .
التشكيلة الثانيه افضل لان راح يكون موازن بوسط الملعب والدفاع

ادري الموضوع مو مرتب لاكن والله اكتب وانا مقهور من اللي شفت بالمباراة

كلمة اخيرة ونقفل الموضوع
الهمة ياجمهور الزعيم في مباراة الاياب نبيها فل حسسوا اللاعبين ان وراهم جمهور يساندهم ويشجعهم ويحمسهم .

الكلام يعبر عن وجهت نظري

مبروك الهزيمة بهدف , الهلال قدم مبارة سيئة جدآ وكمباوريه الصراحة أفضل مدرب جاه للهلال ماشاء الله عليه غبي في قراءة المبارة + ما يغيير ألا أخر ربع ساعة ؟؟؟!

نامي قدم أسوآ مبارة كعادته ذا مستواه الطبيعي

أكثر شيء لفت انتباهي هو تالق المرشدي أول مرة أشوفه ما يغلط عينه عليه باردة :s5s:
عبدالله السديري :smilie47:قدم أفضل مبارة له في الهلال حتى الهدف اللي جاه عليه مب غلطته
عبدالعزيز الدوسري خف علينا ي ميسي الكرة القصيرة ليه تطولها :ranting:
الشهراني كان تايه جدآ في الوسط ما عجبني ابد كان يفترض من المدرب يلعبه ظهير أيمن بدال اللاعب المتهالك محمد نامي

شبيه الريح ي ليت لو طلعنا من أسيا تفارق أنت والسباك اللي جبته (كومباريه : ) :ranting: مانبي تبريرات كل موسم يطلع لنا بتبرير

يارجال والله ان مدربنا كمخه .... ولا كل شيء واضح قدااامة

وسط الملعب مفتووح قداام الفريق الكوري اضف كمان لا يوجد صناعة لعب

وافضل من يؤدي هالمهمة هو احمد الفريدي

بس الفريدي جالس احتياط والفريق : محتاجة ..... ليش مدري

يبدولي الفريدي هو سبب غلاء المعيشة : ولا ليش حاطة المدرب عنده


ياعاااالم يانااس كل شيء واااضح لسالفة الفريدي ..... ؟

الفريق قدم مبارة سيئه جدا

غلطان اخوي لعب بمحورين

والمدرب كان مشغول بالتصفير

تسلم يدك على الموضوع الرآئع ... انا معك ان كومبوآريه مافعل الوسط الهلآلي ولكن صدقني لو انت مكان المدرب ماراح تسوي اكثر من اللي سوآه .. يـ خوي دفاعنا زبــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــآلـــه اليوم

كلهم نكبات [ الزوري والمرشدي ومانغان ونامي ] كلهم اخطاء كوآرثيه والله ستر من هزيمه نكرآء

لكن بـ آذن آلله حنا نقول ان الزعيم قـآدر بحول الله وقوته ثم الجمهور اللي راح يهز جنبات الملعب بـ الرجوع لـ نصف آسيآ

والله [ نبي الشلهوب ي نـآس حتى لو يلعب الشوط الاول بس صدقني راح يصنع لك لعب + الفريدي لاعب فنان ويحب الاخترآقآت ]



الله يوفق الزعيم يـآرب

خلاص خلاص خلاص الان بداء السبب في المدرب واللاعبين ورئيس النادي

حتى الان لم تنتهي المبارة وباذن الله التوقع المبارة القادمه 3/1 للهلال

قدامك فوق 65 دقيقه الفريق مب قادر يوصل كور للمهاجمين ووهالوقت كله مقتنع ان هالخطه يوم بقى 10 دقايق قمت تغير نعيما !!

ياخي حرام عليك الدوسري مايقدر يصنع بلحاله مافي احد يساعده الشهراني في جهه والدوسري في جهه المفروض تنزل الشلهوب والفريدي والشهراني ورقه رابحه معك ..

المدرب والدفاع يتحملون المسوؤلية الخساره ..

سلام

تشكيلة الهلال في الاياب اذا لعبها بيفوز ان شاء الله
عبد الله السديري
الزوري المرشدي مانجان البيشي


الفرج هرماش




الشهراني الشلهوب



ويسلي


ياسر القحطاني

واضمن فوز

واتوقعها 3/1 للهلال ان شاء الله

هاااااااردلكـ ياااااالربع......

ومعوووووضين ان شاااااء الله...

الخسارة يتحملها المدرب واللاعبين من وجهة نظري
لأنهم كلهم أعطوا الفريق الكوري أكبر من حجمه وكانوا مرتبكين طول الشوط الاول
الحمدلله ان الفريق الكوري ما سجل الا هدف واحد , وكان واضح انه يعرف يرتد بسرعه
وهذا الي انا اخاف منه في مبارات الاياب
الي واضح الحين ان لاعبين الهلال لو لعبوا على التمريرات السريعة القصيرة بيقدرون يسيطرون على المباراة
وهذا الي صار في الشوط الثاني
اتمنى الهلال يلعب في المباراة الجايه بنفس مستواه في الشوط الثاني
وان شاءالله التأهل حليف الهلال

تدري انا وش الي منقهر منه مو الهزيمه منقهر من المدرب يام يروح كوريا عشان يعرف الفريق الكوري ونقط ضعفه واخرتها تنهزم انا اتمنى المدرب اوت من النادي و الكوري يلحقه بعد

الفريدي الظاهر مافي امل يطقها....