|
هل يوقضكم من سباتكم كلام رئيس الشعله ياجمهور الرياض .. تفضلوا لتعرفوا ماذا قال بحقكم !!!!! بسم الله الرحمن الرحيم قرر الطفيل ألا يلعب مرة أخرى خارج ملعبه في المباريات المجدولة في ملعبه حيث قال: إننا تركنا ملعبنا لاعتقادنا أن هناك جماهير هلالية ستحضر إلا أن العدد الذي حضر (3.500) كان صدمة ولا يستحق الإجراء الذي قمنا به، وقال: إن جماهير الهلال في الخرج أكثر منها في الرياض، وأكد على جاهزية ملعب الشعلة بقدرة استيعابية (5.000 متفرج) حيث يرى أن كل الأندية التي يقال عنها جماهيرية لن تملأ هذا الملعب بحسب ما تابعناه من متوسط حضور المباريات التي انتهت حتى الآن. نعم هذا ماقاله رئيس الشعله فهد الطفيل وبالحرف الواحد تجاه الجماهير الهلاليه في الرياض وذكر ان الجماهير الزرقاء في الخرج اكثر منها في الرياض وصرح بأنه نادم على نقل المباراه وانه لو تركها في الخرج لكان افضل إعتقادا منه ان الريع سيكون كبيرا لفريقه ولكنه تفاجأ من قلة جمهور الزعيم في الرياض . هذا الكلام ذكرناه مرارا وتكرارا ونبهنا منه وقلنا ان الزعيم مظلوم في حقيقة الامر بسبب تواجده في منطقة الرياض وليته كان في منطقة القصيم او المنطقة الشرقيه وقد واجهنا حمله شعواء من قبل البعض والآن ماذا عساهم ان يقولون بعدما صعقهم رئيس الشعله بذلك الكلام المجلجل حيث كانت نتيجتها فضيحه بجلالجل مثلما يقول اخواننا المصريين وإلا هل يعقل ان تأتيهم فرصه كتلك والتي تم من خلالها نقل مباراة مجدوله في الدوري على ارض الخصم وتنقل بسبب عدم جهوزية ملعبه نظرا للحضور المتوقع من قبل الجماهير الهلاليه ثم تنقل لمعقلنا ولم يحضر سوى 3500 مشجع . إنه شئ مخجل ولا يقبل أي عاقل هذا التصرف والعزوف من قبل جمهورنا العزيز في المنطقه الوسطى ولا يستحق زعيمنا تلك المقاطعه من جمهوره . انني اناشدكم ياجماهير العاصمه ان تعودوا من جديد لمساندة فريقكم بكثافه ولا تتركوه وحيدا وان تفوتوا الفرصه على الشامتين والمتربصين بزعيمنا وان تردوا عليهم بالقول والفعل بالحضور ثم الحضور ثم الحضور وهز المدرجات والتشجيع بكل روح رياضيه كما عرف عننا نحن الزعماء . تحيــــــــــــــــــــاتي وتقديري لكم جميعا ,,,, |
اقول تراها مصخت كل شوي احد كاتب موضوع وتقطيع في الجماهير ... انا اعتب على الاشراف بالسماح للمواضيع هي اضف الي ان فيها تفرقه بين جماهير المناطق تلقى هالي حاضر وصاجنا اذا كان حاضر بعد قاعد يقشم حب طول المبارة ويجي هنا يقرفنا |
باذن الله مباراة اولسان الاياب ستكون الكلمه الاكبر لجمهور الزعيم في الرياض !! وستمتلى جنبات الاستاد .. لنزف الزعيم باذن الله للنصف النهائي الاسيوي .. |
ياخي انت بتفرق وتتولد الشرارة بين جماهير الزعيم اتق الله في نفسك يأخي كل واحد وعنده ظروووف عموما كل مشجع يعيش تحت الكيان الازرق سواء بالرياض أو خارج الرياض هم على قلب وااااااااحد |
لا هنت ،، موضضوع جداً جميييل ويصصف حال جمهور الرياض للأسسف !! اتمنى من جمهور الرياض الحضضور كما عهدناهم من قبل ،، ليسس فقط في المباريات الكبيره و المهمه بل في جمييع مبارياته .. تقبل مروري :) |
إقتباس:
احترم وجهة نظرك ولكن قولك اتق الله في نفسك واني رايح اولد شراره بالتفرقه .. هذا كلام غير منطقي ابداااا يعني نترك زعيمنا في الرياض ولا نطالب بالحضور الجماهيري يااخي هذا تحفيز للمطالبه بالحضور وليس تفرقه او تمييز ندري ان الزعيم للكل ولا تزايد في هذا الكلام ولا تخرج الموضوع عن سياقه الصحيح بارك الله فيك |
وين يسوي تفرقه لاوالله كلام وموضوع بالصميم والمفروض يكون الحضور مايقارن بالمدن الاخرى لأنه العاصمه واكثر سكان والنادي من الرياض وجمهور الزعيم مايقارن بالانديه الاخرى لاكن زي ماقال اخوي لازم جمهور الرياض يصحى من سباته وربي لوني بالرياض مايفوتن ولا مبارات تكفوووووووووووون ياجمهور الرياض مانبي اتكاليه وعندنا في القادم مباريات مهمه والفريق يبي دعمكم تكفوون لاتخيبوووووووووووون أملنااااا فيكم نبي عاداتكم اللي نفتخر فيهاااا لما نشوف الامواج الزرقاء تكتسح المدرجاااااات تكفوووون |
إقتباس:
يعني هذا اللي فهمته من الموضوع ام الدلاخه بس |
جمهور هالجيل : قليل بـ الأفعال . . كبير بالكلام ! |
إقتباس:
اقول والله ماتدري من هي هابه من شرق ولا غرب وابصم بالعشره انك ماقريت الموضوع ولا مريت عليه وذا مريت عليه فهمك له محدود يااخي هذا تحفيز للجمهور بالحضور اجل يعجبك مباراتنا مع الشعله وكيف صرنا مضحكه للغير المباراه تنقل عندنا بسبب كثافتنا وحضورنا كجمهور هلالي كبير على مستوى آسيا ولا يحضر الا 3500 بس اجل كيف لاجاء عندنا الفريق الكوري بعد ايام كيف يصير بحالنا |
انا اضمن لكم باذن الله 70 الف هلالي عاشق في مباراة الاياب وسيزفون هلالنا لدور الاربعه باذن الله :rose: |
ما عنده سالفة ,, ملعب الخرج ما يستحمل 2000 مشجع و جماهيرية الهلال بالخرج كبيرة و لذلك الشغب و المشاكل واردة و علشان كذا تم نقل المباراة للرياض " لدواعي امنية سواء رفض او وافق المباراة منقولة بدون شورة " ,, و بخصوص جماهير الرياض فهي معروفة بوقفتها مع الفريق و جماهير الرياض ياما ملئو جنبات الدرة و الملز و اقرب مثال موسم 2010 و الحضور الجماهيري الطاغي في ملاعب الرياض ( لأن الفريق وقتها مستواه يفتح النفس للحضور ) و هالموسم للأسف المستوى كان متذبذب بذلك الغياب كان مبرر ,, على اية حآل المهم هو القآدم و نفكر بالمستقبل اصرف من اللي رآحَُ ..,, |
كلامك سليم ان شاءالله القادم افضل |
والله صادق في كلامه جمهور الهلال في الخرج اكثر من جمهور الهلال في الرياض شوفوا جمهور الاهلي والاتحاد حتى وهم بعيدين عن البطولات يحضرون وأحلى طرب بعد موجمهورنا يحضر وساااااكت |
إقتباس:
الله يوفق زعيمنا :ba::ba1::ba::ba1: |
مدري كيف انتم ي الشبآب تبون الهلال يفوز و يقدم مستويآت وانتم ماتسآندون ! 3000 متفرج بس عسى مآتكلفتوا ع هالحضور واللي يقول ضروف آي ضروف هذي مو معقولةة الهلال الأكثر جماهيريه مايحضر منه إلآ 3000 بس والباقي عندهم ضروف ! |
ياليت الهلال بالشرقيه بس .. |
مهما قلت وناديت وتحمست وحمست هذا الجمهور لن يستجيب مع الاسف الشديد ولا حياة لمن تنادي ياليت يصدر قرار بنقل الزعيم للقصيم بس آآآآآآآه بس |
إقتباس:
|
بإذن الله نراهم في الاياب و70.000 متفرج ان شاااء الله واملنا فيكم .. |
هاللي يقول جمهور الاتحاد والاهلي طرب شكله ماقرى التصريح للمدرب المصري عبود الخضري يوم يقول الجماهير هنا طقاقات ههههههههههههههههاي |
يعطيك العافية وانشألله الجماهير في المباريات القادمه راح تحضر لاكن والله ياشباب حضور المباريات في الرياض غير عن باقي المناطق في الرياض زحمه والملعب احيان يكون بعيد عن البعض واذا تأخرت ماتحصل مكان كويس غير عن باقي المناطق.. ومع كذا نشوف حضور احياناً لابأس فيه لاكن مايقهرني الا انه اذا صارت مباراة كبيرة والجمهور عبا الملعب يقولون اغلبية الحضور من خارج الرياض< يعني بكل الحالتين جاينا النقد. |
نقدر ظروف تصريحه في الوقت الذي اسنفزه الفريدي بعبارات واعتذر عنها سمو رئيس النادي للشعله ورجالها بصراحه تعال لمباراة الفتح وهجر والاتفاق فرق تتكتل وتلعب على اخطاء الفريق الاخر ثم يتبجحون بمقولة (الى تكسب به العب به) وضع المقوله في غير موضعها !!! قتل المباراة بمجرد بدء المباراة لتنتهى باي شكل هل نحضر للاستمتاع ام لرفع الضغط ؟ فلا تلومو الجماهير اذا اقتصرحضورها للمباريات الكبيرة فقط فريق يقدم افضل اداء والاخر يلعب بتسعه في الخلف ومهاجم وحيد يميل للوسط وتحكيم يتعاطف مع الفريق المتكتل فيجد نفسه يدافع معهم الجمهور يفهم كوره ويقراء المباراة من اهم الاسباب لعزوف الجماهير من الحضور للملاعب زيادة عدد فرق الدوري 14 نادي |
اشكرك على حرصك الشديدة وغيرتك على فريقك انا من الناس ما احضر الا المباريات الكبيرة وخصوصاً في فصل الشتاء بس حبيت اذكر بموضوع الاخ تركي الهديب لدرجة انو لم تدخل الملاعب يستقبلونك بالورود |
صباح الخير أخي العزيز ماقاله رئيس الشعله ليس بجديد فقد ذكره الكثيرون من قبل من عشاق الهلال وعلى رأسهم الامير عبدالله بن مساعد قبل أكثر من ثمان8 سنوات وتحدث عنه الكثير من محبي الفريق ولكن للأسف لاجديد!!! يستمر الجمهور بالغياب عن الملاعب ويحضر في المنتديات وبالمطالبات وألإستراحات والشتم والقذف أخي العزيز لاأعتقد ان الجمهور الهلالي وخصوصا جمهور الرياض سيوقضه من سباته ماقاله رئيس الشعله لأنه كما قالو منذو عصور (الضرب في الميت حرام) ولكن هذا لايمنع أخي العزيز ألإستمرار بإثارة هذا الموضوع مابين فتره وأُخرى ليس من أجل أن يستوعب هؤولاء دورهم الحقيقي في دعم الفريق فهؤولاء كما قال الشاعر (لقد أسّمعت لو ناديت حياً ولكن لاحياة لمن تُنادي) ولكن من أجل ألأجيال القادمه صغار السن لثقيفهم وتوجيههم كيف يكون الدعم الحقيقي للفريقهم من خلال الحضور للملعب وتشجيع كل من يرتدي شعار الفر يق وليس الحضور من خلال المنتديات وشتم من ينتمي للفريق تحياتي لك |
بالعكس جماهير الهلال بالرياض واعيه وترسل رسائل واضحه لادارة الهلال فقلة الجمهور دليل عدم رضى إما على .......... أو .......... أوو.............تحياتي |
جمهور الزعيم ماقصر ولا راح يقصر اللهم وفق الزعيم والزعماء والزعيمات في كل مكان |
اهم عوامل عزوف الجماهير عن حضور المباريات : 1 مستوى فريقها ( خصوصا لما يكون هزيل ) :yes: 2 خدمات الملعب :yes: 3 ضعف الفريق المنافس :d ثانيا بالنسبه لجماهير الزعيم اللي من خارج الرياض شي طبيعي انهم بيحضرون للمباراه اذا حضر الهلال :s5s: لانه اصلا ماراح يجيبهم الا مره وحده في الموسم كامل! ويمكن الموسم الثاني مايجيهم نهائيا ( مثل اللي حصل مع الشعله في الخرج خلال الموسم الماضي ) :wub: |
لا هنت ،، موضضوع جداً جميييل ويصصف حال جمهور الرياض للأسسف !! اتمنى من جمهور الرياض الحضضور كما عهدناهم من قبل ،، ليسس فقط في المباريات الكبيره و المهمه بل في جمييع مبارياته .. تقبل مروري :) |
إقتباس:
ياعزيزي علينا ان نتقبل وجهة النظر مهما كانت قسوتها لان الاختلاف في الرأي لايفسد للود قضيه الرجل قال رأيه وعلينا احترامه واحترام رأيه , لذلك آمل الابتعاد عن الكلام السوقي هابه ومن عارف ايش لكي نخرج بالفائده من حوارنا هذا لزعيمنا . بارك الله فيك |
إقتباس:
ياهووووووووووووه ترا مو انا اللي كتبت الموضوع مع احترامي لصاحبه ركز شووووي قال سطل قال هههههههههههههههههه |
والله انك صااادق وترو الرجال كتب الموضوع للتحفيز مو للتشتيت تسلم اخووي |
إقتباس:
|
كلام رئيس الشعله صوره مع التحيه لكل مشجع هلالي في الرياض او قرب منها . |
إقتباس:
حتى انا اشك ان هناك كثافة جماهيرية للنادي في الرياض وان الملعب اذا امتلأ فلن يملأه الا الجماهير من المحافظات المجاوره |
بأذن الله يحقق الملكي نتيجه ايجااااابيه يوم الاربعااااااء..... وسنرى جن الملاعب في مباراة الرد يهزون الملعب هز...... |
الله يهديكم على هالهواش .. المطلوووب مسانده الفريق سواء فاااز او خسر يعطيك العافية على هالموضوع اللي يحتاج لمناقشه جديه وبعيده عن الشتم من شخص لشخص .. |
ياجماعة الخير الهدف من الموضوع هو معرفة سبب العزوف الجماهيري في الرياض معقل الزعيم وقلبه النابض نريد ان نعرف ذلك لكي نتلافى هذه الاخطاء ومن ثم نحفز الجمهور للحضور وعندما يكون الملعب ممتلئ عن بكرة ابيه يعود ذلك بالنفع الكبير لزعيمنا سواءٍ ماليا او معنويا هذا كل مافي الموضوع لنبتعد عن المهاترات التي لن تفيدنا بشئ بارك الله فيكم |
إقتباس:
هذا الكلام اللي يبرد الكبد نعم المطلوب مساندة الفريق سواءٍ فاز او خسر بارك الله فيك يازعيمه |
:ba: كلام ف منتههههى الروعه والصصصصدق صحيح جمهورنا الهلالي ف الرياض صار حضوره مخجل وبالكاد نلاقي الملاعب مليانه والشواهد كثيره مو اكثر من مره حدث الحضور القليل ياليت ينقلون مقر الزعيم عندنا بحايل يابعد حيي |
إقتباس:
امحق من تعبير حتى الكتابه مايعرف لها مصخت , صاجنا , يقشم , تلقى هالي صحيح الله خلق وفرق |
إقتباس:
نعم كيف نطالب الفريق بالفوز ونحن لانحضر اساسا واذا حضر مننا البعض لايتعدون اصابع اليد الواحده مثلما يقولون اي العدد قليل ثم بعد ذلك نجهز المشانق الى اللاعبين عند الخساره او التعادل , ثم من يتحجج بالظروف فهي حجه باطله هل يعقل ان تكون الظروف على مدار سنوات وسنوات فالزعيم يشتكي منذ زمن بعدم حضور جماهيره في الرياض وكم مره ومره ناشدت الاداره الزرقاء الجماهير بالحضور بل ان الدخول اصبح مجانا لإغراءهم بالحضور ولكن لاحياة لمن تنادي حتى في هذه الحاله كان الحضور قليل , مما يثير علامة استفهام كبرى . |
جمهورنا بس تحطيم في نجومهم وسب وتجريح اما الحضور لا مافيه احد |
| الوقت المعتمد في المنتدى بتوقيت جرينتش +3.
الوقت الان » 09:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd