20/09/2012, 12:37 PM
|
 | في انتظار تفعيل البريد من قبل العضو | | تاريخ التسجيل: 04/03/2011
مشاركات: 89
| |
|
وش مشكلة الهلال ياخي !! الفريق فيه إنا !!
بسم الله الرحمن الرحيم
اخواني جمهور الزعيم ،،، الهلال اداريا جيد جدا
وفنيا جيد جدا ولكن هناك خلل بالهلال منذ انطلاقة الموسم
نعلم جميعا بان الهلال دائما في كل المواسم يحضر له جمهور
كبير من كل انحاء المملكه ، ولكن للاسف هذا الموسم الهلال
بدأ الموسم والجمهور كأنه متملل من مبارياته ولا يريد حضورها
وانا اول واحد فيكم ،، والله العظيم انني اتكاسل احضر مباراه
للهلال حتى وانا بالرياض وقريب من استاد فيصل وايضا الملك
فهد ،،، يعني المشكله فينا ثقة في نادينا ولكننا للاسف الثقه هذه
جعلتنا نقول باننا واثقين من الفوز لذلك لا داعي لحضور مباراه
مثلا الهلال والشعله ، يعني اي مباراه يلعبها الفريق ضد نادي عادي
ما نحضرها للاسف ،، وهذه هي المشكله ، حتى اللاعبين الاجانب
جو مع بداية الموسم هذا مثل ويسلي وما شاهد جمهور الهلال الحقيقي
لذلك ليش يذبح نفسه عشان نادي ما وراه جمهور يتكلم بالمدرجات
ويطالب بطرد اللاعب الفلاني من الفريق لانه فاشل ، بدليل الحين اللاعب
السنغالي للاسف لاعب الكوره شرق وهو غرب ، الجمهور لو حضر مباريات
الهلال وطالب بابعاد هذا اللاعب من مباريات الهلال ورددوا بصوت واحد
بيكون هناك دافع للمدرب كومباريه انه يستبدله باي لاعب لان الجمهور صبره
نفذ وبيأثر على المدرب والجهاز الفني ، انا اضرب مثال فقط بالسنغالي ، فكيف
بنا لو رددنا اسماء لاعبين غير السنغالي الذي لا يستحقون ارتداء شعار الهلال
لانه ما عندهم حرقه على شعار الزعيم ،،، للاسف فيه لاعبين ما يستحقون الهلال
يبغون مبالغ عقود فقط ، انا لا ارى في الهلال سوى الشلهوب وياسر وسالم والقرني
وحسن العتيبي من اللاعبين المحليين اللي عندهم قهر اذا خسر النادي ،،، البقيه للاسف
يبغون مبالغ فقط ،،، الهلال ينقصه الحضور الجماهيري ،، بالعربي انا اقولها لكم
وباختصار بان من يعيش بالرياض ولا يحضر مباريات الهلال فليس هلاليا وانا اولكم
لابد لنا من نساند نادينا ،،، معروف ان الشعب السعودي بعد صلاة العشاء فاضي
فليش ما تروح الملعب والا جو الاستراحات والمقاهي عندك افضل من مساندة ناديك
اتمنى بالنهايه ان ستاد الملز يمتلئ عن بكرة ابيه في مباراه الاياب
وانا اول الحضور باذن الله تعالى ،،، وش ورانا غير الزعيم ،،،
دعوه لرفع المعنويات ،،، نريد من الان في مباراه الشباب ان نبدا
بمساندة زعيمنا الملكي ،،،
والسلام عليكم ورحمة الله وبركاته |
الوضع المتطور
