|
من الأخــر..لا نريد لاعبين قصار قامة في الهلال!! يعد قصر القامة من أكثر عيوب اللاعب السعودي ويتضح ذلك عندما يلعب فريق سعودي مع أي فريق غير سعودي حيث يبدو اللاعب السعودي وكأنه قـزم يلعب أمام عـمالقـه او كما يقـال (سادس أ يلعبون مع أول ج) لذا يجب ان نهتم بطول اللاعب وبنيته الجسمانية اما البحث عن أقزام لا يعرفون من كرة القدم الا (طقها والحقها) فذلك لم ولن يطور الكرة السعودية ابدا ,, و رغم حاجة الهلال الى مدافعين (قلب دفاع و ظهير ايمن و ظهير ايسر و محور دفاعي ) لكن الجماهير و بعض الاعلاميين يتمنون ان تتعاقد الادارة مع فلان وعلان لاعبين قصار القامة ببنية جسمانية ضعيفة جدا لايعرفون قطع قطع الكرة ولا يعرفون الضغط على حامل الكرة !! الى متى والهلال يجمع قصار قامة ؟؟؟ هل شاهدتم ناشئين و شباب و أولمبي الهلال؟؟ لا نريد يحي الشهري ولا امثاله من قصار القامة الذين لا يستطيعون مواجهة اللاعب الاتحادي فضلا عن مواجهة اللاعب الايراني او الكوري او الاسترالي او الاوزبكي !! ليكن طموحنا لاعبين طوال القامة يستطيعون استخلاص الكرة وقطعها من الخصم ويشاركون بفعالية في الكرات العالية مللنا من ترديد قوالب مثل (قصير مكير) او (ما ضر ميسي انه قصير) ليس كل قصار القامة ميسي كما ان ميسي محاط بمواهب حقيقية تم تأسيسها منذ الصغر كما ان اجسام زملاء ميسي و طول قامتهم و تغذيتهم وبناء اجسامهم يكفي !! كل من شاهد مباراة السعودية و استراليا ثم مباراة السعودية و اسبانيا لاحظ فروق واضحة بين اللاعبين , لن ننافس اسيويا الا بوجود لاعبين طوال القامة وما عدا ذلك فهو اضاعه للمال والجهد والوقت وتلاعب بأعصاب الجماهير و تلاعب بتاريخ الهلال,, |
الكورة عقل وفكر ماهو بطول وقصر ياكثر اللعيبه العمالقه وتلاقيه فاشل اكبر دليل لعيبة برشلونه يشتهرون بقصر القامه ومع ذلك افضل فريق حاليا |
غريب موضوووعكـ اول شي كلآمك فيه اعتراض على امكانيات ومهارات وقدرة لاعبينا بالرغم من انهم يملكون افضل مهارات في اسيا وليس في المملكه عزوز الدوسري والشلهوب والعابد والان الشهراني يملكون عقول واشياء لا يملكها من يفوقونهم بالطول على حسب رغبتك ثانيا ياخي القصر ماهو عيب وانت بكلامك ذا تعيب على اخوانك المسلمين وتقول [[ الى متى والهلال يجمع قصار القامه ]] ...!!!!!!!!!!!!! صراحه هذا فيه مساس بلاعبينا استغرب الاداره سمحت بنشر هذا الموضووع لان لو اطلع عليه اي لاعب من هؤلاء راح ياثر في نفسيته لو اتجهت لاتجاه اخر راح اقول انت صح ..؟؟؟ اللي هو البنيه الجسمانيه بالتمارين القويه بحيث يستطيعون الاحتكاك والالتحام مثل ماهو واضح الان عندك ميسي حتى بيبي على قوته احيان يتعب فيه ترى ميسي في طول الدوسري لكن الاهتمام بالعضل ...!!! ازيدك مثال اليابانيين يعدون قصار ماعدى يوشيدا وهوندا لكن لو تطالع في العضلات تعرف ان القصر مايعيبهم بالعكس يحرجون افضل الفرق العالميه |
ي اخوي هذي بنية الشخص العربي والسعودي ب الذات وبعدين لو كان القصر عيب على قولتك م كان شفت ماردونا افضل لاعب ب العالم مسي افضل لاعب بالعالم أنيستا أيضاً القصر ب البنية ماهو عيب القصر ب الفكر هو العيب الوحيد في نضوج اللاعب السعودي |
سلامات لوسمحت اعطيني المقاسات اللى انت تبيه اجل نجيب خبول اشكال الزبيدي حق الاتحاد لالالا نجيب برناوي قوه جسمانيه عجيبه ولا عيد الفقر هذول اللى انت تكلم عنهم طول قامه وقوه جسمنيه مهارت صفر تفكير صفر |
افضل لاعبي التاريخ (مارادونا وبيليه وميسي و و و و و و ) قصار قامه المشكله في المهاره ووضع كل لاعب في مكانه الصحيح ولا اقنعني ان بيتر كراوتش(205سم) افضل من ميسي (169سم) ؟!!!!!!! |
صاحيلهم وضح الرؤيـه :D اجل مللنا ! القصر ماهو المشكله .. القوه الجسمانيه .. والتنشاه منذ الصغر .. اهتموا بفريق الشباب والاولمبي .. من ناحية اكل وتمارين ..اللي تدخل فيها الحديد! بعدين تعال قلي لاعب اجنبي ولا لاعب سعودي يدق بالكبسه ويلحق التمرين :D |
كويس انك كتبت هذا الموضوع قبل لا يتهور عبدالرحمن ين مساعد ويجيب ميسي .. كيف تقول اللاعب القصير ما يقدر يواجه اللاعب الاتحداي وكلنا شفنا نواف العابد كيف سحب بلاعبين الاتحاد واحد ورا الثاني حتى انهم قالوا انه مستخدم منشطات .. وبالنسبة انك تقول انه اللاعبين القصار ما عندهم الا طقها والحقها .. كأنك تقول انه هذي صفة اساسية بالقصار على عكس اللاعبين الطوال .. اللاعب مو بطولة وقصره .. اللاعب بإمكانياته .. |
موضوعك ماله فائدة ولا له معنى وكلام غير سليم اول شي انت تقول طقه ولحقها لاعبين الهلال كلهم مهارات وتقول قزمان عندك العابد و الدوسري و الشهري افضل الاعبين السعودين حاليا وعندك احمد عطيف نجم مباراة المنتخب امام اسبانيا وهو قصير وتقول لي مانقدر ننفس قدام الاوزبك و ايران و استراليا الاوزبك لم يستطيع اي نادي ان يسجل على الهلال هدف واحد على مر التاريخ ايران فزنا عليهم بأرضهم بهدف العربي وافضل لاعب بالعالم ميسي وهو قصير القامة وافضل نادي بالعالم البرشا وهم قصيرين القامة الا ماندر (الكورة ذكاء ومهارة) تقبلوا مروري |
انا معك جزئيا فيبعض ما قلت ولكن لا تنسى أن فطاحلت كرة القدم هم قصار القامة |
ياعزيزي لو بتلاحض لاعيبةة الهلال قصار القامه احسن لعب ومهارات من طوال القامه ؟؟ الكوره تلعب بلفكر موب بالاجسام ؟؟ نواف العابد اقصر لاعب وتلاعب بلعيبةة الستيَ وهم عملاقه عنده وماعجز عنهم ؟؟ موضوعك مدري وش يبي بصراحه ..! |
معليش بس انا ضدك .. صحيح المهاجمين والمدافعين ممكن لكن آسآطير الوسط هم قصار القامه تشافي , انيستا , مودريتش , سكولز , ماتا .. إلخ |
والله مع احترامي لكـ موضوعكـ ولا في 1% فائدة اتمنا تحذفه |
ميسي و اينستا وجميع لاعبي برشلونة يسلمون عليك ويقولون جرحت مشاعرهم:cry: و ما رح يلعبون كورة بعد كذا لانهم قصار:D |
اقول ما ودك ترتاح انت وموضوعك الي مامنه اي فايده |
| الوقت المعتمد في المنتدى بتوقيت جرينتش +3.
الوقت الان » 04:46 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd