ومن انت تجي تتكلم بالاسلوب ذا مع حسن العتيبي

اولا حسن ما اعترض عشان مستواه ولا اعترض عشان يبي اساسي ولا احتياطي

حسن اعتراضه على المعامله المهينه له من المدرب !!

وهذي ابسط حقوقه .. انت ترضى احد يهينك في عملك حتى لو انك اخطيت ؟؟؟؟؟؟؟؟؟؟؟

ياخي شكلك انت والكوبه بالرياضه ياخي حدك مسلسلات خليجيه

اقصى شيء انت ماشف اكشن يادوري؟؟؟؟

ماشفه خلاص اوص

ترا حتى محمد الدعيع صارت له مشكله يوم كان حارس الهلال

والا شكلك نسيت مشكلته مع سامي ايام المعسكر اللي كان في المانيا على مااعتقد





المشاكل عادي وتحصل

لكن مسألة إننا نقلل من لاعبيننا هذي هي المشكله بعينها


حسن العتيبي له فضل كبير على الهلال بعد فضل الله سبحانه ولا ينكر هالشيء الا شخص جاحد

حسن العتيبي اسطوره غصب عن الكل ومو من حقك تنزل موضوع عشان تقلل من شخصيته وتسبه بطريقه ملتويه!!


ان شاء الله تعدي هالأزمه على خير
ونشوف العتيبي راجع لأحسن مستوياته في الحراسه الهلاليه بإذن الله

اقول ترى زودوها شويه
يعني مو كذا اي لاعب يخطي ننسف ماقدمه
للهلال ع كذ مافيه لاعب بيصير همه الهلال
اذا ع اخر عمره وعندما يطلع بديل له يتهجم عليه الجمهور بهذا الشكل
احنا نحب ونقدره ومتاكده ان راح يكون لد درس ماحصل

إقتباس الرسالة الأصلية كتبت بواسطة جونيور الهلال ومن أنت علشان ترد اذا أنت يهمك حسن العتيبي أنا يهمني الكيان الهلالي

كلام بالصميم واتفق معه 100 % .
سؤال لحسن العتيبي :
من المستفيد من الاثارة الاعلامية ضد الزعيم في هذا الوقت ؟

وما رأيك بترحيب الاعلام الاصفر بك واستضافتك بكل قنواتهم؟

رأيكم ؟

إقتباس الرسالة الأصلية كتبت بواسطة قلـ الزعيم ـب النابض ومن انت علشان تنتقد واحد خدم الهلال نصف عمره , بغظ النظر عن مستوياته .. الظاهر نسيت الموسم اللي شال الحراسه بعد محمد الدعيع , واخذ افضل وحارس بالموسم . والله اني بالموسم اللي راح من اشد المنتقدين له بعد انخفاض مستواه الواضح , لكن الموضوع اصلا ماتكلم عن انه يكون احتياطي او لا او عن مستواه , هو يتكلم عن سفاهة المدرب له وتعامله معه فقط , وطبعا مادافع عن اللاعب بس انا اوضح وجهة نظره اللي نص الجماهير اللي مثلك للاسف مافهمها ,, لك الله ياحسن , وبإذن الله تنحل مشكلتك مع المدرب وتتصافون بس بطل عناد شوي ياحسن انت كبير بعمرك وباخلاقك دائما .

والله اهنيك على الرد الجامد خليته ماهو عارف يرد عليك:

وياحبيبي الناس ينتقددون انتقاد بناء مو هداام

إقتباس الرسالة الأصلية كتبت بواسطة جونيور الهلال ومن أنت علشان ترد اذا أنت يهمك حسن العتيبي أنا يهمني الكيان الهلالي

مسوي يهمك الكيان الهلالي ؟؟

شكلك ما سمعت تصريح حسن ؟؟ واذا انت هلالي ليش تصعد الموضوع بالفترة هذي ..!!

ورب الكون ان حسن هو المظلوم ويشكي تطفيش المدرب له واخشى ان يصبح مصيرنا مثل بنو فقران بسبب ظلم اللاعبين .

نستوا الجهود الي قدمها للهلال
وهو من جاب لنا كاس ولي العهد اما الاهلي بعد مصد 3 ركلات ورى بعض وحاسمه

صيحيح انه عنده اغلاط لكن هو لاعب خلوق ولا يغيب عن التمارين

لازم ندعم حسن

إقتباس الرسالة الأصلية كتبت بواسطة هلالي الجزيرة كلام بالصميم واتفق معه 100 % . سؤال لحسن العتيبي : من المستفيد من الاثارة الاعلامية ضد الزعيم في هذا الوقت ؟ وما رأيك بترحيب الاعلام الاصفر بك واستضافتك بكل قنواتهم؟ رأيكم ؟

ياخوي ارجوك لا تطير بالعجة حسن مو ذنبه ان المدرب يهينه بالفترة ذي .

اجل تبيه يصبر الين ينتهي الهلال من مباراة اولسان ؟..!! ترا الواحد اهم ما عنده كرامته وانا كنت انتقد حسن بتصرفه الاخير , بس بعد ما سمعت التصريح من حسن الي مع وليد الفراج حسيت انه جد مظلوم وكل شوي يقسم بالله ومسألة عدم جلوسه بالدكة في مباراته مع الحمادة كانت بسبب المدرب .

والله مشكلتك انك توك صغير ماتعرف حسن العتيبي

اصبجنا ننتقد الاسم ولاننتقد الفعل او المستوي

يا اخواني كلمة من انت؟!! قويه بحق اي رجل

حسن العتيبي هو حسن العتيبي واسمه يدل علي معدنه ومن هو

انتقد المستوي او الفعل مسموح لكن لاتنتقص من الرجل

رجااءا من الجميع

انتقدوا االادا ولا تنتقدوا الاشخاص

كل له احساس وعنده غيره علي اسمه

لما تكبر ياصغير تعال تكلم على اسيادك
مدري وين الاشراف عنك انت وموضوعك