لجماهير الزعيم الواعيه بخصوص حسن العتيبي !!
 

السلام عليكم إخواني الجماهير عندي تعليق بسيط بخصوص حسن العتيبي
ومشكلته مع كومبواريه وراح أكون منصف وماأنحاز لأي طرف سواء اللاعب أو المدرب

الكل يعرف حسن العتيبي ومشواره الطويل مع الهلال الممتد لـ 21 سنه بجميع الفئات السنيه
وحسن العتيبي (إبن النادي) وحرام اللي يصير معه حتى لو مستواه منخفض
وحتى لو إنه نكبنا بمباريات كثيره لكن لاننسى إنه أسعدنا بمباريات كثيره
ومن الواجب على الأدارهـ الجمع بوجهات النظر والتقريب وفهم سوء التفاهم بينه وبين المدرب
حتى لا أحد يظلم الآخر
حسن العتيبي جلس على الدكه سنوات طويله قرابة العشر سنوات بوجود الدعيع
وبعد إعتزال الدعيع إعتمد الهلال على العتيبي بشكل أساسي وواضح
وبعد هبوط مستواه يستعبد من التشكيله ويتقدم عليه السديري وشراحيلي

مصلحة الهلال كفريق وجود حارس شاب مثل السديري عنده رغبة وطموح بإثبات نفسه
وكذلك الأمر على شراحيلي لكن !! لايرضينا ظلم ونكران لاعب كبير خدم النادي 21 سنه
ونجازيه بالصد والجفوه والتجاهل ينبغى على الأداره حل مشكلته مع المدرب
ويضعون برنامج خاص للعتيبي ليعود لمستواه لكن أن يكون خارج القائمه
هذي بحد ذاتها ظلم واضح وفاضح للاعب كبير مثل حسن العتيبي

حمهور الهلال نحن بلا شك مع النادي ومايهمنا غير الهلال
لكن كلمة الحق تنقال إرحموا من في الأرض يرحمكم من فالسماء !

فكونوا مع الهلال ومع كلمة الحق بوجهة نظري حسن العتيبي مظلووووم
حتى لو مستواه نازل حتى لو بالعاميه مسبك الفتره الأخيره
لكن بالمنطق حرام نعامل لاعب خدم نادينا 21 سنه بكل هذا الأجحاف

أتمنى من الاداره أن ترى حل للموضوع وإنشاءالله حسن يرجع لمستواه

كلامك رهيب جداً

اغلب الجماهير تهبط من روح اللاعب الان

ارجوا من الاداره ان تقف مع اللاعب وتعاقب المسئ كلنا خطائون وخير الخطائون التوابون

يعطيك العافيه على هالموضوع

... بغض النظر عن مين المخطىء ومن المصيب المفرووووض مشاااااكل النادي تبقى دااااخله
ومهما كان حجم المشكله المفروض المساااارعه يايجاد حل لها لأن احنا بالنهايه فريقنا واااااحد ومايرضيني اشوف اثنين من اعضاءه بمشكله مع بعض ...

... يعاااااافيك ربي ...

عزيزي خلو عنكم العاطفة
انتم قبل شهر تسبون وتقولون وين الانضباطية
العتيبي وهو شايب جنن الادارة ويزايد في تجديد عقدة
يعني ما يلعب لسواد عيونا يلعب للفلوس مثلة مثل اي لاعب
العتيبي ما قال الحقيقة كاملة
العتيبي قال للمترجم انا اكبر لاعب في الفريق ولي مكانتي فكيف اكون احتياط
يعني مع كمبوارية ما راح يطقها وهو عارف عشان كذا طلع في الاعلام
كان يلعبه المدرب لانه ما يعرف الفريق وقالوا له هو الحارس الاساسي
وبعد ماشاف مستواة عرف انه منتهي
اكرر خلو عنكم العاطفة
وعطو المدرب الفرصة يأدب من يأخذون الملايين ولا يقدمون شي
تحياتي

اي لاعب بالفريق تكون مشاركته حسب التقيم الفني ومسواه في المباريات الي شارك فيه والي سواه حسن خطا وعشانه اكبر لاعب بالفريق المروض مايسوي الي سواه ويكون قدوه للحراس والاعبين الي اصغر منه ويحترم قرارات المدرب مهما كانت صعبه عليه

وارجو من الجمهور التركيز في هذاه الفتره في طرح المواضع المفيده للفريق والابتعاد عن المواضيع الي تشتت اذهان الاعبين لانها فتره حساسه جدا علي الفريق

يوم كان حسن يلعب تحشون فيه ولان تمدحونه بعد ما ابعده المدرب ماهذا الي انتم تطالبون فيه

كلامك رهيب جداً

اغلب الجماهير تهبط من روح اللاعب الان

ارجوا من الاداره ان تقف مع اللاعب وتعاقب المسئ كلنا خطائون وخير الخطائون التوابون

يعطيك العافيه على هالموضوع

الإنظباط يا صديقي ولااا غير الإنظباط

كلام منطقي .. أحيّيك عليه

كثر الله من امثالك بعضهم يربط من بين مستواه وبين المشكله !!

ياخي مو عشان اللاعب مستواه نازل تظلمه وتهينه !!

والله لو صايره هالمشكله لاحد الاجانب ما سوت كذ الاداره

انا مو قاهرني غير نواف بن سعد والجاسر يتداخلون بالقنوات ولا شفت لهم اي فائده مصدقين بس المدرب وكانهم يقولون مالنا شغل بشي ؟؟؟

الله ينصرك يا حسن على من ظلمك

كلام جميل
ويجب احترااااام تاريخ اللاعب
بغض النظر عن مستواة