الســلام عليكم ورحمة الله وبركاته

أعزائي جمهور الهلال الزعيم الملكي

كثر الكلام وكثر اللغط والصراخ والحزن على لاعب وآخر !!!
أثاروا الجمهور الهلالي وعبثوا فينا كما يحلو لهم ونحن لم نتعظ بعد...
نقل فلان وفعل فلان وأعترض فلان وزعل فلان
في هذا الوقت بالذات وتكررت العام وقبل العام ولكن من غير فائدة ولم نفهم الفكره وكل واحد يقول ماراح يضحكون علينا والظاهر واللي نشوفه ترانا من جد مع الخيل ياشقرا والله كل اللي نشوفه حاز في خواطرنا وتاعبنا مشتت تفكيرنا لدرجة ماعاد ندري إحنا صح ولا هم ...

والله العظيم أن من يرى حال الجمهور الآن بعين الحق والعقل والهدوء ليرأف بحالنا
كل كلامنا مشاكل وشكوى ... كل الجمهور إنهزامي !! متشائم !!
أخر فترة كل اللي نشوفه يا عضو يشتكي ولا عضو يبكي ولا عضو معصب

قدامنا مباراة مهمه ولا واحد فينا شجع وساند وهلل ودعم هم إثنين أو ثلاثة فقط
كلنا إنهزاميين لدرجة خليتونا مثل غيرنا اللي يشوفنا يقول ما شفنا خير
ياعالم أفهموا أفقهوا خلونا نغير وجهه المنتدى خلوه تفاؤل خلوه دعم ومسانده
خلو كل من شاف المنتدى يحس بالتفاؤل
والله كل من شاف واجهة المنتدى قال ألا يافايزين بسبب هالتشاؤم
أنحرقت أعصابنا وتلفنا طيب وبعدين وين الفائدة
كل ماجيت أدخل المنتدى أتردد

نبي إبداع التاريخ وإبداع التشجيع للاعبين ومهاراتهم وتذكيرهم وش اللي يقدرون يفعلونه بالروح والتفاني ونظهر حبنا لهم وتشجيعنا الحار لهم
نبي نخلق الروح في المنتدى أولا عشان نخلقها داخل اللاعبين,
نذكرهم بنقاط ضعفهم وبالتفصيل بالصوره وبالشرح نفهمهم
أنهم يسون كذا وهذا صح وهذا غلط
لو أنا لاعب وطبيعي بدخل أشوف المنتدى كل يوم عز الله لقيت خير منكم !!!

اتفق معك في كل كلمه قلتها
من جد شي يقهر من الجمهور
خلونا مع الهلال
الي يبيه نبيه والي مايبيه مانبيه
ماله داعي نسوي نفسنا محللين وفاهمين ومدربين ومفاوضين
واحيانا احس ان بعض الجماهير مسوين نفسهم لاعبين
خلاص انت مشجع ...اسمك مشجع
يعني تأيد النادي في كل شي
مشكور اخوي وموضوعك في قمة الروعه

برأيي انك انت اللي متشاءم
متشاءم من حال الجمهور رغم ان اللي يطرح هو اراء ووجهات نظر فلايعني التفاءل ان تقول ان السلحفاة بتسبق الارنب ولايعني انك متشاءم ان تقول الحقيقة وماتراه اخطاء سواء ادارية اوفنية
رغم اني ارى ان هناك من يثني على العمل وهناك من ينتقده الا انك نظرت لجهة واحدة فقط وهو الانتقاد فهي وجهات نظرولن تجد اكثر من نصف مليون عضو يسيرون على رأيك او رأي اخر فلكل رأي وقناعة تتغير بالنقاش والاقناع

... التفائل ان شاء الله دااااايم موجود ومناقشة اوضاااااع النادي بعقلاااانيه مو معناتها تشائم ...

... يعااااافيك ربي ...