جمهور يدمر لاعبين
 

السلام عليكم ياجمهور الزعيم


جمهور الهلال يدمر لاعبين والدليل اول ماطلع خبر تحويل لاعب نواف العابد الي الاولمبي فتح النت وبدا يسب اللاعب ترا نواف بشر يخطأ و يصيب وفيه بعض الجمهور يدور الزله علي بعض لاعبين مثل يوم نزل مستوا سالم الدوسري بدا الجمهور يسب سالم نص لاعبين الهلال متضررين
من الجمهور والدليل جمهور الهلال مايقف مع الاعب بل يضر لاعب مثل حسن العتيبي و ماجد المرشدي و سالم الدوسري بعد كل مباراة لازم اسمع سب هؤلا الاعبين خلاص ياجمهور الهلال لازم نقف مع جميع لاعبين المشجع الوفي لناديه مايسب لاعب اذا نزل مستوا كيف تبي لاعب يبدع وانت تسبه وتحطمه خلاص ياجمهور الهلال اي لاعب يخطأ لازم نقف معاه وأبي اسأل اي مشجع هلالي اذا دخل المنتدى يمل مايسمع خير سب بعض لاعبين

والله أخوي ان كل هلالي صريح لازم يحب كل اللاعببن لكن بعد ترى عندنا دم محروق من معظمهم بسبب التقصير الواضح في اللعب
صدقني في فرق بين لاعب أخطا ولاعب مقصر

بالتوفيق لجميع لاعبينا ليرجعو الى أفضل مستوياتهم

يشرفني ردودكمممممممممممممممممممممممم

موضوعگ اعجبني...

العااابد اخطاء وأخذ جزاءه ونتهى الموضوع ون شاء الله يكون درس له ومايتكرر...


نحن في مرحلهـ حساااسهـ ويجب علينا جميعآ الوقوف مع الفريق ككل....


يسلموووا خيووو....

موضوع جميل

والحين يجي واحد يقول هذا انتقاد ولا الهلال ماياقف على لاعب

الي يتكلم على لاعبي الهلال جمهور غير مثقف وامي كما يقولون والبعض مضاير والاخر لايعرف الرياضه يسمعها مع النالس والله يحمي الهلال من بعض جماهيره فهم اشد خطراً من المنافسين

تسلم اخوي على الموضوع الرائع
واقول لكافة عشاق الكيان الازرق لاتظلمون جماهير الزعيم
اللي يسب نواف مو هلالي اتحداكم يكون مشجع هلالي

موضوع حلو بصراحه بعض الاعضا يسب لاعب معين حتى لو لم يخطي ويسوق مبررات غير مقبوله وهؤلا مشكله لن يستفيد منهم الاعب ولا حتى الاعضا احيانا ترد عليهم وكثيرا تتركهم وتلقاهم يردون على بعض
هؤلا قراء لرياضي ولمافيا الاعلام النصراوي والمتحولين الافضل عدم الرد عليهم واتحدى ان يستطيع احدهم تقديم نقد لمستوى اي لاعب شكرالك

يا أخي بسألك سؤال
هل هذا اللاعب الذي ينتقد مثلا المرشدي يلعب ببلاش
تراه ياخذ ملايين وعليه أن يؤدي بأقصى طاقته
نحن موظفين اذا تأخرنا عن الدوام ربع ساعة خصمو من رواتبنا واذا تكاسلنا في انجاز عمل ما تم التحقيق معنا ورواتبنا لا تأتي عند هؤلاء شيء اللهم لاحسد
فلماذا تحرمنا نحن كجمهور من صب جام غضبنا حين الخطأ على أي لاعب سيء
والا تريد أن تقنعني ان موبايلي تدفع كل هذه الملايين من أجل ماجد المرشدي وأشباه اللاعبين !!

ياعزيزي في اورباء المتقدمه علينا اي خطاء او تقصير من لاعب تشن عليه حرب وهجوم شرس من الغيورين لنادي الي ينتمي له والاعب المقصر لابد ينتقد ونتكلم الا ان يصلح الحال ولا تبي يخطي ويقصر ويتهاون وعقده ملايين وحنى نحضر ونحترق من اجل الكيان وتبي نصفقله يعني من يستحق المدح علينا مدحه ومن لايستحق علينا المطالبه بابعاده اذ كان وجوده عاله علفريق مثل بعض الاعبين المعروفين من سنوات ولاجديد غير النكبات

طيب انت تأخرة علي الدوام مأحد يبي يسبك ويلعن واللديك ويشتمك مأحد دراعنك اما لاعب اذا سوا خطا سبه وشتمه الجمهور لاعب يخطأ أتحداك انت ماعمرك اخطية