اختلف معك اي لاعب معرض للخطاء
لا تحكمون من او خطاء نواف لاعب واعي
ولا تعطون النوضوع اكبر من حجمه بداية السقوط ومدري ايش
لاعبين عالميين يحدث منهم هذا الخطاء

نوااااف قده وان شالله يرجع لي مستواه المعهود واتوقع انه اشاعه انه نزلوه الاولمبي لاعب مهم في اسياء راح يجنن الكوريين

مافيه عقاب بدون سبب ومافيه شيىء جديد ع فكره هذي اغلب عقليااات الاعب السعودي لاعب مدلع راتبه ينزل اول باول وسيارات فارهه وفله واخر شىء يسحب عليك متى مايبغى

اتمنا ان تكون الاخيره لنواف فانت موهبه فحافظ على رزقك ومستقبلك

؟؟؟؟؟؟؟؟؟؟؟؟؟؟؟؟ غريب امرك يانواف

ان شاء الله يرجع نواف اللي عهدناه المخلص المقاتل المنضبط

طبعا الاعلام المضاد بيستغل الموضوع ويكبر السالفه .. المفروض الاعلام الهلالي يحاول احتواء الموضوع بهدوء ..

اجراء اداري ضد لاعب محترف وانتهى الموضوع ..

لكن .. دور الاداره هنا مهم .. نواف لاعب مميز وبرز بسرعه وولد النادي من يوم هو برعم ..

هو في النهايه لاعب كره مو خطيب مسجد ولاداعيه موضوع اللوك مالنا شغل فيه .. المطلوب من الاداره تكون واضحه معه .. وجاده في الخصم من راتبه وجلوسه مع الاولومبي فتره .. وتجلس معه جلسه مصارحه لو وصل لاستبعاده من ذهاب الاسيويه بسيئول.. بعض مانسمعه عن نواف مو كويس من حبنا له نقول هالشئ ...
هو اكبر اخوانه ويحتاج لتوجيه مع شوية حزم وابوه اعتقد عسكري ومشغول .

الزبده .. الاعلام المضاد لايأخذ فرصه لتكبير الموضوع والدخول بين اللاعب والاداره والمدرب

إقتباس الرسالة الأصلية كتبت بواسطة سوبر الازرق احد الصحف المحليه اليوم ذكرت ان سبب غياب العابد سفره لاحد الدول الخليجيه ..؟؟؟ استهتار من الاعب لابعد درجه

اخوي هو كان عنده اجازه 3 ايام زي البقيه .. لو زرق ورجع في الوقت المحدد ما اعتقد فيها شئ .. تراه لاعب مو سجين ..

الا اذا ان عنده برنامج علاجي وطنشه هذا شئ ثاني

الاهم يستفيد من التجربه ويرجع افضل مما كان

التمس لأخيك سبعون عذرا

مادامت هذه هي المره الاولى,,فلا داعي لتضخيم الامور
واما ان تكررت فالصحيح ايقاع اقسى العقوبات عليه او على غيره

لنقل انه اخطاء,,,ولنحاول ان نصنع له عذرا في مخيلتنا
ومن يدري ربما كان عذرنا في محله

,,,,

انا عن نفسي التمست له العذر واتمنى ان يكون عذري في محله,,,,,

دمتم بود

نواف لوما يترك الحركات هذي ولا سوف ينتهي قريبا

نصيحة لنواف وغيره من اللاعبين المهملين

قرار موفق من المدرب
واتمنى مايكون حب البعض لنجمه لايشوف غلطه
نواف عنده اجازه زيه زي باقي الاعبين
بس يفرق عنهم انه عنده برنامج علاجي كان المفروض يجي لفتره العلاج
ويروح بعدها وين مايريد عد السفر برى المملكه
ثانيا الفريق قدامه مشاركات مهمه ولاعبين مصابين وهذه فتره توقف
يستغلها المدرب للعلاج ويجي الاعب يستهتر ويستمر
غيابه عن الفريق بسبب اهماله في العلاج والمتضرر الاكبر الكيان
اي لاعب لايهمه الهلال فاحنا بعد لايهمنا
نعم العابد نجم وكلنا نعرف روحه بس الاستهتار لن نرضاه
اذا بيضر الفريق
اتمنى من العابد يكون قد ثقتنا فيه ويرجع نجمنا الامع
اللي عرفانه عليه من صغره

إقتباس الرسالة الأصلية كتبت بواسطة الباجيرو الازرق اخوي هو كان عنده اجازه 3 ايام زي البقيه .. لو زرق ورجع في الوقت المحدد ما اعتقد فيها شئ .. تراه لاعب مو سجين .. الا اذا ان عنده برنامج علاجي وطنشه هذا شئ ثاني الاهم يستفيد من التجربه ويرجع افضل مما كان

في تفاصيل اضافيه اكدت مصادر مطلعه ان القرار جاء من قبل مدرب الفريق السيد كومبواريه الذي اكد ان اللاعب لم يلتزم بجدوله العلاجي المعد له من قبل الجهاز الطبي وانه لا يحتاج لاعب لا يهتم بالجانب اللياقي والصحي.

واظاف المصدر ان كومبواريه سبق وحذر اللاعب من الغياب مجددا عن الحصص العلاجيه حيث سبق للعابد ان غاب عن تمارينه الخاصه تحديدا خلال بداية اصابته الاخيره وحينها تم الخصم عليه والتاكيد عليه بضروروه واهمية التمارين التاهيليه.

ومما ازم الوضع هو غيابه للمره الثانيه بعدما كان مقررا ان يواصل اللاعب برنامجه العلاجي ابتداء من يوم امس حيث لم تشمله الاجازه التي منحت للفريق بعد مبارة النصر الاخيره.ولكن العابد لم يحضر وسجلت كحالة غياب ثانيه.

وبحسب اخبار من داخل النادي اكدت ان سبب غياب العابد امس هو سفره لدوله خليجيه!

هذا الخبر واضح

اتذكر اني قرات من احد الكتاب هنا من ذكرتخوفه من محترفي قتل وواد المواهب باصطيادهم
والسهر معهم هنا الى ان يفسدوهم على انديتهم ويبداون في اظهار الوجه الاقبح بالتهديد بنشر المقاطع للاهل والشارع الرياضي فيخضع اللاعب لمطالبهم حتى يلقوه في طوعهم والمتامل لايستغرب امكانية حدوث هذه الحيل على نجوم صغار يمكن ان لايصل تفكيرهم الى مثل هذه المكايد

العابد ارجو ان لانخسرك كما فقدنا الكثير من المواهب قبل ان تبدا
انت حجزت لك مكانه في قلوب الهلاليين فلا تفسد محبتك في قلوب الملايين
نعرف اخلاقك والتزامك وادبك ونثق فيك لكن لانثق في حيل من اصبح ابليس من طلابهم في المكر
لانثق من يطلبك في ديون كثيره من الدموع والاسى والسهر بالنواح والتافف على جرعات الهم التى
اذاقتها لهم قدماك وعقلك المفكر