اتمنى من جمهور الهلال الغيور الدخول - نادي الهلال السعودي - شبكة الزعيم

abood1o1 · #1 31/08/2012, 01:52 AM

الحمد لله رب العالمين

كيفكم يا زعماء

انا سبق وان قفلت لي حساب قديم جدا والسبب المشاكل و كرهت اني ادخل للمنتدى

وبعدها رجعت للمنتدى وسويت هذا الحساب اللي هو من 2006 تقريبا

ولكن سار كل ما اشوف مشاكل وناس متشائمه اوقف

وبعد فتره ارجع

اللي بوصله من كلامي هذا
يا شباب انا كل ما دخلت المنتدى القى ناس متشائمه وتسب في الفريق وتعترض
واللي يقول فلان مانبيه وفلان وفلان
اذا راحو هذول ترا مافي اللي يجي بكفائته

اثنين الحين لاعب له 30 سنه يلعب كوره تجي انت اللي كل عمرك ما جا نص لعبه بالكوره تنتقده ليش ؟

والمشكله انه نجم و هو من احد اركان الفريق

ولا اللي يقول هذا مدافع فاشل ولا المدرب فاشل ياخي لو تنزل انت مكان اللاعب ولا المدرب وبتكون بالضغط هذا راح تقدر تنام ولا تلعب بنص لعبه
ياما في ناس خدموا الهلال و انتو تنتقدوهم
يا اخي هذا نادي الهلال يعني لو جا للهلال حجر راح يطلع من الهلال بيليه
ياشباب هذا مو تشجيع هذا تجريح
يعني انتقد لكن بدون تجريح وبدون مجاملات

ياناس انا ما عمري في حياتي شفت ناس تغلط في ناديها كثرنا
ياشباب جماهير بعض النوادي لهم 20 سنه ماذاقوا الذهب و بيغاروا وبيحترموا ناديهم
واحنا الحمدلله في اقل مستوى لنا نطلع في بطوله و لا بطولتين

ياشباب نبي نرتقي بتشجيعنا ونرتقي بفريقنا

وسعوا صدوركم وبس يكفي الفريق كله خير بس في شويه ويبغالها تعديل
يعني احنا ماراح نكون احسن من

الامير عبدالرحمن بن مساعد
او
اعضاء النادي
او
المدرب
او
الجهاز الفني

يعني ياناس هذا نادي مو بليستيشن

واللاعبين بشر
ماراح تلقى لاعب كامل ولا نادي كامل

و اتمنى منكم ان تفكروا الف مره قبل اي موضوع لان هذا منتدى و الكل يقدر يدخله
يعني غلط ننشر غسيلنا
وانا اسف يا شباب على الاطاله

وشكرا لكم

اخوكم / عبدالله

عذب السجايا · #2 31/08/2012, 02:05 AM

انادخلت لاني غيور على الهلال لكن بصير غيور على الكتابة واسلوبها وبقولك لاعاد تكتب موضوع وخلك موقف مادامك من ٢٠٠٦ ليش مستعجل ترجع
اجل لاعب عمره ٣٠ سنة لاننتقده عشان عمره
طيب موظف له ٤٠ سنة ليش نقول له داوم او طبيب له ثلاثين سنة مافي مشكله انه يضحي له بكم ادمي
منطق غريب
ليتك انت بماانك تعترف بأن جميع من في النادي حتى السيكوريتيه افهم منك في الكورة تترك المعرف لشخص لديه رأي ووجهة نظر وطرح وايجابية فالتشجيع والتصفيق في المدرجات اثناء المباريات فقط اماالشبكة واكثر من نصف مليون عضو ومئات الالاف من المواضيع وملايين المشاركات هي للنقاش وابداء الاراء وليست للتصفيق

abood1o1 · #3 31/08/2012, 02:16 AM

إقتباس

الرسالة الأصلية كتبت بواسطة عذب السجايا


	انادخلت لاني غيور على الهلال لكن بصير غيور على الكتابة واسلوبها وبقولك لاعاد تكتب موضوع وخلك موقف مادامك من 2006 ليش مستعجل ترجع اجل لاعب عمره 30 سنة لاننتقده عشان عمره طيب موظف له 40 سنة ليش نقول له داوم او طبيب له ثلاثين سنة مافي مشكله انه يضحي له بكم ادمي منطق غريب ليتك انت بماانك تعترف بأن جميع من في النادي حتى السيكوريتيه افهم منك في الكورة تترك المعرف لشخص لديه رأي ووجهة نظر وطرح وايجابية فالتشجيع والتصفيق في المدرجات اثناء المباريات فقط اماالشبكة واكثر من نصف مليون عضو ومئات الالاف من المواضيع وملايين المشاركات هي للنقاش وابداء الاراء وليست للتصفيق

انا ما طلبت منك تسمح لي ارجع ولا لا
ولا هو لازم اخلي افكارك توافق افكاري
انا جاي ابي اقنع اللي اقدر عليه انه يرتقي بتشجيعه وبناديه
يعني موب لازم اننا نكون ننتقد و بس
يا حبيبي انا شايف انك ماشاء الله عليك تعرف بالكوره وحنا اللي ما نفهم
اجل لاعب عمره ثلاثين خلاص نخليه يروح ينام
بأي منطق هذا اللاعب يعطي و هذا اللاعب خبره
وبعدين ما احد قال ان السيكيوريتيه افهم مني ولا منك اقرا الموضوع زين يا بعد راسي وانت تفهم
ولا احد قالك صفق
انتقد لكن بادب وذوق وبدون تجريح يعني ماله لازم نخلي كل شي انتقاد

وبعدين يالغالي انت قلتها ((اماالشبكة واكثر من نصف مليون عضو ومئات الالاف من المواضيع وملايين المشاركات هي للنقاش وابداء الاراء وليست للتصفيق ))
انا ابديت رأي و رأيي مو لازم يعجبك هذا موضوع مفتوح للنقاش و لابداء الاراء لا اقل ولا اكثر
واتمنى منك تكون يوم السبت متواجد في الملعب (( للتشجيع والتصفيق )) وتترك عنك المنتدى