نصيحه طبيه ..اللي ضغطه منخفض يشوف فريقنا الاولمبي
 

اول شيء اعتبروني مندس والا منخش مايهمني رأي اللي مايفهم كوره وماعنده الا التطبيل ...ابغى اتكلم بصراحه ملينا من المجاملات اللي ماتنفع الا تدمر .

بدون مقدمات مادري فريق الهلال الاولمبي راح في الصيف النمسا يعسكرون والا سياحه لان الفريق اللي شفناه اليوم في مباراة الرائد يقول ان ماعندك احد لاتكتيك مدرب ولا لعيبه صاحين يخلوننا نتفاءل بمستقبل مبشر بالخير ،،والله العظيم رفعوا ظغطي بمستواهم التعبان لا دفاع يجمل ولا وسط متحرك ولا هجوم يشوف المرمى واللي جنني الاستعراض واللعب الفردي من نجوم المستقبل ..لاعب يطلع للكور العرضيه باليد ويبغى يحطها في المرمى على باله الاخ يلعب في النصر ...مدافعين ثقال وتحسهم يلعبون في الثمامه ومغرزين في وسط الرمل ماهو معقول مهاجم واحد للرائد ولعب في حسبت دفاع كامل ...لاعبين وسط بدال مايقدمون الكوره للمهاجمين للامام كل كورهم تنقطع في نص الملعب بتمريرها للعيبة الرائد بكل برود ...والمهاجمين الله المستعان .

نصيحه لكل من عنده سكر والا ضغط لاعاد يتابع هذا الفريق المحبط الى ابعد درجه ...شكينا من الفريق الاول واللخبطه اللي فيه لكن مانقول الا يازينهم مع الاولمبي .

المستقبل الهلالي صراحه مايطمن سواء الاولمبي وحتى الفئات السنيه من عدة مواسم ..لازم يكون في حساب مشدد للاعبين في هذا السن قبل مايوصلون للفريق الاول يعني الاعب البارد او اللي ماهو في مستوى الهلال ياليت يشوف له فريق ثاني ...الهلال طوال تاريخه صعب يلاقي الاعب فيه خانه من شدة المنافسه والقتال على الخانه من الاعبين اما الآن صرنا نشوف لعيبه ماعندهم لا فنيات ولا روح ولا يجيدون القتال على الكوره طوال المباراه ..واللي يزيد القهر غيرنا تطور وفرقنا تنزل من الفريق الاول الى الناشئين.

ياليت الاداره تستخدم سياسة الشده مع كل فرق الهلال لان التعامل بحنيه وطيبه ماعاد تنفع في هذا الوقت حتى مع الاب واولاده .

كلام سليم

م شفنا لمسات زولاتكو فريق يلعب بدون هويه
ولا اي هجمه خطيره
تخيلوا شوطين مافي اي ضغط على الفريق الريداوي !!

كنت متأمل بفوز الاولمبي بالدوري بس ويييييييين
في الصداره النصر والاهلي والاتفاق 6 نقاط
وبعدهم شباب ورائد 4 نقاط
والهلال في الخامس بـ3 نقاط

اقسم بالله حال صعب

ماشاء الله ع اولمبي الاهلي العام اخد الدوري بفارق 12 نقطه عن وصيفه الهلال صاحب 50 نقطه
والظاهر السنه دي حتتكرر بس لو حيستمر زلاتكو واللعيبه ع البرود هدا
النصر وصيف والهلال آووووت من الوصافه ويمكن يفضل في الخامس
آآآآخ اش حكاية المركز الخامس مع الآول والاولمبي


يـــــــــآآآآآآآآآآآآآآآآآآآآآآآرررررررررررررررررررررررررررررب
عدل الآوووضااااع

فرريق يرررفع الضغط..الفريق الاولمبي الوحيد المعسكر خارجيا ومباريات وديه وبالاخير فررريق مهزوز بلا روح بلا حماس حتى لما تقدم الفريق الريداوي مافي اي رده فعل!!!!!!!!!!!!
زلاتكو يقول بلقاء مع صحيفه الرياض عيني على الاول و راح اكون صبور لما يتحقق حلمي...وااضح انه كل تفكيررره الاول ومو مركز مع الاولمبي..

اذا كنت مع الاولمبي كذا فمستحيل تحلم بالاول ..

باذن الله معوضين لسه بدري
بس حبيت انوه انه موبايلي للان ما ارسلت نقاط الفوز على نجران الفريق الاول وعلى التعاون الاولمبي

من شفت السيء بنــدر البيشي السيء من ثلاث مواسم اساسي اليـوم .. عرفت ان الأولمبي ما عندك احد وأنه يسيــر للخلف .

مع الأســف الأولمبي فيه مواهب وفيه كرة قدم . بس المـدرب ما عرف وشلون يتعامل مع المواهب الموجوده .

مشكلة الهـلال بالمقام الأول الدفاع الدفاع الدفاع . أولمبي الهـلال يقدر يسجل اهداف بقوة وسطه وهجومه بس مع الأسف الدفاع ومن

أول هجمه للخصم يسجل فينا هدف , ويزداد الظغط على لاعبين الهـلال .

هل من المعقول مـدينة مثل الرياض ماهي قادره تولد قلب دفاع عليه الكـلام .. ما أتوقع الكـلام هذا صحيح لو فيه كشافين بالحـواري

بصراحه المستوى اليوم مايطمن أبد خاصتن من الناحيه الدفاعيه ؟؟؟؟

لعب عرابجه كل لاعب يرتكب خطا يا لمسه يد يا فاول وللاسف ما لقوا من يسوطهم سوط شايفين الدلال وليش ما يلعبون على كيفيهم وبعدين وش الي الفريدي وولد عم المرشدي ما تحسون انها واسطات اللاعب يجيب معه اخوه ولا ولد عمه للنادي والرئيس يقول ما يخالف خذوه نجربه وش بنخسر اهم شي ما نجرح احساس اللاعب ... الثورة قادمه لازاحه هذا الكابوس واخيه

فهد الجهني ..
رضوان الموسى ..
صالح الريس ..
^^
كل هالاسمآء كانت اساسيه في الاولمبي السنه اللي راحتت ..
وخصوصاً رضوان الموسى كان كابتن الفريق الاولمبي ، وغير كذا كان قلب دفاع مسوي اللي عليهه
مدري ليه الهلال فرررط فيه ؟؟؟؟؟؟
..
المهم بالتوووفيق للأولمبي وخيرهت بغيرها ان شاللله ()

مستوى لايبشر بالخير....

واستغرب البرود والروح الانهزاميه على اللاعبين....

:mad:
هلال عبدالرحمن بن مساعد راح يكون مثل هلال عبدالله بن مساعد :to:
النادي يبيله رئيس ونايب صاحين ويعرفون يديرون النادي :ranting:
الهلال مستقبله مضلم مع الاداره الحاليه :cry:


الحل استقاله جماعيه للداره اذاتبون الهلال يرجع لمنصات التتويج

الله يرحم ايام محمدبن فيصل وبندربن محمد

أنا كنت جالسه أتابعها وكلّي حزن على هلالنا ..

للأسف الفشل الإداري ألقى بظلاله على النّادي بجميع فئاته السّنيّه ..

لا تشكي لي ابكي لك

الهلال حتى هيبته اخر سنتين صارت صفر والفضل اولا واخيرا يعود لادارة النادي كل اخطأ الموسم اللي فات تتكرر واخس كمان

صدقوني الرئيس وادارته ماراح يستمرون الموسم الجاي الا اذا اعضاء الشرف عاجبهم وضع النادي

الله يعوضنا خير بس

يعطيك العافيه

الالمبي اليوم قدم تكتيك لا بأس فبه وهذا عمل المدرب .. بس اللي نقص .. ان ماعندك لاعبين يطبقون صح .. انعدمت المواهب هما اثنين سالم والصانع ومن الحواري.. بكل صراحه صعب تاخذ الدوري بالمجموعه هذي .. ما يعطونك انطباع مبشر

راح نعاني على المدى البعيد بالشكل هذا جداااا ... المطلوب نفض سياسه اختيار اللاعبين ووجود خبرات في مجال تسجيل اللاعبين
مع وجود الاتحاد الاسباني كمشرف اتمنى ان يكون القادم افضل لصغار الهلال
.