31/08/2012, 12:56 AM
|
| زعيــم مميــز | | تاريخ التسجيل: 14/07/2005 المكان: في عالم الزعامه
مشاركات: 1,895
| |
|
الصراحة .. فيها راحة .. لا كومبواريه ولا غيره
ffice  ffice" /> بسم الله الرحمن الرحيم طبعا وبعد كل اللي حصل في الجولات الأولى وبعد نزيف النقاط وارتفاع الضغط وتوجيه سهامنا لكل حدب وصوب يجي الان وقت الجد وقت الانتقاد الحقيقي ووقت معرفة المتسبب نمسك الهرم من راسه إلى قاعه ونشوف كل شخص وين اخطاء ومتى أخطاء (( الإدارة )) للأسف من وجهة نظري الخطاء هو التأخر في التعاقد مع مدرب وإنتظار خورخي سامبولي لفترة اطول من اللازم وبناء عليها تأخر التعاقد مع اللاعبين الأجانب – ولو تداركت الادارة وضعها وحددت الخانات اللازمة للاعبين الاجانب واحضرتهم وبعدين وقعت مع مدرب كان نقول تجاوزت نص المسافة وتداركت الوضع . لكن .. صار اللي صار .. وتم التعاقد مع المدرب والاجانب في آخر اللحظات طيب معقولة هذا سبب رئيسي لإنهيار مستوى الهلال ؟؟ ما اظن (( المدرب )) اشرف على الفريق في المعسكر ولعب 3 مباريات ودية وتبين له مستويات اللاعبين . وحدد احتياجاته وطلب المهاجم ويسلي اللي يلعب في خانة الهجوم ويلعب مهاجم ثاني خلف المهاجمين وقدم مستوى مرضي من البداية وبخصوص مانغان طبعا الفريق كان بحاجة مدافع اجنبي وتعاقدت الادارة مع مانغان اللي مازال بعيد عن مستوه بإستثناء آخر مباراة ماكان عليه تقريبا الا خطاء واحد ولكن حتى اللحظة مايحسسنا بالامان . (( اللاعبين )) هنا مربط الفرس بانسبة لي وهم اسباب النتايج المذلة بكل ماتعنيه من كلمة لما نشوف مستويات حارس المرمى وخط الدفاع نتعجب ونحس انهم لاعبين بالغصب ومالهم نفس يلعبون معقولة لاعبين اغلبهم دوليين يغلطون في كل مباراة ويتسببون على الفريق بأهداف محرجه ؟؟ ولما نشوف خط الوسط اللي كان الهلال خلال 6 سنوات صاحب اقوى خط وسط ونتعجب من برود المستوى وبدائية التمرير والأنانية والفلسفة الزايده وقتها نعرف ان لاعبينا مو في وضعهم الطبيعي وكأنهم داخلين حصة تدريبية ، لاحماس ولا فدائية ولا تمركز ولا صناعة !! واذا وصلنا لخط الهجوم مع احترامي الشديد نلعب قدام فرق اضعف مننا بألف مره ونكون عاجزين عن التسجيل بالرغم ان عندنا 4 مهاجمين منهم اثنين هدافين دورياتهم ( يو بيو – ويسلي ) واذا سجلنا هدف نمنا عليه ومافكرنا نزيد الغله ؟؟ وهذا سبب كبير لتعادلاتنا وخسارتنا لأننا نشبع من اول هدف ويبدا الفريق يلعب ببرود اعصاب اكثر من اللازم لدرجة انهم يفكرون يتركون الملعب ويخلون الفنايل اللي تلعب بدالهم . بأمانه لو الهلال يلعب عشان يهدف مره ومرتين وثلاث ماراح يهمنا كم يدخل في مرمانا المهم اننا نسجل ومانستكين لهدف واحد واللاعبين اللي في الملعب لابد انهم يقدرون وضع الجماهير اللي احترقت اعصابها على البرود الزايد . هذي وجهة نظري في سبب فشل الفريق لأني مابي ارمي التهم على ادارة او مدرب واتهمهم انهم هم السبب الرئيسي رغم انهم يتشاركون في الاسباب لكن السبب الرئيسي اللاعبين. كانوا مع دول وفشلوا وصاروا مع هاشيك وفشلوا والحين مع كومبواريه وفشلوا لين متى الروح الانهزامية عند اللاعبين حسوا على دمكم وقدروا الجماهير الكبيره اللي ياما وقفت معاكم وانحرقت اعصابها عليكم . مباراة النصر اتمنى واتمنى تكون بداية التصحيح وعودة الزعيم لمعزوفة الانتصارات وصدقوني مافيه شي صعب حتى الان .. تونا في البداية وقادرين نستغل اخطاء غيرنا . تقبلوا تحياتي واتقبل وجهات نظركم |
1Likes
الوضع العادي
