|
اشطبوا (( عداء سباق الضاحيه )) السلام عليكم رحمة الله بدخل بالموضوع على طول اولا قبل ما اكتب اي شي .. لاحد يقول انت مطبل :d والا مندس :d بتكلم بواقعيه شوي يوم السبت مباراه الهلال مع الفريق الاصفر الهلال لو تلاحظون هجومه ووسطه قوي .. بس دفاعه مضروب يعني اللي يتكلم عن المرشدي ويقول انه نكبه .. والله والله والله ما النكبه الا اللي جنبه مانقان المقلب لاحد يقول منتخب السنغال طلبه وكابتن فريق فرنسي اللاعب ما يعرف يركض يا عالم اللي يشوفه يقول متسابق حق ضاحيه مو لاعب كوره :s5s: مدربنا المزيون لازم يبعد مانقان عن التشكيله الاساسيه والا بتكون تاريخيه في الهلال يا جماعه .. محترف من الدوري الفرنسي .. قبل ما يطق الكوره براسه (( يغمض عيونه )) !!!! :to: مشكلتنا اللاعب الاجنبي تقولون عنه لازم يتأقلم ولازم مدري وشو والسعودي مثل المرشدي تسبون فيه وتقطعون !!! مانقان + الزوري ضروري برا التشكيله مانقان خلصت منه .. والزوري شلون ظهير ما يعرف يسوي اوفر صح ؟:s5s: والحراسه شراحيلي او السديري اجدر من العتيبي اللي مستواه هابط يحي المسلم ..ذبح ومذابح السنه اللي راحت عشان يوقع معه واخرتها 11 مليون وبالاحتياط !! (( شي يفك المخ )) ياسر الشهراني لاعب سريع مهاري قدمه قويه دفاعي ممتاز وهجومي ممتاز والسنه اللي راحت .. الناقور قطع خط الشرقيه عشانه واخر شي يلعب واحد ما يعرف يرفع ؟ يا جماعه بتقولون مو وقته .. والحين لازم نحمس اللاعبين بس لازم اذا الاداره تدخل المنتدى وتقرا .. لازم تشوف ارائنا ضروري يكون خط الدفاع البيشي المسلم المرشدي الشهراني والا بناكلها ققققويه من الفقرر ابعدوا العميل (( مااااااااااااااانقااااااااااااااااااان )) ورب البيت انه نكبببببببببببببببببببببببببببببببببببببببببببببببه لازم بو فيصل يتدخل بلا مثاليه زايده اذا الفتح وهجر والاتفاق قدروا يهزون شباكنا وش تنتظر من الاهلي والاتحاد والشباب ؟؟ النصر خمق ما ينخاف منهم بس الحين مع هالدفاع المضروب والله لو نلعب مع فريق حواري بياكل دفاعنا تكفون يا اداره الهلال تكفون يا اداره الهلال تكفوووووووون يا اداره الهلال ابعدوا مانقان عن الديربي وشوفوا كيف بيصير دفاعنا |
الحين تقول المدرب لازم يوخر مانقان ؟؟؟ المدرب هو الي جايبه ومقتنع فيه !! يعني اقل شي بيقولك اسكت بس اسكت ؟ هذآ منَ اصلب المدافعينَ بَ فرنسآ.. لاكنَ اغديه ينفع بالديربي ويكسر الغامدي ولا الدجاجه حسين وينهي مسيرتهم بالكوره .. |
الزوري قدم مباراة كبير امام الاتفاق يعطيك العافية |
أقول يالاخو المشكله ماهي في مانقان بس المشكلة في برو اللاعبين الغريب وتوزيع الابتسامات طوال المباراة |
الزوووووووووري شيلوه لا يلعب وربي انه فكك في الدفاع والاوفرات فكك بمعنى الكلمه وربي الشهراني بداله افضل بكثييير |
حنا جمهور للاسف مالنا صوت اللي خايف منه أن حسن العتيبي يرجع أساسي من بعد الاصابه !! كذا بنضيع حراس المستقبل واللي هم أفضل منه ( شراحيلي والسديري ) و تعبنا بمطالبات للاداره بمدافع محلي بديل لماجد المرشدي وجابو يحيى المسلم >> وبالاخير احتياط !! :to: يعني جابوه ارضاء للجماهير بدون فايده فنيه بالملعب ؟؟ والا مطالباتنا بالظهير ياسر الشهراني لانه مميز ويلعب بالقدمين وخانتين ظهير ايسر وايمن وبالاخير تحصله احتياط للزوري والبيشي ؟؟ :s3s: وانا معاك مانجان بطيء ومايصلح يلعب مدافع المفروض نستفيد منه بخانة المحور الدفاعي اللي نعاني منها !! يعني الدفاع كذا : سلمان الفرج _ ماجد المرشدي _ يحيى المسلم _ ياسر الشهراني والمحور الدفاعي : مانجان .. والمحور الهجومي : هرماش أهم شيء الاظهره يكونون قوة هجومية سرعه واوفرات صح للمهاجمين |
الزوري قدم مباراة كبير امام الاتفاق يعطيك العافية |
وربي كلامك عين العقل ,,, لاكن الحسرة على المسلم والشهراني . الله كريم .ز . |
وعليكم السلام ورحمه الله وبركاته بالنسبه لمانقان اللاعب للحين ماتأقلم مع اللعيبه ولا حتى مع الاجواء ومالعب الا اربع مباريات وصعب نحكم عليه لكن ان شاء الله بالمباراه الجايه نشوفه يبدع لكن الزوري صراحه علامه استفهام على المدرب شخص كان زمان سرحان ومفهي ويوم تعب ولده الله يقومه بالسلامه زاد السرحان طيب الاداره عارفه عنده ظروف وانه يفكر بولده ليش يلعبونه فيه غيره بديل وجلسوه بالاحتياط يمين بالله استغرب اصرار المدربين عليه لكن ماعرف له الا دول مع انه مدرب فاشل لكن هو الوحيد اللي عرف للزوري وخلاه يجلس جنبه بالاحتياط |
^^^^^^^^^^^^^^^^^^^ يا حبيبي اللاعب مو قادر يركض مرة خلاص منغان صفقة فاشلة اقولك من الحين قال وشو قال انسجام شف لوبيز انسجم بسرعة مع الفريق من مباراة واما لاعب من 4 مباريات هدا غير المباريات الودية وما انسجم هدا عالة الفريق المشكلة في الإدارة الفنية مافي انصاف للاعبين المحليين والأجانب ما عدا الكوري يعني المحترف مستحيل يجلسه احتياط اللاعب كارثة |
مانقان ثقيل ولايجيد التمررركز واخطائه اكثر من ايجابيته وهو السبب في تعادل الهلال والاتفاق عندما ارتكب خطاء ضد الاتفاق |
مانجان عائد من اصابه طويله والادارة قالت للمدرب تكفى شفلنا حولك مدافع رخيص وكويس قال مافي الا هذا مصاب من فترة وتارك الكورة ولافي نادي يبيه ورخيص لكم نظر فيه قالو جبه عز الطلب هذا الي نبيه وجابوه ولا سالو في مستواه هو بطيء ولامحرول حتى واخر ما يشارون هو انت يا المشجع المغلوب على امرك واخرتها يجونك المطبلين يقولون احضروا اتركوا الامور التدربيه والفنيه ساندو وش نساند وش نشجع نشجع الضياع ونازر التخبط اجل احنا اظل واطغى |
ياجماعة الخير النصر فريق مايخوف احنا فايزين عليه فايزين النصر فريق متدهور من سنين ويخسر امام الفرق الضعيفه يعني النصر مافي مستوى الزعيم افضل منه بمراحل |
قبل اتناقش معك وش يقربلك المرشدي ؟ |
مانقان مستوآهـ في تطوووور ,, ويحتآج شوية وقـــت ,, وأن شاء الله نــرآهـ ســد منيع ,, |
مشكلته البطئ ماتجان .... اتمنى ان الله يوووفقه بالمباريات القادمه... |
كل اللاعبين المنتقدين سيكون ردهم في مباراة النصر لانها مباراة يحبها لاعبي الهلال ويتفائلون بها |
كلآمك سسليم , آلخوف ان آلمسلم وآلشهرآني مصيرهم يصير مثل آلمحيآني :( ! وآلله شي يقهر ذولي آحتيآآط ؟؟!! |
مع احترامي لك (وسط الهلال اضعف الخطوط في الدوري) نعم لدينا لاعبين مميزين ولكن سيبقى الشلهوب وهرماش اساسيين وهم يعتبرون لاعبين للخصم في المباريات الاربع الماضيه ولايمكن ان يتم تغييرهم المدرب قال في المعسكر لا اريد هرماش قالت الاداره مافيه افضل منه بالعالم والشلهوب تلقف المدرب وحطه احتياط في بداية مباراة الفتح وقالوا ترى طويل العمر يسلم عليك ويقول الشلهوب لاعبي المفضل واكثر واحد احبه وقال اجل يلعب على طول .................. شكرالك |
إقتباس:
ما يقرب لي شي لبى عينك بس لاحد يطالع بعين وحده النكبات واجد مو بس هو :rose: |
(ما اخس من قديد إلا عسفان) |
بسم الله الرحمن الرحيم تحية عطرها المسك والعنبر بعد غياب فتحيتي للجميع الاحظ ان النقد ينصب على لاعبين مميزين جيدين والكورة فوز وخسارة وهي اصول اللعبة لا تخرج عن ثلاث حالات فوز تعادل او خسارة ولكن جميع من ينتقد نجوم الهلال هم من شاكلة ابو 25 30 40 او 100 مشاركة فقط وكانني اشم رائحة للاندساس داخل منتدنا الطيب تتبعت منتديات مجاورة لم ارى حال مثل حال بعض جماهيرنا الجديدة في نقد وتجيح نجزم الهلال جميع للعيبة العالم تمر بمرحلة فتور ولكن سرعان ما تصحو من سباتها وكذلك نجوم الهلال تصورو كم يتعرض نجوم الهلال للتجريح من الصحافة ومن التلفزيونات ومن النقاد الغير حياديين والمصيبة الكبرى ان ياتي التدمير من الداخل فلا حول ولا قوة الى بالله |
والله ما ضيعنا الا انت وامثالك اللي بالمنتدى تحطيم في تحطيم باللاعبين تذكر تفاريس اول موسم ضاااااايع وبعدها صار ماسك دفاع الهلال حرااااااااااااااااام عليك والله حرااااااام ايها الفقراوي |
إقتباس:
الله يجزاك خير بس يا عزيزي انا ما سبيت احد ولا اخترعت شي من راسي اللاعب الفلاني والفلاني عاله عالفريق اتمنى اكون غلطان ويردون علي بالملعب والله اتمنى |
إقتباس:
اولا كلمه مندس وما مندس هذي والله بطلوها خلاص يعني يا ماجد لازم نطبل واللعب خايس ؟؟ لا حبيبي ما اعرف اطبل اذا انت مطبل فهذا شي يخصك طال عمرك واكرر كلامي اتمنى ويارب اكون غلطان في كل كلمه قلتها ويردون علي وعلى شاكليتي على قولتك بالملعب خذ لك ورده :rose: |
وشلون مايعرف يركض.. وتقول كنه حق سباق الضاحية.. هذي أزريت أفهمها بصراحة.. عموماً.. اللاعب تو ما أخذ فرصته.. ومن حقه عالنادي ياخذ فرصته كاملة.. ومن حقه علينا كجماهير.. اقل شي الصمت لحد ما ياخذ فرصته كاملة.. حاله حال بقية اللاعبين المحترفين اللي جو للهلال.. وبدوا بداية مخيبة.. وبعدها صاروا من الأسماء اللي صعب تنمسح من الذاكرة.. وأنا من رأيي لو يلعب جنبه الزوري.. في قلب الدفاع.. راح تشوف دفاع الهلال بشكل أفضل.. الزوري نجح بشكل جيد في قلب الدفاع.. وسيستثمر نجاحه اكثر في حالة لعبه إلى جانب مانقان.. متأكد من هالشي.. |
معاك في مانغان ولكن الزوري مستواه جيد خصوصا في الانتلاقات الهجومية |
| الوقت المعتمد في المنتدى بتوقيت جرينتش +3.
الوقت الان » 09:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd