"الشلهوب الموهوب" المحبوب ... كفاكم تطبيل
 

لكي تصبح نجم في فريق كرة القدم في الهلال
يجب أن تكون علاقاتك بالاعلاميين جيدة و تكون أخلاقك راقية , دون النظر الى مستواك الفني وكانك لست لاعب كرة قدم .

مثال :

لو تسأل اي واحد من جمهور الهلال وش رايك ب مناف ابوشقير لاعب الاتحاد "السابق" وهل تتمناه بالهلال ؟
الجواب
مناف لاعب عادي جدا ولا اتمناه بالهلال وهو بعز مستواه .

لكن تجي تسأل وش رايك بالشلهوب ؟
لاعب جيد وموهوب تسأل وش مميز فيه الشلهوب يقولك خبرة ويطلع الكورة صح وكرات ثابته . ؟!!!

انا أقول
مناف ابوشقير لاعب عادي وحين انخفظ مستواه لم نسمع عنه شيء
الشلهوب لاعب أقل من عادي ولكن يجدد عقده بمبلغ وقدرة (الله يرزقة لكن هذا لاعب بفريقي وسياسة المجاملات مليت منها ) وكأن لاعب غير الي اعرفه الشلهوب دائما يحاول التخلص من الكره باي طريقة واكثر تمريراته متسرعة او خاطئة ولعب مع الهلال 30000 ركنية ولم يسجل فيها ولا هدف , ولا يعرف يحتفظ بالكورة ولا يسبب فاولات .
الشلهوب الموهوب تسمع من معلقين ومحللين لا يعرفون من كرة القدم الا انها دائرية فوضعت الشلهوب في قدرالنجم الكبير للأسف والمشكلة أن الاعبين الناشئين يتمنون ان يصلون مستواه .
انا واحد اراى الشلهوب لو بغير الهلال لم يلعب اساسي اصلا .
الشلهوب محبوب وواضح ذلك لكن الحبابه خلها لأهله واقاربه ومادخل كرة القدم بأنه محبوب .
لا أرى اني قسوت على الشلهوب لكن هذا الواقع فعلا أنا اتكلم فنيا فقط فقط .

وكأن جمهور الهلال لا يتابع المباريات فقط يسمع ما يقال عن الاعبين .

يعني اعلاميي الهلال شربوا المجاملات وشربوها الرئيس وشربها الجمهور .
بيجي واحد اللحين يقول تدري كم بطولة جاب الشلهوب ؟ !!!!!

مشكلة اذا لم ينزل الموضوع ومواضيع اخرى تخص هرماش والفريدي تنزل .

لاحووول من بعض الجمهور
صدقناك انه بالهلال مجاملات
والمنتخب كيف طيب يختارونه
انت تتكلم من فراغ
رح نام احسن شكلك سهران وانت كاتب الموضوع
جمهور ماغير يكتب ولا يدري

يا بابا والله ان الكورة في وادي وانت في وادي انصحك بمتابعتة توم وجيري
فاإني ارى فيها ما يحاكي عقليتك

فيه لاعب ما اختاروه؟ العنقري ونامي اختاروهم المنتخب لكن نقطتي انه ليش موهوب ليش محبوب وش ميزة الشلهوب وش دخله بالكورة.
اقل شي ليش ما طلع مثل غيره وبدون ضجه لو يقول ابغى اعتزل كل الجمهور لا موهووووب.
15 سنه ادور وش ميزات الشلهوب مالقيت سوى رقم 10 وقصر قامة بس.
اتكلم بواقعية ولا اقول اني قسوت عليه لان هذا الواقع.

اذا انت تقول الشلهوب مفيد لأي فريق فانت ضايع وانصحك تتابع شي غير كرة قدم.

حدث العاقل بما يعقل

الشلهوب ياخي تاريخه لحاله يكفي انت تعرف كم بطولة للشلهوب مع الهلال

الشلهوب محمد نور عبده عطيف قبل الاصابه اخر لاعبين الوسط فالمملكة في العشر سنوات الاخيره

يتبعهم الفريدي فقط اتكلم لاعب وسط يستلم ويسلم مو طرف زي سالم عزوز نواف عشان اكون واضح

ما انكر انه في بداية الدوري هالموسم ماظهر لانه ملعب المدرب طرف والعمر والبنية ماتخدمه لاكن لو يلعب في مركزه الحقيقي هناك كلام اخر

اخر موسم خذا فيه الهلال الدوري يوم انحسمت بالدمام قبل كم جولة امام الاتفاق 3-2
الشلهوب والفريدي كانو يلعبون محاور حتا فغير مكرزه يخدم

بعد هالسنين تشكك :to:

ياناس انا اتكلم عن مستواه ليس تاريخة ميزة وحده بس في الشلهوب وحدة بس؟
هل يستحق كلمة نجم ؟

العنقري اخذ الدوري مع الهلال وهو اسوا من السسيئ مايلعب ولا بحواري اساسي .
والمسعري اخذ كل بطولات اسيا ليش ما لقى الي اخذه الشلهوب ؟
وبعدين تقارن نور بالشلهوب ياناس اصحوا من الحلم الي انتم فيه!!!

و هل حصوله لـ هداف الدوري من فراغ ؟ .. رغم غيابه عن أكثر من لقاء و وجوده على دكة البدلاء بعض المباريات !
حصولة ع ثاني أفضل لاعب آسيوي لـ 2006 من مجاملات أيضاً ؟

ممكن مو عاجبتك طريقة لعبه " وجهة نظرك و نحترمها " لكن لا تصفها بـ المجاملات :)

انت تعرف الشلهوب بأي نادي ؟
الشلهوب لاعب ولا اعلامي ؟
ههههههه
قسم صاحب الموضوع فقير كرويا شكل واحد مقهور من الهلال درسه وجاي هنا يتعلم مافهم
(الشلهوب فريق لحاله)

انا مدري ليه اغلب ردوده مدح في نور

للآسف انه بالهلال.
اذا المرشدي حرام بالهلال من باب اولئ الشلهوب الي له 15 سنه وصابرين.

تحسسوني اني كفرت بوجه نظري هذي

لا ابشرك نزل موضوعك ... وليته ما نزل ؟!

الشلهوب جزء من تاريخ الهلال .. 18 سنه وهو بالنادي .. هو بنفسه حسم بطولات وساهم في عشرات ؟!

لاعب دون مشاكل .. ومنضبط كأنه لسه طالع من الاولومبي

افتكاكه للكره من الخصم مشكله عنده من اصله ... لياقته لم تعد كما كانت اكيد بحكم العمر لكن وجوده ضروري ؟!

الشلهوب لاعب كبير ومن الصعوبه ان اقبل ان عضو بمنتدى يقيمه وهو يطقطق ع كيبورد بمعرف وهمي ؟!

:rose:

لا ما كفرت اعوذ بالله ..

لكن تجاوزت المنطق وتجرأت ع رمز هلالي لازال يخدم الهلال .

:rose: