|
عبدالعزيز الدوسري : يقول ظروف وضغط مباريات (( آي ضغط مباريات يا حبيبي !! )) بسم الله الرحمن الرحيم بعد مباراتنا مع الاتفاق امس صرح الاعب عبدالعزيز الدوسري تصريح عجيب حيث برر التعادل بسبب الظروف وضغط المباريات !!! تصريح الاعب عبدالعزيز الدوسري You Tube ما ادري ماذا يقصد بالظروف ولكن شدني كلمة ضغط المباريات !! اي ضغط مباريات ياحبيبي وانت في ثاني مباراة بعد اجازة العيد ؟؟؟ الى متى ولاعبينا بهالفكر وهالدلع ؟؟ كتبت موضوع في 27/05/2009 ( رابط الموضوع ) وقلت : للأسف الشديد لايوجد تهيئة للاعبين ولا يوجد محاسبه لهم !!! وذكرت الاسباب : ماحصل من الاعبين هذا الموسم غريب جداً والسبب لايوجد من يوجه الاعبين !!!!!!!!!!!! لايوجد من يحاسبهم !!!!!!!!!!!!!!!!!! لايوجد من يعتب عليهم !!!!!!!!!!!!! واوضحت بان الاخطاء تتكرر : اخطاء الاعبين هذا الموسم كانت كبيره وللاسف الشديد مكرره كنا في السابق نشاهد من يحاسب ويعاقب الثنيان والجابر ولكن هالمره غير الدلع زايد والسكوت فاضح قلت هذا منذ اكثر من ثلاث سنوات ولم يتغير شي ( فلا حياة لمن تنادي ) فالاعبين لا يتعلمون من اخطائهم ولا من مباراة القادسية ولا الرائد الموسم الماضي !!! جيل هالاعبين غير؟ ام ان الادارة غير ؟ |
ضغط مباريات تدري وش معناه تلعب قدام نجران وبعدها ب 4 ايام تلعب ثم بعدها ب 4 ايام تلعب و2 منها مباريات قوية 301 مشاركة من 12 سنة |
إقتباس:
عزيزي ان اتفق معاك في حالة اننا في اخر الموسم لكن توها ثاني مباراة بعد التوقف واجازة العيد اما الـــ 301 فأتمنى ان تشاهد المشاركات كامله ولك تحياتي |
الله يوفق الهلال ان شاء الله |
قصده كل 4 أيام مباراة هذا ضغط |
الله يستر اجل ضغط لا والجوله الرابعه وش بيقول لما ينتصف الدورى ؟ والله ماندرى وش نقول لان الشق اكبر من الرقعه والله يستر من هالموسم بس |
قيريتس وبس وقت الجد جد الله يستر |
لو تششوفون تصريحة وآضح أنة مآيدري وش يقول كأنة بيــقول ضغــط من آلجــمهور بسس هونَ,.~ وأحيية على هـ آلحــركة,.َ |
بكل بساطه , راح سامي ..!! |
لا واللي قهرني أكثر يقول نوعدهم بالتسجيل!! أي تسجيل ياحبيبي وأنت مهمتك الأساسيه صناعة الأهداف لكن للأسف واضح أنه كل همه التسجيل يسابقون المهاجمين في التسجيل وتاركين الصناعه وهذي علة الهلال الحقيقيه في خط الوسط كل لاعب يبحث عن التسجيل ولن يتطور الهلال إلا بلاعب وسط برازيلي |
للاسف لعيبة الهلال ذابحهم الدلع دايم الاعذار جاهزه عندهم ,, خلك رجال وقل ان السبب منا حنا يااللعيبه واعتذر للجمهور وان شاء الله نعوض بالمباراه الجايه , اما تقولي ضغط مباريات وهذي رابع مباراه !! وش هالدلع ,, على كذا ماراح نفوز ابد وبالاخير ااااااه ياسامي :smilie47: |
ما بتكلم عن النقاط الثانيه وصحيح الجدول فيه ضغط للمباريات ولكن تونا في البدايه وما بعد إشتد الدوري وجمع النقاط اذا في البدايه يفرط الفريق بهالشكل والنقاط نخسرها .. لو وصلنا في منتصف الموسم وش بيكون العذرر وقتها لو خسرنا نقاط .. انا م بعلق على باقي الموضوع لاني م دخلت بالاساس بعد المباراة حتى ما اكتب وانا متضايق .. ولكن عندي نقطه اتمنى توصل للكابتن عبدالعزيز الدوسري .. ي كابتن عبدالعزيز ادري انك لاعب رائع واحد مواهب الهلال القادمه بإذن الله وانك توك راجع من اصابه ولكن .. اتمنى تراجع نفسسك كثير كثيرر .. انت لاعب وسسط ولكن ما اشوفك تصنع .. اغلب الكور معاك تقتل الهجمه خصوصا المرتده ترجع بالكره للخلف .. ولا تسدد من خارج المنطقه .. ومهمتك الاولى اللي هي صناعة اللعب للاسف ما اشوفها منك .. يا تتناقل الكره مع احد لاعبين المنتصف او ترجعها للخلف .. وفي اسوء الحلول تسدد اتمنى تشوف لاعبين المقدمه ( الهجوم ) و تمركزهم وتصصنع لهم الكور اللي هي مهمتك الاساسيه في منتصف الملعب .. اتمنى من كل قلبي تراجع نفسك بهالخصوص وان شاء الله اشوفك تصحح هالشي في المباريات القادمه .. بالتوفيق للزعيم .. وقدر الله وماشاء فعل ،، |
قال ايه محترفين جالسين نضخك على انفسنا |
اكبرهم ميلاده 1409 وش ترجي كلهم صغاررر مايعرف ولا يصف كلمتين على بعض !! |
إقتباس:
المشكلة ان موضة التخوين والاتهامات صارت بالهبل في المنتدى انا يوميا ادخل المنتدى واقرأ مواضيع ومشاركاتي قليلة والسبب ان مافي يدينا شي الا الحضور والمسانده انتقاد الاعب والادارة والمدرب مطلوب لاكن بدون تجريح ولا تثبيط للعزيمه |
إقتباس:
في اوروبا .. يلعبون السبت او الاحد ويلعبون الكأس الثلاثاء او الأربعاء ويرجعون يلعبون الدوري الأحد ويرجع يلعب الدوري الأوروبي او ابطال أوروبا الأربعاء وهكذا حتى نهاية الموسم يكون قد لعب مايقارب 60 مباراة !! وحنا 4 مباريات ويقولي ضغط ؟ اي ضغط وانت للحين ماقابلت الشباب ولا النصر ولا الأهلي ولا الأتحاد !! توك راجع من العيد وتلعب في 5 ايام مباراتين ؟ اي ضغط وانت تتمرن يومياً !! واسئل أي لاعب سابق ( لاعبين الكره الحقيقين ) قله شرايك تلعب مباراة وتتمرن 3 ايام ولا تتمرن 5 ايام وتلعب مباراة ؟ يقولك طبيعي اتمرن 3 ايام والعب مباراة وهذا الأخ جايني يقول ضغط !! اي ضغط ياعزيزي وانت توك راجع من اصابه مالعبت الا مباراتين اساسي !! و الأدهى و الأمر انك تشكك ب الرجُل بأنه مندس بطريقه غير مباشره من خلال عدد مشاركاته مقابل عدد السنوات اللي كان فيها بالشبكه هذا ما نكبنا ونكب لاعبينا هالعقليات |
عبدالعزيز الدوسري في مباراة الاتفاق كان يرفع الضغط لاعب يبحث عن التصويب والتسديد فقط طغت عليه الأنانية بشكل غريب |
إقتباس:
|
عيني باردة على الاوربين كل يومين مباراة وياعيني ع المستوى |
ههههههههههههههههههههههههههههههههههههههههههههه اقوى تصرىفة |
الله يوفق الهلال ان شاء الله:) |
إقتباس:
يجب ان لايغفل المدرب عن هالنقطه...... فكروا بصناعة اللعب اولا .... |
إقتباس:
ياحبيبي الدوريات العالمية يلعبون مباراتين في الاسبوع والاعب مايحتاج اكثر من يومين بين يومين المباراه..لاتطبل تكفى صراحة لاعبيننا صار دلعهم لايطااااااااااااق,...سامي الجابر او شخص قوي مثله في الاداره امر ضروريs13s |
سبحان الله .. حاط حيلك على عبدالعزيز .. ترى امس كله عبدالعزيز ما قصر ومن خرج و الهلال ما مسك الوسط .. والهدف الغلط من الدفاع .. المرشدي و مانغان وش ترجي منهم |
هي الحكاية مو ضغط ولا يحزنون...! عذر ماهو منطقي أبدا، هو للأسف مازلنا نعاني من الاستعداد الضعيف، والتعاقدات المتأخرة، يعني يبيلنا نصبر حتى نهاية الموسم على كذا....؟ |
اي والله دلع ...ضغط قال لو حنا في اوروبا وش بتسون الي يلعبون احيانا ثلاث مباريات في الاسبوع المصيبه ان التدريب ساعتين مدري ثلاث في اليوم اه وش اقول بس اللي يدري يدري واللي مايدري .... يقول ضغط |
والله في فرق يوم كااان سااامي موجود اللاعبين يلعبون بي روح بس راااح بركت الهلال باءذن الله نشوف سااامي مدرب لي الهلال |
بكل بساطه , راح سامي ..!! |
مافي ضغط ي عبدالعزيز .. راجعو انفسكم ي لاعبين الهلال .. |
أنت إذا فقدت أعصابك وكنت مشغول بشيء ما وأجيك أنا وأسألك عن شيء وتكون سرحان مأنت معي بس تجاوب مجامله لي أنا هل بتكون مركز معي وبتجاوب بكلام واقعي وصحيح أكيد بتكون مو مركز ولا منتبه للي تقوله عشان كذا عزوز ماكان مركز وكان سرحان وفاقد أعصابه وزعلان من النتيجه وكان الشيء هذا واضح عليه. اتمنى وصلتك المعلومه. بس مصيبه إذا بتركز على كلمه تافهه |
هذا فكر اللاعب السعودي وش ا لجديد تونا بدايه الموسم وتقول ضغط يعني الشباب ماعنده ضغط ههههههه ياخي فيه اعذار غريبه بصراحه اجل عز الله طلعنا من اسيا مدام من الحين ضغط |
على أساس ان الفريق يلعب بالموسم 60 مباراة يا عزوز ولا كنت مشارك بأبطال اوروبا و حنا ما ندري قمة الافلاس يا أخي أعترف ان الفريق قدم اداء سيئ و اعتذر للجمهور و أوعدهم أنك تقدم أداء افضل المباريات القادمة و أشتغل على نفسك صح بالتمارين |
الشغله شغلت دلع يأخذون الملايين ويبكون على كم مباراة يلعبونها في الموسم بشكل ممتاز للاسف لايوجد من الاعبين الشباب في الهلال من تعتمد عليه في مباراة كامله كلهم حقين شوط واحد ..سالم الدوسري زعزوز والفريدي وكذلك العابد . |
ياخي بعض اللاعبين صغار في السن واللقائات المباشره صعبه خاصه في مجتمعنا تجيك الربكه .. ما الومه ابداا |
ياخي بعض اللاعبين صغار في السن واللقائات المباشره صعبه خاصه في مجتمعنا تجيك الربكه .. ما الومه ابداا |
يالربع وش فيكم على عزوز هو صادق ضغط لا تنسون انه يلعب بعد المبارة طوالي في كل العاب البلايستيشين الي على غلاف اللعبه حقت فيفا 2013 هههههههههههههههههههههههههههههههههههههههههههههههههههههههههه ماقول الا اللهم عجل برحيل هذا الادارة وابدلنا خيرا منها واكتب الخير للهلال في كل حال عاجل غير اجل وابعد عنه كيد الكائدين وخبث المتربصين |
(( ظروف المباريات وضغط )) ^ ^ ^ هذا اللي قاله عبدالعزيز الدوسري , وشلون حكمت انّه يقصد ضغط مباريات ؟؟؟ وكلّنا عارفين ان الفترهه هذي فيها ضغط جماهيري كبير على اللاعبين بسبب النتائج اتمنّى انّكم فهمتوا قصدي |
|
اتمني من عبدالعزيز يركز على نفسه و يرجع لمستوه ووووو تعليقه على انه ضغط مباريات غربيه الله يستر |
_ وانت صادق للاسف لاعبينا في السعوديه ما عندهم الاحترافيه .. بحيث في الاجازه ما ينظم نفسه وينام بدري ويمشي على اكل معين لا , يخرب ام الدنيا وسهر واكل ولا داري باللي حاصل .. علشان كذا يحس بالارهاق و التعب .. اجل معقوله واحد توه في الجوله الرابعه ولا لعب الا الدوري ويقول ضغط اي ضغط ي حبيبي وانت تلعب كل 4 ايام , ماشاف الدوري الاسباني كم الفرق بين كاس السوبر و الليقا .. وكاس السوبر كلاسيكو مو اي مباراه ي حبيبي بس على هيك شغله , انا ما انتظر من هلالنا في الدوري اي شي لكن ابي في الاسيويه شي ثاني , ابي امسح هالصوره واجيب اسيا . ملينا ترى |
| الوقت المعتمد في المنتدى بتوقيت جرينتش +3.
الوقت الان » 05:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd