من المتعارف عليه في علم كرة القدم أن الركيزة الأساسية التي تعتمد عليها اللعبة هم اللاعبين، بحيث تمثل ما نسبته 70% من قوة أي فريق وذلك على المدى البعيد وليس في مباراة أو مسابقة ذات نفس قصير!!
اليوم ونحن نتباكى على حال زعيمنا، نسينا أو تناسينا (أو خدرنا إعلامنا للأسف) بأننا لا نملك العناصر الأساسية التي تصنع البطولات وهم اللاعبين أصحاب المستويات العالية والثابته (بإختصار النجوم)!! وضع تحت الثابته أكثر من خط، لأن ما نملكه حالياً هم إما لاعبين ذوي مهارة عاليه ولكن بدون ثبات أو لاعبين كانوا من النجوم ولكن أفل نجمهم بسبب العمر أو هبوط المستوى!!
حالياً أنظر للقائمة التي يملكها الفريق، هل تجد فيها لاعب بقيمة النعيمة، الثنيان، المصيبيح، التيماوي،التائب، سامي، ليتانا، رادوي، نيفيز، الدعيع، وليهامسون،هوساوي، ياسر 2007، الشلهوب في شبابه وغيرهم؟؟ وهم اللاعبين الذين بإمكانهم صناعة الفرق دفاعياً وهجومياً والفريق في أسوء حالاته!! للأسف لايوجد!! بل نحن نعول على بركات العتيبي و المرشدي، ومزاجية الفريدي والزوري، وحماس عزوز والعابد!! والقائمة تطول من أصحاب لقب نصف نجم!!
صحيح أننا نملك مواهب ولكن هذه المواهب بحاجة إلى أن يتم دعمها بإجانب ومحليين من ذوي القيمة العالية مثل ما حدث أيام جريتس، بحيث يكون أساس الفريق معتمد على هؤلاء ويكون الصف الثاني من النجوم داعم للعمود الفقري لانك لن تحقق نتائج بإعتماد على فريق من أنصاف النجوم!! ولنا في الجار مثال لهذا المفهوم!!

اليوم فريق كبيركمانشستر يشتري فان بيرسي لصنع الفارق مع أن عنده لاعب مثل ويلباك الانجليزي!! بل أنظر لبطل الدوري الإنجليزي مانشستر سيتي كيف صنع فريق من العدم بجلب النجوم أمثال نصري ويايا واقويرو وغيرهم!!
يبقى للمدرب دور ولكن ليس هو هنا محور الحديث لأن الأساس لدينا مهلل ونحن بحاجة إلى صنع الأساس ومن ثم الحديث عن الأدوار الأخرى...

الحل؟؟ أعتقد أن هذا الموسم للنسيان للأسف!! فلن تستطيع أن تحقق شئ محلياً بوجود فرق مصنوعه صناعة عالية مثل الشباب والأهلي أو حتى أسيوياً لصعوبة المنافسة!!

أذن على الإدارة أن تعالج الخطاء الفادح الذي وقعت فيه بالتعاقدات الضعيفة والمتأخرة وأن تتحرك من الآن لصناعة فريق بطل وإعادة هيبة الزعيم من خلال البدء بالتركيز والتخطيط للتعاقد مع لاعبين أجانب ومحليين (نجوم) يصنعون الفارق ويفضل التفكير في النجوم الحاليين في الخليج والمتألقين في فرقهم مثل فيكتور الأهلي أو اللاعبين الذين سيبرزون في الدوري القطري او الاماراتي الذي سينطلق قريباً، مثل ما عمل الشباب بإستقطاب كوماتشو وتيجالي وهم نجوم في فرقهم سابقاً !!

يجب أن نعترف أن الفريق اليوم قد يمكلك مقومات بطولات النفس القصير والمنافسة المحلية فقط وليس بإمكانه تجاوز أكثر من ذلك، هذه القناعة إذا ترسخت لدى أصحاب القرارا سيكون هناك ردة فعل، أما ترديد مقولة أن لدينا نجوم شابه وتتمناهم كل الفرق ولو لكانوا لدى غيرنا لفكرنا بشرائهم!! فهذه للأسف كذبة وصدقناها!! فلا يوجد في الفريق اليوم لاعب مطمع للفرق الكبيرة ولنا في الفريدي الذي يعيش في الستة أشهر الأخيرة في عقده مثال واقع وحي!!

في الختام، إذا أردنا إعاده هيبة الزعيم فيجب أن تضع الإدارة حلول قصيرة المدى (وتتمحور في تغيير المدرب في حال سنحت الفرصه وتوفر مدرب متميز وأكفأ من الفرنسي واستقطاب لاعبين جدد في الفترة الشتوية في يناير) وحلول طويلة المدى بالتفكير في الإعداد للموسم القادم من الآن وليس علينا سوى الصبر والدعاء بأن الله يعدي هالموسم على خير وأن لا يكون موسم "رد الدين" للفرق المنافسة...

أختلف معاك

يوم صارت الاسيويه باليد تقول خلها للنسيان


السد القطري كان فاشل محليا ويروح هناك يضرب في نصف النهائي والنهائي فرق شرق القاره

محليا انا معاك خلها للنسيان

بس ماسمح لك تربط الاسيويه معاها

لكل بطوله جهدها الخااااااااااص

وأولسان راح نتعادل معاه 1-1 بكوريا

وهنا راح نفوز عليه أو 0-0

وبكذا النهائي صار بالجيب

لأن باختاكور وأدليد أقل مستوى من الهلال

والنهائي بالرياض .,. صدقني مايفوتها الزعيم بسهوله لو من الخصم مهما يكون

طيب انت تطلب من موضوعك ان الاداره تجلب اسماء مميزه ولاعبين مميزين

وتغيرات ....الخ

هل الوقت الان يسمح لك انك تغير في الفريق ..؟؟؟


انت ذكرت الأهلي والشباب في موضوعك

الاهلي والشباب ماغيروا اي شي في لاعبينهم ولا الاجهزه الفنيه

الاهلي واحد الي هو بدال كماتشوا

والشباب جاب كماتشوا وتيجالي ومتعودين على الدوري السعودي

يعني وين المشكله مافيه مشكله عندهم هذا واحد الي هو اهم شي الاستقرار الفني ركز عليها وحط تحتها مية خط


تكلمت عن الهلال وأدائه هذا شي طبيعي جهاز فني جديد ولاعبين جدد السنغالي و البرازيلي

البرازيلي داخل بالفورمه والسنغالي لحد الأن

والي يجب على جميع مشجع ان يقبل الفوز والخساره والتعادل


بسئلك انت وغيرك لماذا اذا فاز الهلال

شفنا التمجيد والفرح وفيه ومافيه

واذا تعادل الفريق او خسر شفنا الاقلام وشفنا السب والشتم

والفريق فيه ومافيه

لابد ان نرضى بالخساره قبل الفوز

والي مايوقف مع ناديه في اصعب ظروفه وربي حرام تقوله هذا مشجع هلالي

هذا تقول مشجع منتدي


اجل معقوله حضور امس 7000 من جماهير الزعيم الرقم الصعب

وفوق هذا والله كأن الملعب مافيه أحد؟؟؟؟؟؟

ولا وازيدك من الشعر بيت فيه حمله تقول مقاطعة المدرجات ههههههههه للمبارتنا القادمه

ونعرفهم زين انهم مندسين او مراهق او بزر ينطبق عليه المثل مع الخيل ياشقرا

.
.
إثباتاً لما ذكرت في بداية موضوعك عن اللاعب المهاري واللاعب النجم
أعطني إسم لآعب حالياً أو الموسم الماضي يعطيك مبارتين بنفس المستوى !
تحتاااااار كثيراً وتضطر ترجع بالذاكره لويلهامسون ورادوي ونيفيز واسامه هوساوي !
مافيه لاعب بالهلال حالياً يصنع الفارق ثاااااااااابت المستوى
حتى تجد اللاعب يعطيك الشوط الأول ويختفي في الثاني !!!!!!؟
وبنفس سياق الموضوع
غير مؤيد لتغيير المدرب
إذا في فترة الصيف الطويله بطلعة الروح وجدنا هذا
تعتقد في فترة الشتاء الأقصر بتحصل مدرب (( مميز )) فاضي ؟
شكراً لك
...

إقتباس الرسالة الأصلية كتبت بواسطة عيسى المحياني 16 أختلف معاك يوم صارت الاسيويه باليد تقول خلها للنسيان السد القطري كان فاشل محليا ويروح هناك يضرب في نصف النهائي والنهائي فرق شرق القاره محليا انا معاك خلها للنسيان بس ماسمح لك تربط الاسيويه معاها لكل بطوله جهدها الخااااااااااص وأولسان راح نتعادل معاه 1-1 بكوريا وهنا راح نفوز عليه أو 0-0 وبكذا النهائي صار بالجيب لأن باختاكور وأدليد أقل مستوى من الهلال والنهائي بالرياض .,. صدقني مايفوتها الزعيم بسهوله لو من الخصم مهما يكون

أخي الكريم، اذكرك انك في دور الثمانية وقدامك ثلاث مباريات مع فرق ناااار (مهب نجران والا الفتح والاتفاق) يعني لا تأمل كثير!!
قبل سنتين وصلنا لدور الأربعة مع جريتس بفريق متجانس ومتكامل وما قدرنا نعدي الفريق الايراني على ارضنا والملعب فل!!

إقتباس الرسالة الأصلية كتبت بواسطة زعيم آسيا6 طيب انت تطلب من موضوعك ان الاداره تجلب اسماء مميزه ولاعبين مميزين وتغيرات ....الخ هل الوقت الان يسمح لك انك تغير في الفريق ..؟؟؟ انت ذكرت الأهلي والشباب في موضوعك الاهلي والشباب ماغيروا اي شي في لاعبينهم ولا الاجهزه الفنيه الاهلي واحد الي هو بدال كماتشوا والشباب جاب كماتشوا وتيجالي ومتعودين على الدوري السعودي يعني وين المشكله مافيه مشكله عندهم هذا واحد الي هو اهم شي الاستقرار الفني ركز عليها وحط تحتها مية خط تكلمت عن الهلال وأدائه هذا شي طبيعي جهاز فني جديد ولاعبين جدد السنغالي و البرازيلي البرازيلي داخل بالفورمه والسنغالي لحد الأن والي يجب على جميع مشجع ان يقبل الفوز والخساره والتعادل بسئلك انت وغيرك لماذا اذا فاز الهلال شفنا التمجيد والفرح وفيه ومافيه واذا تعادل الفريق او خسر شفنا الاقلام وشفنا السب والشتم والفريق فيه ومافيه لابد ان نرضى بالخساره قبل الفوز والي مايوقف مع ناديه في اصعب ظروفه وربي حرام تقوله هذا مشجع هلالي هذا تقول مشجع منتدي اجل معقوله حضور امس 7000 من جماهير الزعيم الرقم الصعب وفوق هذا والله كأن الملعب مافيه أحد؟؟؟؟؟؟ ولا وازيدك من الشعر بيت فيه حمله تقول مقاطعة المدرجات ههههههههه للمبارتنا القادمه ونعرفهم زين انهم مندسين او مراهق او بزر ينطبق عليه المثل مع الخيل ياشقرا

أخي الكريم، انت مطلوب انك تستقر فنياً لما يكون عندك فريق ممتاز!! وليس ان تستقر بفريق متهالك...ووقفتي مع فريقي اني اتكلم بصراحه وصدق ولا تهمني الاسماء ولا اطبل لفلان وغيره!!
وبعدين انا هلالي تعرف وش معني هلالي؟؟ يعني الفوز هو الطبيعي والشي العادي وغيره بالنسبة لي مصيبه!!
قبل الإدارة الحالية كنا نكوش على بطولات الموسم كلها.. تتخيل؟؟ ومع كذا نقول المستوى مع حلو والهلال غير ممتع ومن هالكلام!!
اليوم تبيني اتقبل تعادلين وخسارة وفوز في اول خمس مباريات الموسم!!

ياخوفي نتعود على هالشي ونصير زي الجار اللي فرحان بخسارته من الاتحاد ويقول كنا احسن منهم مستوى!!

اما الأهلي والشباب فقوتهم من العناصر المتوفره عندهم!! وبعدين ليه يغير وهو متميز وينافس!!؟
شف أظهرة الشباب وقارنهم بأظهرتك!!
شف هجوم الاهلي وقارنهم بهجومك!!
شف الحراسة وش وشف...!!!
عندهم مشكلة او مشكلتين يحلونها بسرعه... أما الهلال مشاكله كثيره ويحتاج لوقت وقبل كذا الاعتراف بالمشكلة

إقتباس قبل سنتين وصلنا لدور الأربعة مع جريتس بفريق متجانس ومتكامل وما قدرنا نعدي الفريق الايراني على ارضنا والملعب فل!!

كان لنا درس واستفدنا منه الحين باذن الله