السلام عليكم
هذه الكلمة اللي نشاهدها في التعليقات كلما كتب واحد موضوع هي (مندس كشفتك) اي مندس واي كلام فاضي انا ضد التجريح الشخصي باي كاين كان من اي شخص سواء من الهلال اومن غيره

ولكن حينما نطالب بصانع لعب مثلا فكيف اكون مندس
ففريقي لايوجد به صانع لعب يحرج المهاجم حينما يضعه امام المرمى

او طالبت بقلب دفاع وطالبت بمحور اوطالبت بمدرب عالمي يحضر من بدري فهذه اشياء ضرورية لفريقي

وهذا من حقي على ادارةنادينا الموقرة فهي من وضعت نفسها في هذاالموقف فقد احضرت جرتس ورادوي وتياقو وولي وليونق ثم فرطت فيهم ولم تاتي بالافضل من غير قصور في محترفينا ومدربنا ولكن لكل قدرات



فكل عضو يعبر عن رايه فهو حر دون ان يصل الى التجريح ولكن حينما اقول فريقنا لم يقدم المامول واصبح الفوز على النصر صعب فهذا الواقع المر


فهل يريدون من الاعضاء التطبيل ويريدون ان اقول هذا الفريق اللي ما يشق له غبار واللي بيجيب الدوري وووو
واكذب على نفسي واصير امعه مع الخيل يا شقراء
فانا مع الهلال قلب وقالب وانا ضد من يطالب بعدم حضور الجمهور ولكن ساقول لمن احسن احسنت ولمن اساء اسأت

وتقبلو تحياتي

وش مندس كشفتك ؟؟؟؟؟؟؟؟؟؟؟؟؟

توك كاتب الموضوع ومسبق العصابة قبل الفلعة..

من قال انك مندس الحين ...
ولا على قولتهم الى على راسه بطحه .... يحسس عليها ؟؟!!

إقتباس الرسالة الأصلية كتبت بواسطة Jc_jiio توك كاتب الموضوع ومسبق العصابة قبل الفلعة.. من قال انك مندس الحين ... ولا على قولتهم الى على راسه بطحه .... يحسس عليها ؟؟!!

يا أخي الله يجزاك خير وين عايش شوف المواضيع والتعليقات في المنتدى

وانت قاعد العصابة الفلعة وكلااااااام فاضي شكلك تنكت ما شاء الله على هالروح المرحة عندك

يارب صبرنااااااااا

وش رايك باللي كاتب موضوع بعد المباراة

يطلب فيه من الجمهور الملكي مقاطعة المدرجات
حلمك موعدنا السبت

إقتباس الرسالة الأصلية كتبت بواسطة مصدر هلالي وش رايك باللي كاتب موضوع بعد المباراة يطلب فيه من الجمهور الملكي مقاطعة المدرجات حلمك موعدنا السبت

يا اخي انا ضد المقاطعة وهذا قد يكون هلالي ولكن على قولتهم جاء يكحلها عماها

شكراااا

إقتباس الرسالة الأصلية كتبت بواسطة فتى العدابة يا اخي انا ضد المقاطعة وهذا قد يكون هلالي ولكن على قولتهم جاء يكحلها عماها شكراااا

لا هذا مو هلالي هذا احد ثلاثه يا صغير وكل يوم له فريق نفس ولد اخوي في اولى ابتدائي جاني يقول غيرت بشجع الشباب اووو الثاني مندس ويبي يزيد الظغط علينا والثالث. جمهور فووز

انا ضد التجريح الشخصي باي كاين كان من اي شخص سواء من الهلال اومن غيره

وش قصدك او من غيرة .. ؟

إقتباس الرسالة الأصلية كتبت بواسطة $البرفسور$ انا ضد التجريح الشخصي باي كاين كان من اي شخص سواء من الهلال اومن غيره وش قصدك او من غيرة .. ؟

يا اخي اي كائن ديننا وتربيتنا تامرنا على كذا

باااالتوفيق للملكي يوم السبت..

نبي مواااضيع تحفيزيهـ...

مشكووور..

شكلك مندس
...............

تدري من المندس هو الي يقول نبي مقاطعه في المدرجات

......

إقتباس الرسالة الأصلية كتبت بواسطة بكالوريوس الهلال تدري من المندس هو الي يقول نبي مقاطعه في المدرجات ......

طيب اذا حظرنا ونترك الدوام ويجيك سب وكلام من مديرك وتروح للملعب عشان الهلال

وتحظر واخر شى لا لاعبين ولا مستوى ولا مدرب ولا اجانب ولا فوز ولا حتى

هجمه وحده حلوه

ايش تبينا نسوي في هذي الحاله !!!!!

يوم اقول قاطع المدرجات ماهو كره للهلال لاكن نبي رئيس الهلال واللاعبين

يحسون مثلنا نحن كجمهور والله العظيم حظور وتعب وقروشه واخر شى مستوى

فاشل بمعنى الكلمه

إقتباس الرسالة الأصلية كتبت بواسطة ((العود الازرق)) طيب اذا حظرنا ونترك الدوام ويجيك سب وكلام من مديرك وتروح للملعب عشان الهلال والله العظيم حظور وتعب وقروشه واخر شى مستوى فاشل بمعنى الكلمه

ليه مديرك يسب اللي يروحون الملعب ؟!

ذا مدير مقلع بلغ هيئة الفساد عنه او مرجعه صراحه شئ مؤسف اللي تقوله ؟!