الله يكتب إللي فيه الخير


أتمنى ما نضغط ع الإدارة أكثر

صح اني كاره الهلال ومرتفع ضغطي، بس انا ضد ضد ضد اقالت المدرب ونصير زي النصر، حبيبي شوف الاخفاقات الي قاعده تصير مو من المدرب بصراحه، الغلط من الاداره في تاخير التعاقد مع الاعبين، غير كذا ترا الاعبين الي عندك مثل منقان وهرماش والكوري يشكلون نقص كبير على الفريق، انا اتكلم من ناحيه انه لاعب اجنبي، مثال: الكوري احتياط؟ اجنبي واحتياط احنا مفروض نستغل مكان الاجنبي، مو نحطه احتياط، الهلال عنده قدره يمشي الكوري ويجيب لاعب وسط سواء محور او صانع لعب، خصوصا ان انت عندك مشكله في المحور، وتمشي هرماش وتجيب بداله محور متمكن، بنسبا لمانقان، انا شايفه عاله على الهلال، لان كني اشوفه ماوده يلعب، او انه باقي ماتناغم مع الاعبين، انا ماراح اثبت حكمي عليه لانه ماجا الا متاخر،
اسوء الاحالات لا ضطرينا لاقالت المدرب، نتعاقد مع سامي الجابر يرجع يدرب الهلال
انا شايف المدرب نوعا ما جيد، مشكلته طريقته لتوضيف لاعبين الوسط، لو تلاحظ الشلهوب ضايع خصوصا وحنا متعودين ان الشلهوب صاحب تمريرات انت وضميرك، يمكن هذا يرجع لان المدرب ماتعرف على الاعبين كثير، انا الان بديت فعلا اصدق ان الاداره موصيه المدرب يركز على الاسيويه.
اولا واخرا الله يوفق الهلال اينما كان
يعطيك العافيه اخوي

وش السالفة !!!!!!!!!!!!!!!!!!!؟

شباب الي بيحضر يحضر السالفه مهب تجريح تراها ومضارب الي بيروح يدل الملعب
اذا انتقدنا وزعلنا ترى كله عشان مصلحة الفريق ولا تبون نمدح ونقول الهلال مافيه مثله؟
الشمس لاتحجب بغربال فريقنا داج واول من يتحمل الي قاعد يصير الادارة لوبيز البرازيلي
هو الحسنه الوحيده اما الباقي كان هناك وقت ومجال لتصحيحه لاكن ماعرف وش السبب
يمكن اكون انا على خطأ ونهاية الموسم اكتشف انا وغيري الي مانحب الهلال وننتقد اننا غلط
الاسيويه هالسنه اسهل من اي سنه والنهائي راح يكون بالرياض لو تأهلنا الموضوع مازال باليد
التصحيح من البداية افضل من بعدين لاكن اذا استمرينا كذا راح ارفع الموضوع واذكركم بكلامي

الهلال في غنى عنك وعن اللي مثل عقليااتك


الهلال خلفه جمهوور كبير من الاوفياء والمحبين حقا لهذا الكيان فهم من سيحضرووون

ياأخي لايحق لك التحدث بلسان الجمهور الهلالي الوفي لفريقه .

سنبقى مع الزعيم مادامت الحياة .

وزلاتكو في الأولمبي أفضل له حتى لايتدهور الفريقين

قبل ان تطالب الاداره بالحترافيه والحزم في عملها احترف انت وارتقي بتفكيرك الكروي كمشجع فليس من المعقول ان تحكم على الجميع بالفشل وتطالب بتغيير المدرب من اول اربع مباريات او ان تقرن حضورك اوعدمه فقط بالفوز فالمحب الحقيقي يبان وقت الشدائد وليس وقت الفوز فقط فلايوجد فريق في العالم لايهزم ولنا في الريال خير مثال ففي عالم الكره دوام الحال من المحال :
دمتم بخير

عشان الي حاطين راسهم بموضوع الحضور وتاركين جوهر الموضوع عدلت الموضوع انا ماراح احضر
والي بيتكلم عن احترافيه ماعندنا اصلا احترافيه من اساسه لاكن الحب للكيان وهالشي هو الي مصبرنا
ياجماعة الخير الهلال فريق كبير ماهو هذا المدرب ولا هذا الدفاع الي بيوصلكم لاسيا وباقي البطولات
راح نواجه هجوم لايرحم من فرق داخليه وخارجيه هجومنا ووسطنا فيه منه امل لاكنها جهود شخصيه
تحتاج توجيه

الظاهر انك شفت الالمبي مستواه جيد وتريده يلحق بلفريق الاول تغير المدرب من اكبر الاخطاء في هذه اللحظه وهي فرصه لللاعبين لكي يتمردوا على كل مدرب يأتي حتى يغير بهذه الصوره

تكفى احضر تكفى ياشيخ خلاص نجيك البيت نطلبك تكفي ..... يكفي انك عرفت بنفسك يامندس

كيف زلاتكو عنده خبره بالهلال وهو اول موسم مع الاولمبي مثل كمبوارية مع الفريق الاول المشلكة ماهي مدرب المشكلة في الاعبين انخفاض بمستوى بعض الاعبين المحليين وعدم وجود محور دفاعي مميز

بالعكس الحظور الان هو الدعم المفروض للملكي....