|
فريق بدون روح ومدرب بدون مخ !! ابو فيصل ماعاد لك نفس ؟!! السلام عليكم لم اكتب الموضوع هذا عشان احارب لاعبين الهلال ولا مدرب الفريق ولا رئيس النادي ... لاكن لازم يعرف كل شخص موجود داخل هالكيان ان النادي مو ملكهم ولا نرضى كـ جمهور هلالي خاصه ان يكون داخل هذا الكيان شخص مقصر !! *عبدالرحمن بن مساعد .. لا يوجد شخص موجود بين مشجعين هذا الكيان ينكر مجهودك ومحاولتك لوضع الهلال في المراكز الاولى دايما .. لاكن مع كامل احترامي لك ،الى الان ما سويت اي شي كبير للفريق الازرق !! ما راح انكر جهدك في تطوير منشئات النادي وماراح ننساها لآنك دايم تذكرنا فيها !! الشي الوحيد اللي يعيب ابو فيصل هو فشله في التعاقد مع مدربين وغالبا يبحث عن الشي الرخيص ( ولازم نستثني جيرتس لآن كلنا نعرف ان رواتبه كانت تصرف من الاتحاد السعودي بسبب طرد كوزمين :) ) وكوزمين تعاقد معه محمد بن فيصل !! لاكن بعدها ؟ احد شاف مدرب صاحي جاء للهلال غير هالاثنين ؟؟ معناها ان عبدالرحمن بن مساعد لم يتعاقد مع مدرب ممتاز ،، واكثر شي يتعذر فيه انهم مايبون يجون السعوديه . لاكن لو دفعت اتوقع راح يجون وعلى سبيل المثال قريتس :) * لاعبين الهلال .. متهالكين في الملعب ،، لعبوا علينا وقالوا السبب سامي :) في المواسم الماضيه وللاسف بعض الجماهير صدقتهم ،،، طيب وهالموسم ؟؟ !! 11 لاعب داخل المستطيل الاخضر يلعبون بدون روح كل واحد فيهم يسحب رجلينه معه ،، دفاع كامل رايح فيها وسط ضايع وللاسف فيه لاعبين كنا نتوقع منهم انقاذ الهلال لاكن للاسف مستواهم مدحدر واولهم الشلهوب !! تعبنا وتعبنا وتعبنا واحنا نطالب ان المرشدي يجلس على الدكه تعبنا وتعبنا وتعبنا واحنا نقول الزوري بارد ولا يصلح ظهير لانه ما يعرف يرفع كوره !!! تعبت اصواتنا واحنا نطالب بالشهراني عشان يكون ظهير ايسر ، ونتفاجآ انه غصب يلعب الزوري والشهراني احتياط !!!! تعبت اصواتنا نطالب بمدافع غير المرشدي ، وتعاقدت الاداره مع المسلم واخر شي يكون احتياط !!!! * المدرب اللي اسمه كمبواريه ،،، رايي ان مستواه التدريبي انفضح مع اول مباراه قويه !!. فريق متقدم وماسك اللعب .. تتفلسف وتطلع محور نشط مثل سلمان الفرج وتدخل محور ثاني في اخر الدقايق !!!!! اخر 20 دقيقه تسلم الوسط كامل للخصم وانت متقدم بهدف واحد بس ؟؟!! ما ابي احلف لاكن اعتقد ان اغلب الجمهور الهلالي كان ينتظر هدف التعادل للاتفاق في اي دقيقه لان فيه مدرب سلم الوسط كله للخصم !! اعتقد اغلب الجمهور الهلالي بدا يفقد الامل في الدوري مع ان الوقت مبكر لاكن الوضع باين وواضح من اول الموسم كل املنا في الاسيويه. اتمنى التركيز عليها فقط ما نبي اعذار اننا ننافس على اكثر من بطوله ،، ما نبي اعذار ان الجمهور الهلالي يبي كل البطولات ،،، ما نبي اعذار اننا جمهور مايعجبنا غير الذهب !!! نبي بس التركيز على الاسيويه وننسى باقي البطولات ،، لاننا كذا ولا كذا مع هالمدرب بننساها غصب علينا !!!! |
أتفق معك في كل شيء إلا في نقطة من يدفع راتب جيريتس - الخبر كان أن جيريتس في المغرب ويتقاضى راتبه من السعوديه من شخصيه كبيره ماله دخل بفترة وجوده مع الهلال - هذا اللي أعرفه ويمقن متأكد منه تقبل التحيه |
مشكور الرد يالغالي .. بس وانا اخوك اداره الهلال ما كانت تدفع الرواتب لـ جريتس وانا متآكد من هالمعلومه :) ما انكر تعاقد الاداره معه ،، لاكن لو انهم هم اللي بيدفعون كان ماشفناه :) يعطيك العافيه |
كلام منطقي من واحد عاشق دفعه للكتابه حبه لهذا الكيان الكبير شكرًا علئ موضوعك ،،،،،،،،،، |
أتفق معك في كل شيء</B> إلا في نقطة من يدفع راتب جيريتس كيف تقول ان الاتحاد السعودي يدفع راتب جريتس لأنه طرد كوزمين من وين جبت هذي المعلومه هات دليل هات مصدر على كلامك واذ كنت متأكد من هذي المعلومه جب دليل علشان نصدق تأكد من معلوماتك |
كلام صحيح ميه في الميه وما نبي دليل 00000000000000 يا اخي من السنه الماضيه والاداره عارفه انها لازم تجيب مدرب وربي فريق مفككك00000000000000 اتمنى من ابن مساعد ونحنا نحبه ليته ما ترشح 4 سنوات ادارة الهلال كل سنوات خلاص كفايه عليك الفتره الماضيه انت يا ابن مساعد تسير بالهلال الى الهاويه صدقوني ان ترتيبنا الخامس او السادس الله يستر |
إقتباس:
وانا ذكرت المعلومه مو عشان انقص من شغل ابو فيصل .. اتكلم عن عمل الشخص وتعاقداته لم يوفق فيها خاصه مع المدربين شاكر لك ردك |
أتفق معك في كل شيء وإن شاءالله الفريق في تصاعد ,, لكن نقطة رواتب جيريتس هذه معلومة جديدة !! |
| الوقت المعتمد في المنتدى بتوقيت جرينتش +3.
الوقت الان » 11:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd