|
رب ضارة نافعه السلام عليكم ورحمـه الله وبركاته .. الان سوف يبدء سباق افضل عضو يخمن من هو المتسبب في الخساره !! ياناس والله ما دمر الزعيم غيركم بأنتقاداتكم الفاضيه الى متى تتكلمون ع فلان وعلان واحد يقول الدفاع واحد يقول الوسط واحد يقول الهجوم واخر يقول المدرب واخر يقول الاداره مثاليه !! وش دخل ياناس الاداره جالسه تسوي المستحيل عشان ترضيكم واللاعبين جالسين يحرثون في الملعب لكن قدر الله وماشاء فعل قسم بالله صرت اكره الهلال بسبب الجماهير الي تنتقد الين ينزلون الهلال درجه اولى ياليت نكبر بتفكيرنا ونبطل انتقادات لازم يكون في تحفيز للاعب عشان يدي في الملعب لكن نسب فلان ونبيه يدي داخل الملعب وربي ماراح تصير ولا عمرها بتصير لكم سنين انتقادات جربو مره وحده ولمده موسم حفزو اللاعبين حتى في خسارتهم المباراه وشوفو وقتها وش راح يسير والله انهم يتابعون المنتدى ويوم يشوفون كلامكم بيرتبكون داخل الملعب من الكلام اللاذع الي جا عليهم منكم صلو على النبي يا ناس وربي ما يصير بعدين رب ضارة نافعه مدرب اولسان وجا المباراه واتوقع ما استفاد شي من جيته للمباراه لان الهلال ما ادى في الملعب بالوجه المأمول منه وبكذا راح تتلخبط اوراقه ويبنيها على اشياء شافها اليوم ماراح يسيبها كمبواريه راح يعدل عليها في المبارايات القادمه .. اتمنى من الاداره توقف المواضيع الي تسيء بأي لاعب او اداره او مدرب والسلام خير ختام |
اسف لو في لخبطـه .. وربي اتنرفزت من بعض المواضيع الي مدري ليش سايبينها المشرفين .. :( |
النقد شي اساسي في كرة القدم : ) التطبيل هو اللي يسبب المصاآآيب ! |
ياعزيزي السبب الرئيسي في ضياع الفريق هوالإداره الهلاليه وتخبطها من زمن طويل إبتداء بالتعاقد مع مدرب فرنسي وهوحتى وإن كان مدرب جيد إلا ان اسلوبه لايتلائم مع الفريق فمشكله الهلال أن اسلوبه ذو طابع لاتيني بحت لايصلح معه اغلب المدارس الأوروبيه إلا ماندر وهذا الكلام ينطبق على جميع الفئات السنيه للهلال فكان الأولى جلب مدرب من امريكا الجنوبيه فنجاحه مع الفريق شبه مضمون واللي مهو مقتنع بكلامي يرجع لتاريخ الهلال طوال ثلاثين عام مع المدربين اللاتينيين والأوربيين وراح يتأكد من صحه قناعاتي والسلام |
خلاص لازم ننسا المباراة ونفكر في مباراة الفقر |
ياخوك قلنا نقـد مو شتم .. في نقد بناء هو الي يفيد لكن شتم باللاعبين هذا الي تسمونه نقد !! ياخوك انت وهو لو حفزنا اللاعبين والله ثم والله راح يبدعون داخل الميدان اكثر من اي مره راحت لانهم بيحسون ان الجماهير وقفت معهم حتى في خسارتهم .. لكن يوم يفوز الهلال قلنا الهلال وحوش واذا صارت غلطة مع انها تحصل في اكبر فرق العالم نلوم الجميع ونبي جيرتس ونبي رادوي وش خيلنا لجماهير المسيار !! والله انهم اوفى من اغلب جماهير الهلال يوقفون مع الفريق في ضعفه وقوته ياناس والله تعبنا واحنا نتكلم وننتقد خلو التحفيز لو مرا وحده وشوفو نتائجه .. |
والله انك كفو هذآ الي نبيه دعم الهلال بحاجتكم وقت الانكسار مو وقت الأنتصآر |
إقتباس:
هالرجال اختصر كلامي وبشدهـ ليتهم مثلك ياخوي .. |
صاحب الموضوووع تستاهل بوسه على جبينك كفيت وووفيت بموضوعك |
يبقى رائك ونحترمه تكره الهلال بسبب الجماهير التي تنتقد !!! استغرب !!!! لي عودة !!!!!! |
إقتباس:
:thumbdown |
كلاااااام كبيييييير من شخص كبييييير.. |
الفريق اليوم ماكان سيئ ... لم يحالفنا الحظ أمام المرمى ... خطأ واحد أضاع المباراة |
الكبير الله ياخوي .. والله يا متفائل في اللاعبين في المباريات القادمه وصدقوني ياجماهير الزعيـم اللاعبين حاطين اسيا في اعينهم وبيقدمونها لكم هديه صدقونـي انتم تطالبونهم بـ أسيا وتفكيرهم منصب عليها انتظرو وراح أذكركم بهالكلام .. كلنا ثقه في لاعبين الهلال |
ياخوي انت الظاهر اول مرة تدخل المنتدى.!!! بالعكس مع ادراه الهلال الحاليه من اربع مواسم كل المنتدى تطبيل واداره مثاليه ومدري ايش واي موضوع نقد ضد الادراه على طول حذف بصراحه يعني ولايزعلون المشرفين هذا الي صاير اساسا وش وصلنا للحاله هذي غير التطبيل والطبطه نتكلم في الاخطاء تقولون لما ينتهي الموسم نتكلم لما ينتهي الموسم تقولون ليش ماتكلمتوا من اول لا ياخوي خل الي يبي ينتقد ينتقد على كيفه بس باسلوب محترم يعني لما اقول اللاعب الفلاني ماينفع او مستواه اقل من الهلال مو معناة اني اسبه بعدين هذي كورة وفيها ضغط وجماهير واعلام ... الي مايتحمل الانتقاد يجلس في بيته . |
| الوقت المعتمد في المنتدى بتوقيت جرينتش +3.
الوقت الان » 07:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd