السلام عليكم ورحمة الله
هاردلك لكل
الهلااليين ، ومبروك المستوى المتطور والجميل
فعلا تعادل مرييير ومخيب للأمال ولكن ؛ بنفس الوقت كان المستوى طيب
ومكاسب المباراة اكثر من الثلاث نقاط !
منها عودة الزوري لمستواه لاحظناه امس كان بطل ومأدي دور رائع في الدفاع والهجوم
وكسب الثقة للحارس القادم لعرين الهلال عبد الله السديري
وعودة سالم الدوسري لمستواه .
وأنا اشوف مافي مبرر للجماهير عشان تهاجم الإدارة واللاعبين ،
اولاً : حنا في بداية الدوري ومن الطبيعي جداً ان المستوى مايكون 10 على 10
وخاصةً اذا كان الجهاز الفني جديد وفي لاعبين جدد على الفريق ..
وخذ لك أمثلة مثل : ريال مدريد ، الآن لعب مباراتان في الدوري وله نقطه واحدة
من تعادل مع فالنسيا في ارضه ، وخساره من ( خيتافي ) خارج ارضه !!
وقبل هذا خساره من برشلونه في السوبر .
وماقالت الجماهير ان بيريز ( رئيس النادي ) رئيس استثماري وانه يبحث عن الإستثمار فقط !!
وماقالوا اقيلوا المدرب وماقالوا اللاعبين متخاذلين ومن هالكلام
الي مايجيب الا الإحباط للاعبين ...
بعدين كيف تعاتب الفريق وانت ماتحظر تساند الفريق ؟!!؟
كيف تبغى فريقك يسعدك وانت ما تحظر له مباريات ؟
والي يقول انا مرة حظرت لمباراة وخسروا مدري تعادلوا
خلاص وشوله احظر
طيب خلاص انت لاتحظر الزعيم مو بحاجتك وانت وامثالك المشجعين !
بس مو تقعد سب في اللاعبين والإداراة وإنت مادريت بهم الا من خلف قناة الخشبيه
( الي انشاء الله عاجلا غير أجلا تؤخذ منهم حقوق بث الدوري السعودي ) >>>> قهروه أمس
واذا انتهت المباراة تلقاه ( الفيلاسوف من جمبها )
اما ان تأزر الفريق بكل الأوقات سواً خسر أم فاز ، مستواه جيد أم سيء
مو بس تظهر وقت المستوى المتواضع وتقعد سب في اللاعبين ...
اخيراً
طلب اتمنى من كل قلبي ان يسمع ( اتمنى من المشرفين الأعزاء الإنتباه للمواضيع الي ماتسوي الا مشاكل بين الأعضاء وماتفيد الفريق وخاصةً المواضيع الي فيها سب للاعبين )
بالتوفيق للزعيم في المباراة القادمه
الوضع المتطور
