|
سجلني اول مندس .... لو المرشدي ذا اول موسم نازل مستواه اوكي نصبر عليه لو الثاني مو مشكلة لكن سنين وحنا صابرين عليه ... كم مرة يعتذر ؟؟!! وفوق كذا تجرأ على هاسيك وتكلم عليه وقال انا جاهز ولعب وجاب الغايبة طيب ليه مطلوب من الجمهور يصبر عليه هالسنين وهو يستلم راتبه اول بأول ولا طوّر بمستواه انا عن نفسي اصبر عليه بس بشرط يتجمد راتبه لين يتحسن مستواه اما نصبر على حضرته وهو يستلم راتبه اول باول فلا واللي يقول انت دفعت له والا وش سويت للنادي انا اقول ان لولا هالجمهور ما كنت تلاقي شركات الرعاية تتضارب على الهلال لولا هالجمهور ماشفت احد يرأس هالنادي ويقدم اللي يقول مندس اقول له والله ماتشوف فواتير المتجر اللي كل فترة وانا خارج منه ماشفت فواتير موبايلي وباقة الهلال ماشفت الروحة والجية على مباريات الهلال واللي يقول مندس ليه ماتقول لبن مساعد انه مندس ؟؟!! كم مدرب ماصبر عليه ؟؟!! ليه ماطلعت اقلامكم وتكلمتوا عليه وقلتوا له اصبر عليه زي ما انتم تطلبون منا اننا نصبر على الزوري والمرشدي و البقية ؟؟؟؟ |
إقتباس:
أولا// منتخبات الخليج قاطبة ( عدا المنتخب السعودي ) لا يمكن بأي حال من الأحوال .. أن تقارنه بتاريخ المنتخب الإيراني .. وأنا اعطيتك تاريخ المنتخب الايراني الاول فقط .. بدون ذكر الاولمبياد .. وانت سردت تاريخ 6 منتخبات بكافة قطاعاتها اول وناشئين وشباب .. ثانيا// ليس هذا محور حديثنا .. ولكني وددت إخبارك بأن جائزة محمد نامي .. اشرف وافضل .. من جائزة مرشدينهو .. ومع ذلك لم نشاهد جمهور شد حزامك يدافع عن محمد نامي ثالثا// وش دخل صحافة واعلام الكويت والبحرين ؟؟ رابعا// لا زلت بانتظار اثباتك بابداع المرشدي أمام نجران .. خامسا// للمرة الثانية .. بالهوينا يا صاحبي .. وانتبه يطق فيك عرق ..!! |
إقتباس:
بعدين ترا اخطا في الاسوية امام الجزيرة اتوقع الاخوان يبو يوصلون لنقطة وحدة لا غير ان ماجد مستواه نازل وصبروا عليه مو سنة ولا سنتين بل سنين فليش نصبر عليه اكثر |
إقتباس:
بالدليل القاطع .. صاحب الموضوع يدافع عن المرشدي .. لأسباب غير فنية .. والدليل .. لم يثبت .. كيف أبدع المرشدي .. أمام نجران ..!! دعه يثبت .. أن المرشدي مبدع في مباراة نجران .. ومن ثم نستكمل حلقات هذا المدافع الفذ ..!! |
لاعب ممتاز مين يرحملي نضحك على بعض !! .. واضح للعيان إنو الرجال قاعد يخنبق وينكب بعد أفضل لاعب خليجي !! .. ندعم وندعم وهو ينكبنا وبرضو ندعم وبرضو ينكبنا خلاص طفح الكيل صراحة !! .. |
مشكور على الموضوع التحفيزي وأن شاالله المرشدي يرجع للمستواه المعهود |
معليش الاخوان هنا ماخذين مقولة ان لم تكن معي فانت ضدي |
اين الاعجاز الي قدمه مع نجران ابغى تقولي؟ الجمهور اغلبه مجمع انه نكبة الزعيم مدري انت تشوف الي نشوفه ولا تستهبل يفتقد لاساسيات كرة القدم استلام وتسليم الكرة عنده صفر ترى قدامنا اسيا بعد كم من اسبوع وهالاعب ماينشد فيه الظهر قال ايه معنويات وكلام فاضي عط المسلم فرصة والله العظيم انه افضل منه |
الله يوفق كل لاعب هلالي يارب وماجد المرشدي بحول الله الأ يرد على كل منتقد داخل الملعب وبدا رده في مبارات نجران والقادم احلى بحول الله والله يوفق زعيمنا الغالي يارب ياسميع |
المرشدي ورادوي معه كان نكبه بختصااار لاني مندس ولا شي انا هلالي وابي مصلحة الزعيم اولا المرشدي مكانه ليس بالهلال مع كل الاحترام والتقدير لاخوي عاشق الكاسر ... بس سكتنا كثير ع هاللاعب .. |
الحيييييييين شفت ردووود الموضوووع تكفووون ياعالم واللي بقلبه ذره حب للهلال يترك المدرب يشتغل ونبي ندعم اللعيبه وحبنا للكيان وليس للاعب أقسم بجلال الله العظيم وبكتابه المبيييين أن لاعبين الهلال في قلبي زي أسنان المشط ومانرضى أحد يتكلم في أي لاعب وحتى لاغلط أي لاعب فيه مدرب يقيمه أو يعاقبه ولازم حنا ندعمهم مهما كان ونقف مع الجميع لافرق بين لاعب ولاعب وحتى حنا هنا أخوان ومايصير بيننا كل هالكلام وبصراحه ماجد المرشدي في مبارات نجران ماعليه كلام مع جميع خط الدفاع وقفوا سد منيع للمهاجمييين النجرانيييين بالذات مهاجمين المنتخب السوري اللي هم مبدعين مع منتخبهم والله يوفق هلالنا الغالي اليووم يارب ياسميع يامجيب تفرح كل هلالي |
تسلم يدينك اخوي على طرح هالموضوع نعم ماجد لاعب كبير ونجم بمعني الكلمه............ولااحد ينكر ذالك لانعلم مايمر به الاعب من الحاله النفسيه او الحاله الاجتماعيه التي اثرت عليه واصبح قليل التركيز وكثير السرحان ...............الاعب بشر وماحدث له ممكن يحدث للاعبين الاخريين ولاتنسون الفريق كله سيئ مو ماجد بس................ الفريق مو في وضعه الطبيعي والله يوفق ماجد ويهدي سره ويذهب همه ويرجع لنا صخرة الدفاع الأول في المملكه وبقية الاعبين والله يوفقهم اليوم وتكون من نصيبهم الثلاث نقاط اللهم آميين |
هـذي المواضيع الي تفتح النفس الوقوف مع اللاعب مطلب اساسي من الجمهور الله يوفق الزعيم اليوم مع الاتفاق |
ماجد دفاع جيد ويحتاج لثقه بالنفس |
إقتباس:
برد عليك ليس دفاعا عن ماجد لكن لنا عيون ونشوف يعني في ناس تأخذ الامور شخصية ومن ترسبات قديمة ايام كان فيها ماجد المرشدي مخفق ولاعب يحتاج اعادة نظر لكن لو تابعت اول مباراة للهلال الي انتهت تعادل ما كان يرقع لمانقان الا ماجد وكل الاهداف نزلت من بين مانقان والبيشي ومع ذلك نحصل مواضيع سب وقدح في ماجد وغيره لاعب ثاني طول وقته مصاب كل موسم يصاب مره مرتين واكبر عشاقه يقول المفروض يدخل الشوط الثاني يسوي هجمه هجمتين ويساعدنا اللي هو عبد العزيز الدوسري محد تكلم عنه وعن تدني مستواه كذلك العابد وسالم وفي الاخير نجد هجوم شرس على الفريدي اللي في مباريات غاب الهلال فيها كليا كان هو الوحيد اللي يحرك اللعب وجهة نظري اتمنى الناس تعطي كل لاعب حقه ما تبخسه عبد العزيز الدوسري باصاباته وبمستواه اشوفه عبئ على الفريق ومتأكد الكل بيوقف ضد كلامي لانه محبوب مثل الشلهوب وهذا الخطأ الكبير الناس تدخل المحبه باللاعب ومستواه |
| الوقت المعتمد في المنتدى بتوقيت جرينتش +3.
الوقت الان » 09:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd