السلام عليكم ورحمه الله وبركاته

مبروك عليكم الفوز 6 والمستوى الجيد وبروز (رادوي الهلال الجديد) ويسلي الي قدم اداء خيال وصنع بشكل مميز للفرج (من قال ان ماعندنا صانع لعب؟ عندنا صانع وهداف)

ثانيا

ياسر القحطاني اعجبني الجمهور كثيرا ولهذا السبب كتبت في العنوان جمهور لايرحم لاعبيه

الجمهور يوم نزل مستوى ياسر انتقدوه (ولكن البعض بشكل جارح ) وظهر بمستوى جيد في مباراتي الفتح وهجر ولكن ما ملى عين الجماهير

ولكن في مباراة الهلال ونجران قدم ياسر مستوى واعتبره افضل لاعب بعد ويسلي

ورأينا تشجيع الجماهير لياسر ( اللاعب الي يقدم مستوى يستحق التشجيع واللاعب الي ينزل مستواه ياويله ويلاه )

ان شاءالله نشوف ياسر 2007 راجع ويقدم مستوى مع ويسلي ناقصهم انسجام بسيط بس ويكتمل القمر

اعتقد لو تم التأقلم هو وياسر راح يكون اقوى هجوم

الي ضيع نجومية الهلال ليس الهجوم ! بل دفاع الهلال اعتقد ان مانجان مستواه ضعيف ولاحد يقول للحين ماتاقلم اللاعب مشكلته في بطئه واي مرتده خطيره (يبيلها هوساوي )

اتمنى عودة هوساوي في الانتقالات الشتويه وتسريح مانجان والتعاقد مع محور دفاعي (بتقولون لي صانع لعب اقولكم ويسلي يكفي)


ياسر صنع هدف وسجل هدفين وهو وويسلي ترتيبهم الثاني مكرر مع تيجالي

احصائيه لويسلي في اخر 4 مباريات (من بدايه هالموسم )

سجل 5 اهداف صنع هدفين وعارضة

اتمنى يبقى على هالمستوى ويعجبني اللاعب الي يلعب بذكاء وهدوء وقليل من البرود (مو مثل الفريدي بروده زياده عن اللزوم)

ولو شاهدنا عارضة ويسلي في اول المباراة ماحد كان يتوقع انه يشوت ! لكن شاهد الحارس متقدم وسدد بطريقة ذكيه (نظرة ثاقبه عن ما يدور حولة)

وهالشي يفتقدونه بعض اللاعبين والزوري منهم (فهاوه)

مستوى الهلال لا بأس به اول الشوط وجيد الشوط الثاني مع اكتمال التأقلم بين ياسر وويسلي

ياسر الشهراني ااخ مادري ليه ما يلعب اساسي!! لاعب حركي مكينة بوسط الملعب يدور الكورة + المسلم صخرة دفاعيه مادري ليه ما يشركة اساسي !

اخيرا (مع عودة الغنام في المحور الدفاعي راح يضبط مستوى الزعيم ان شاءالله


اخيرا خفو على اللاعبين شوي

والسلام عليكم ورحمه الله وبركاته