|
ياسر راجع...يحتاج وقفتك معه يابو فيصل اولا مبروووك عودة الفريق للطريق الصح طريق الفوز والضرب بالنتايج الكبيره والاحلى ان فريقنا توفق في مهاجم برازيلي خطير وفنان يعرف طريق المرمى بكل مهاره والحمد لله صار عندنا هداف نعتمد عليه بعد الله في حسم المباريات لكن اللي ابغى اتكلم فيه خاص بمحبوب الهلاليين نجم آسيا ياسر القحطاني والله كلنا فرحنا ببداية عودة القناص لمستوياته اركز على كلمة بدايه العوده ياسر يحتاج الوقوف جنبه علشان يسترد مستواه ومكانته الاولى كسيد المهاجمين السعوديين ياليت من المباراه القادمه مع الاتفاق يلاقي دعم جماهيري كبير لان الكل عارف ان ابو عبدالعزيز مشكلته نفسيه اكثر منها فنيه ،اللي حصل لياسر من مدرجات الحقد مستحيل يستحمله أي لاعب مهما كان صبره . اتمنى من سمو الامير عبدالرحمن بن مساعد وهو صاحب احساس مرهف ويقدرمعنى المشاعر والاحاسيس اتمنى منه مخاطبة الرئيس العام لرعاية الشباب في موضوع الهجوم على كابتن فريقنا بل كابتن المنتخب من مدرجات الحقد والحسد والكراهيه اتمنى يكون دور الاداره ايجابي وفعال في موضوع ياسر واكبر مثال احتراف ياسر في العين رددت جماهير الوحده العبارات التافهه وعاقبتهم لجنة الانظباط في الاتحاد الاماراتي وعاش ياسر موسم كامل نظيف ونقي وكانت النتيجه ابداع من القناص حقق بسببه ياسر الدوري بكل سهوله مع العين ،،يعني لو يلاقي ياسر نفس الحمايه من لجنة الانظباط في ملاعبنا اكيد القحطاني رح يرجع لمستواه ورح يفيد المنتخب حتى ولو قال ياسر انه اعتزل دوليا انا متأكد ان ياسر اذا استمر في مستواه الرائع رح يرجع لقيادةالمنتخب. اكرر ياسمو الاميرياسر غادر للامارات الموسم الماضي بسبب انعدام الراحة النفسيه تكفون لاتخلون نجمنا الكبير يحاربهم لوحده اوقفهم ياسمو الامير عند حدهم علشان نستمتع مع الهداف الكبير. |
الله يوفق ياسر مع الهلال والجمهور واقف مع القناص |
لحد الان ماااسمعنا اصوااااااات النشااااااز هذي..... وذا سمعناها بالمدرجاااااات اتمنى فعل شي لحماااااية انساااااان مسلم قبل لايكون لاعب... |
لا مشكلة نفسيه ولا فنيه ، ياسر لاعب ذكي ويعرف يطلع من اجواء النقد و المحاربه احنا لازم نساند الفريق كله مو بس لاعب واحد بالتوفيق للزعيم <3 |
ياسر 2007 سيععود ياسر يحتاج وقفتكم معه .. _____________________________________________________________________ أنا مصمم هلالي بسيط .. أنشئت هذه الصفحة لأريكم تصاميمي عن الملكي .. طموحي عالي .. أتمنى منكم دعمي ويشرفني متابعتكم لي يازعمااء ♥ رابط الصفحة : https://twitter.com/Hilal_Designer |
بارك الله فيك على هالموضوع المهم والحساس يجب ان نقف مع ياسر والفريق كله ويجب على الادارة الضرب بيد من حديد على كل مايسئ للهلال ونجوم الهلال ولاتنسوا الحضور ثم الحضور ثم الحضور الاثنين الجاي امام الاتفاق |
إقتباس:
اعتقد ان احتراف ياسر في العين اكد للجميع ان ياسر كان يتعرض لحرب نفسيه وماحد ينكرها وبعدين ياخي انا ماقلت شجعوا وياسر واتركوا الفريق ولكن ياسر يتعرض لحرب قذره لازم نوقف معه وفي نفس الوقت نشجع الفريق وما اعتقد ان فيه تعارض بين تشجيع ياسر وتشجيع الفريق ككل. |
آتمنى ياسر يكون لاعب هلالي فقط ؟؟ عذرآ يآوطني فانت لا تستحق كابتن بمقام ياسررر ؟؟ ياسر وهو كان في العين ولعب مع المنتخب اخر 10 دقائق حطوِ علىَ راسه الخساره ؟؟ كنهَ دفاع! يآآآسر آتمنى مايلعب للمنتخب والمنتخب من اسوى للسوى وربي مبتليهم في نوياهم الشينه على ياسر وانا بصراحه صار مايهمني يخسر المنتخب ولا يفوز (دام الجماهير جماهير انديه مو جماهير وطن) متحمل ضغوطهم من 2006 آلى 2012 مالومه لو اعتزلَ .. |
أتمنى انك ماكتبت الموضوع لان فيه بالمنتدى للاسف ناس ماتفهم اذا قلت وقفوا مع ياسر يظنون اننا سنترك الفريق على العموم الامير ماراح يقف معه الا اذا كان لاعب اجنبي او من المقربين له ياسر مثل ماقال ابوه المشكله ماهي بما يتعرض له ابني المشكله بعقليات هالجماهير سواء لابنه اوغيره ...يعني واعيباه يضحكون علينا البشر والان اعتقد لجنة الانضباط تتخذ العقوبات اذا اساءت الجماهيربنقل المباريات ولافيه شئ الان ............وهي حاجه قديمه عفا عليها الزمن عاد القرني الله يعافيه ولايبلانا ليته راعي بنات تهون الاراعي .......احم احم باسكت |
شكراااا اخي لكن ياسر عنده حصانة باذن الله والادارة راااااح توقف مع ياسر كلنا ياسر ومن خدم الهلال فحنا خدام له |
ابو عزوز راجع راجع وبقوه . . وم يحتاج الا وقفتنا احنا . . جماهييييييير الزعيم راح نشجعه , ونحمسه . . عشان تردله ثقته بنفسه ياسر لاعب كبييييييير . . بس حنا اللي ضيعناه زمان . . وبأذن الله راح يرضي الجميع بمستواه ه السنه بس احنا لازم نأزره ونأقف مع لآعبنآ . . * عسى ربي يوفقه ويبعد عننه ككككل مكرووهه . . :smilie47: |
إقتباس:
صارت الجماهير ماتعرف مباديء التشجيع لكن ماقول لهذه الثله من الجماهير غير (ياسر عاد وستنـــدمون) و (الملكـــي الاول وسيظل الاول) :naughty::s4s: بالتوفيق للملكي دومــا :alzaeem: يعطيك العافيه |
اشكركم على مشاركتكم في الموضوع مانقول الا ياليت لجنة الانظباط يفتحون اذانيهم مزبوط في مباريات الهلال علشان مايطلعون يقولون ماسمعنا شيء . |
يعطيك العافيه ع الموضوع وبالتوفيق لـ ياسر ولجميع اللاعبين |
أشكرك أخوي على هذا الموضوع وياسر يستاهل اللي يدعمه ويردد أسمه تكفون اللي يقدر يوصل الكلام لتركي الهديب بالتويتر وترديد أسم ياسر بالدقيقه20 ياسر محتاج لدعم ومحتاج أن الجمهور يوقف معه والله يعينه ع جمهور الفقر بعد أسبوع واللي يقدر كذلك يوصل بالتويتر للأمير عبدالرحمن بحماية لاعبين الهلال ومخاطبة لجنة الأنضباط وعدم السكوت والمثاليه الزايده اللي راح ضحيتها لاعبين الهلال وأولهم ياسر وأذا لم تتحرك لجنة الأنضباط يجب أيصالها للأمير سلمان ولي العهد وبإذن الله يوقفهم عند حدهم |
| الوقت المعتمد في المنتدى بتوقيت جرينتش +3.
الوقت الان » 08:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd