الفريق كامل لم يظهر بالمبارتين

وياسر ماقصر في مباراه هجر

شكرا على موضوعك يا غالي ..

ياسر يظل لاعب كبير ونجم رغم أنوف الحاقدين ..



.. آخر أخبار زعيمنا .. ونقاشات بين الزعماء ..

.. مسابقات ترفيهية .. جوائز ..

[email protected]

.. للأنضمام قم بأضافته في المآسنجر ..

ياسر القحطاني جمهوره جمهور الزعيم

لاعب يعد من افضل المهاجمين في اسيا ويجي لي مشجع مايعرف حتى وين مركز ياسر وينتقده لانه فقط وببساطه مع الخيل ياشقرا او يسمع الاعلام الاصفر ويصدقهم

انا كمشجع ما ارضى اي واحد يتكلم على اي لاعب هلالي مادام لابس القميص الازرق فمشجعين الملكي كلهم معه يدعمونه حتى يدعم الهلال بإمكانياته

ياسر يمكنه مو ياسر 2007 لكن مستواة أنا أشوف أنه كويس

مع العين رغم أنه جته إصابه حرمته كثير من الجولات إلى أنه سجل وصنع وقدم الكثير ماساء الله تبارك الله

حتى في المباراة النهائية لدوري الإمارات الشقيق قدم ياسر مستوى رائع جدا ويكفيك أنه سجل هدفين بالنهائي

حتى ياسر قبل يروح للعين كان كويس ومستواه جيد لدرجة أنه الموسم اللي قبل العين كان مسجل 11 هدف بالدوري رغم أنه كان مسوي عمليتين بنفس الموسم بكاحل القدم والعضلة الضامة

وبعدين ياسر ماشاء الله من اللاعبين القلائل اللي يجيد التحرك دون كورة

والتحرك دون كورة هذا هو اللي يعطي المجال للاعبين القادمين من الوسط لتسجيل الأهداف

زي أيام جريتس أتوقع لولا الله ثم وجود لاعب بحجم ياسر كان ماشفنا الوسط بارز وما أنساها الشلهوب الهداف وكل من ولي ونيفيز أكثر من 9 أهداف

ياسر لما يشغل المدافعين يعطي باقي اللاعبين أريحية في التقدم والتسجيل ومافيه أحد بالسعودية إلى الأن يجاري ياسر القحطاني

وماشاء الله بداية الموسم تبشر بالخير بأذن الله ناول وصنع وسجل ومؤدي ماعليه

ياسر يجيد التسجيل بالرجل اليمين واليسار وبالراس وماشاء الله ولا قوة إلا بالله حتى الكور الثابته يجيدها

ياسر أو أي مهاجم لازم يكون عنده صناع لعب على مستوى عالي بعدها ننتقد وياسر بفترة تواجد التايب قدم أفضل مستوياته

ولازلنا ننتظر من ياسر المزيد وأتمناله وباقي اللاعبين دوام التوفيق

شكرا على موضوعك يا غالي ..

ياسر يظل لاعب كبير ونجم رغم أنوف الحاقدين ..

هات صانع لعب زي الناس وخل لجنة الانضباط تتخذ قرارات صارمة مثل لجنة الامارات وتشوف ياسر هو اللاعب الساحر الماهر الشاطر اللي عهدناه اما تقول ما قدم وانت ما وفرت المتطلبات في ظل معطيات ذات امكانيات بسيطة مع منافسات شرسة من منافسين فلا تطالب نجم كبير يواجه لعبه اعلاميه قذره صدقها جهلاء جماهير النادي في الآونه الأخيره وانت اخي العزيز حكمت والمنافسه في بدايتها ومن خلال مباريتين اعتبر ذلك جهل او حرب شخصيه مع لاعب نجم يعتبر آخر جيل العمالقه في الوقت الحالي مع الشلهوب .تقبل فائق احترامي

مشكور اخوي كلامك في الصميم لكن ملاحظة بسيطة إذا كان الفريق كامل ما قدم آداء مقنع كيف تلوم ياسر وحده

ياسر يبقى افضل مهاجم من وجهة نظري ووجهو نظر الجماهير الهلاليه والغير هلاليه ياسر لايختلف عليه أثنان ولكن الذي يفتقده ياسر هو صانع اللعب رأيناه مع كوزمين بالعين كيف كان هذا لأنه عرف كوزمين كيف يوظفه وكيف كان اللاعبين يصنعون الكور له ولكن الأن عندنا لاعبين مهاريين لكن طغت عليهم الأنانيه كيف تبغى ياسر يبرز وهو من يتحرك ولكن دون جدوى لكن الأمل من بعد الله باللاعب لوبيز يشكل ثنائي خطر ومتفاهم

البعض يقول انه كان بالعين كويس ..
هل تعلم انه لم يسجل بالعين حتى المباراة ماقبل الاخيرة سوى 4 أهداف ...!!!
هل تلك حصيلة مهاجم جيد ...!
اما مسألة عدم وجود صانع لعب سنرى ماذا سيكون راي البعض عندما يسجل ويسلي او حتى الكوري الاهداف تلو الاخرى

اتفق معك ياسر الحين مكانه الدكه وينزل في حاله الاصابه او اخر ربع ساعه او يستفيد منه النادي في بيعه ..خلاص اعتقد ياسر انتهى

متى شفت ياسر ؟؟
كل المبارايت اللي لعبها الفريق مباراتين ..
ومستوى الهلال كله نازل ...


وياسر كان مبدع .. يكفي تصليحة الكوره لعبدالعزيز الدوسري .. والهدف الفاول ...


ياسر لاعب مميز ومتمكن متى ماتوفرت له الكرات المناسبـه ..
وقاعد على قلبك ..

صراحه انا ما ادري على اي اساس قيمت ياسر مع انه لاعب مباريتين فقط الاولى كان كويس

والثانية كان مستواه عادي مع الوسط كان سيئ ولا يدعم الهجوم موضوعك هذا ماله اي فايده

انت تحارب ياسر بس ولا تدعم ياسر لا تحكم على ياسر الا بعد 10 مباريات ليش ما انتقدت

سالم الدوسري ماجد المرشدي حسن العتيبي ........

إقتباس الرسالة الأصلية كتبت بواسطة Econ البعض يقول انه كان بالعين كويس .. هل تعلم انه لم يسجل بالعين حتى المباراة ماقبل الاخيرة سوى 4 أهداف ...!!! هل تلك حصيلة مهاجم جيد ...! اما مسألة عدم وجود صانع لعب سنرى ماذا سيكون راي البعض عندما يسجل ويسلي او حتى الكوري الاهداف تلو الاخرى

اربع اهداف بس سجلها ياسر مع العين انت متاكد انك كنت تتابع العين

يمكنك كنت تتابع الجزيره ..... والله شوف ياسر افضل مهاجم

وما اتوقع في احد حاليا مثل ياسر او لاعب مثل ياسر ......

إقتباس الرسالة الأصلية كتبت بواسطة الهلالي بأمر الله متى شفت ياسر ؟؟ كل المبارايت اللي لعبها الفريق مباراتين .. ومستوى الهلال كله نازل ... وياسر كان مبدع .. يكفي تصليحة الكوره لعبدالعزيز الدوسري .. والهدف الفاول ... ياسر لاعب مميز ومتمكن متى ماتوفرت له الكرات المناسبـه .. وقاعد على قلبك ..

شكلك شفت مباراه غير اللي شفنا اللي صلح الكوره لعبدالعزيز الدوسري سعد الحارثي والله يعين كاتب الموضوع من عشاق ياسر لانهم يعشقون لاعب فقط لايعشقون الكيان ودمتم