|
انظرو ماذا فعلتم بنجووم الزعيم السلام عليكم ورحمة الله وبركاته وكل عام وانتم بخير لاول مرة يخلوو منتدى الهلال الملكي من تهافت نجوومه في تهنئتنا بالعيد في العام الماضي كان اغلب اللاعبين نجوم الهلال يهنئوننا بالعيد السعيد ومنهم سامي وياسر والغنام والمرشدي والعتيبي وعزوز ... اما الان فاتوقع ان نجومنا بادووا بتحاشي هذا المنتدى لما نراه ونقرءه كل يووم من كلمات لم نكن نتوقعها من جمهوور الهلال كلمات ليست نقد وليست ابراز سلبيات اللاعبين بل التطاول على النجووم اذا كان الفريق لم يظهر بالمستوى المطلوب في المواجهتين السابقتين فليس من الضؤوري التجريح باللاعبين. ونحن على اعتاب بطوله اسيا بطوله نتمناها من امد طويل. نعم النقد مطلوب ولكن لا ان نصل الى مستوى جماهير الفرق الاخرى التي ترفع الفريق وقت الانتصار وتغرقه شتما وقت الهزيمه اخواني الزعماء ما اراه واتوقعه لايخرج من امرين إما ان اللاعبيين يحسوو فينا وينتشي الفريق او تكوون سلبيه للفريق ككل وتنهدم امانينا وتذهب ادراج الرياح خاتمه...... اذا كنا نشيد بالزعيم وقت الانتصار اذا يجب الوقوف معهم وقت الانكسار |
كل عام وانتم بخير العيب مو في الاعضاء العيب في الإدارة الي تاركة كل من هب ودب يكتب موضوع المندسين تاركين انديتهم ويفحطون في منتدانا بيديهم ورجليهم ولا حسيب ولا رقيب ماخلو ولا لاعب في حاله تحس انهم يتكلمون عن فريق في دوري الدرجة الثانية لكن ان شاء الله رد الزعيم عليهم في الميدان بعد العيد وبتشوف شلون وقتها كيف ينحاشون كأنهم صراصير مبخوخ عليهم بيف باف وارجو من الادارة ترجع للسياسة القديمة ويكون منتدى الزعيم للزعماء فقط مو منتدى لجلد اللاعبين دمتم بخير |
مع السلامة الي ما يتعلم من أخطاءه ولا يقدر الشعار الي لابسه فما عليه حسافة الكيان باقي واللاعبون يتغييرون ومع ذلك اقول جمهور الهلال مقصر في حق نادية بناء على انجازات الفريق |
كلامك سليم وسبق ان طرحت مووضوع ساابق في عدم التجريح باللاعبين والاداره نعم اسيا على الابواب ولازلنا نجرح في اللعيبه |
هذه الصحيح الوقوف بجانب الفريق وكل عام وانتم بخير ومنتصرين |
المفروض كتابة المواضيع تتابع بدقه اي يتابع الموضوع من الاداره قبل النشر .. والله خسرنا اشياء كثيرة وتعبنا نفسية الاداره والاعبين .. حتى الصحف قامت تخذ ارى الجماهير من هنا .. وتاخذ السيى منها والذي انا والجميع يعرف انه لاياتي من محب للهلال ياتي من مندس .. او من شخص له هدف شخصي .. |
مآهنـنآ بالعيـد الا محمد الشلهوب ابو بندر وهاذي مانستغربهأ على الموهوب >لاكن الي تقول ان المندسين يدخلون ويطلعون على كيفهم ؟ اسئل نفسك قبل تقدر تسكت جمهورك قبل المندسين ؟! >انا ابصم لك بالـ 1000 لو بدخل واجلس انتقد لاعب بطل مثل (عزوز الدوسري) بيجونك كل الجماهير الهلاليه ينتقدون ؟ >للاسف صار جمهورنآ كلمه توديه وكلمه تجيبه > حتى المندسين فيه مندسين بمواقعهم ؟ بس مفتحين عقولهم ؟؟! >اي مندس عندهم يجدع كلام وينتقد مايعتبرونه شي موب مثلكم كل ثنيه منزلين مواضيع تافهه وانتقاد واحيآننآ توصل للسب اقسسم بالله العضيم انصدم لما اشوف هلالي يسبب لاعبينه خير ؟ فيكم نقص تبي تجلس تسب ياخوي لاتشجع الزعيم ؟؟؟؟ الزعيم في غناء عنك وعن اسلوبك الساذج حطمتو العيبه اقسم بالله اتكلم من حرقه (المندسين مالومهم لو سوو فينآ كذأ) يشوفون الجماهير على الشيله واكيد بيسوون كذا ليش هم ماقاطعو فريقهم وهو مبتعد عن البطولات فوق 10 سنوآت ؟؟ اي فريق يخسر ومن حقك تنتقد وتقول الي في قلبك بس كل شي بحدود بدون تجريح وتحطيمم الاعبين بشر ويحسون ختآمأ اقول لا تلومون العيبه الي تركوأ النادي لو انا محلهم اروح العب في الشعله ولا العب مع الهلال وش الله حادني سب وشتم وتحطيم وكل ثانيه موضوع بعنوان تافه هذآ موضوع بالله (الي مايبي المرشدي يتفضل) العنوان باين انه متخلف تدخل تشوف سب وشتم وبالاخير الملعب فاضي مسوين زعلانين على الفريق واذا انهزم حط حيله بالكتابه والسب والشتم > ماقول الا الله يهدي الاداره المتخصصه في الموقع يآآرب (وكل عآم وآنتم بخير وعيد سعيدعلى المسلمين اجمعين) وآسفينَ آذآ في كلامي شيَ غلطَ .. >مشكور صآحب الموضوع >(تحيآتيَ) |
معـك حق وانا صرآحة لأحظت هذآ الشيء لـكن صحيح المندسيـن لهم دور كبير والجمآهير الهـلالية عآطفية وتبكي على المآضي مـع ان المثل يقول لا ينفع البكاء على اللبن المسكوب وكلام في الماضي نقصان بـ العقل لكـن ان شاء الله تكون هنآك مرآقبة دقيقة لمآ يكتب وينشر هنآ وانا كنت آكتب هنآ بعضوية سابقة ومدافع عن الـزعيم وآحامي ضد الفرق الآخرى وفي الأخـير تم حجب عضويتي للأبد بسبـب آني اتطآول على الفرق الثآنية معـ ان المعآملة بـ المثل كـل عآم وانتـم بخير ... وتقبـل الله منآ ومنكم صـالحـ الااعمآل |
اتفق معالك اخوي مية بالمية ايه والله هم السبب حنا قلنا انتقدو نقد بناء مو انزلو تجريح باللاعبين والمشكلة حنا ع اعتاب بطولة اسيا وبذي الطريقة خايفة نفسية اللاعبين تتدمر ع عموم مشكور ع موضوعك الجميل والي جاي ف وقته وياليت الكل يستفيد منه لازم نوقف مع فريقنا ف الفوز والخساره وان شاءالله يحققون مرادنا كل التوفيق لزعيمنا الله يعطيك الف عافية |
وارجو من الادارة ترجع للسياسة القديمة ويكون منتدى الزعيم للزعماء فقط مو منتدى لجلد اللاعبين |
بالعكس اللي حصل في الهلال بالجولتين السابقة عادي ويحدث صحيح فيه انتقاد بالمنتدى لكن اكثرة على لاعبين محددين وليس على الفريق ككل الجولة والجولتين وحتى لو الثالثه مي نصيبنا عادي وتحدث لكن اتمنى مانفرط فيها لكن اكثر الانتقاد بمنتدى الجمهور الهلالي هوا للاعبين بأسمائهم كالمرشدي والناس صبرت عالمرشدي مو جولتين ولا ثلاثة بل سنتين أو ثلاثة ومن حفرة لدحديرة وياقلب لا تحزن |
- جميل ما كتبت اخي ونحن بهذا الاسلوب الاستفزازي في النقد ننقض صرح الزعامة حجرا حجرا..!!!!!! اسال الله الهداية لي ولكم ولجميع المسلمين |
اقول بختصار شديد اللاعبين لم نتعرض لهم عددهم 30 لاعب لم ننتقد سوى 5 لاعبين و بالاسم وكلنا كهلاليين لا يرضينا مستواهم لذا متفقين حولهم و انتقادنا كان لأداهم !!!! ياخي تبين كل شئ تمام !!! علشان تفرح !! والله العظيم مايصير تضحك على نفسك و علينا !!!! ياخي لاعب مبارتين فقط مع الهلال و سوى لحاله فرق وقعدين نمدحه ونشجعه ونسال الله يحرصه من العين !!!! الشهراني !!! |
البقاء للافضل وليس للاسوأ |
مآهنـنآ بالعيـد الا محمد الشلهوب |
كل دقة تعليمه ان شاااء الله تصحصح الاخطاااء داااااخل الناادي ... |
إقتباس:
كلام سليم و هذا ما يجب علينا عمله :smilie47: |
صح كلامك واستهتار الاعبين واللعب بدون روح هو من وضعهم بما هم فيه الان خل قلوبهم تطلع |
كل عام وأنت بخير , عيد سعيد على الجميع ,, والله أنا أحمل كامل المسئولية المشرفين على منتدى الجمهور الهلالي لأنهم سمحوا للمراهقين بسب اللاعبين علانية , وللمعلومية أنا هذا المنتدى الكبير يقرأه الهلالي وغير الهلالي والسعودي وغير السعودي , طلب بسيط للمشرفين : أن المواضيع التي فيها تجريح للاعبين أن تحذف مباشرة . |
والله اني مشغوله وقلة نوم ومع هذا دخلت المنتدى اشوف اخبار زعيمنا الملكي وتهنئيه نجومه لنا كالعاده لكن تفاجات يوم ماشفت الا الكابتن الخلوق محمد الشلهوب وكلامك ميه ميه ترو الله هم بشر ولايمكن يرضون لانفسهم الاهانه عشان كوره وعشان ان فيه جماهير استباحت الحرام من اجل انهم يحبون الهلال نعم كلنا نحب الهلال لكن ترو اللي يلعب في الميدان بشر مثلنا ولايمكن تهون عليه كرامه وعرضه ولايمكن يهني وهو يسمع السب والشتم لمجرد انه تراجع مستواه او اخطى |
نسيت اقول كل عام وانتم بخير بحول الله من مباراه نجران تكون عودة هلالنا |
والله في ناس مادري وش تحس فيه !! يعني اذا انتقدنا لاعب لايحس في الجمهور ولا في النادي ويلعب بكيفه وبمزاجه وكل يوم طلع لي قدام فلاش الا بنتقد فيه ويجب عليه احترام الكيان الهلالي انتقده لمصلحة الكيان اولا والكيان الهلالي فوق الجميع بلااستثناء لاكن اتمنى تتركون المجاملات ونعطي كلآ ذي حقا حقه مو لاعب مثل المرشدي تجي تقارنه بـ عزوز الدوسري ولا الشهراني الي يلعبون ويتحركون في كل مكان |
إقتباس:
هههههههههههههههههههههههههههههه كاتب الي مايتعلم من اخطائه ماعليه حسوفه ياخي انت جالس بالبراد وتكتب الاعبين يجتهدون ويبذلون الجهد والفوز والخساره توفيق من الله وصدقني لو تركناهم ولا تكلمنا وجرحنا فيهم بيبدعون بعدين ماتلاحظ ان الجمهور ماعاد يحضر بالملعب حاسبوا انفسكم وبعدين حاسبوا الاعبين وانا اولكم المفروض نحضر للملعب ونصبر والابداع جاي |
يقولون الهلال بيئه طارده للنجوم وانا اقول المنتدى سبب في هذا ياخي الاعب بشر انا لو اني لاعب بالهلال اكيد اني بروح للملعب وانا ناوي احرثه حرث ولما تجيني الكوره واتذكر ان فيه جمهور يكتب عني وشان هجوم علي بتلخبط واحوس اووم الكوره غصب عني شي نفسي بس لما اتذكر انهم بيوقفون معي ويشجوني لااا نفسيتي بتكون تمام وتقل اخطائي |
كلامك منطقي وانا ضد النقد الذي يصل للتجريح الشخصي والغيبة والاستهزاء يا اخي احدنا لا يرضئ ان يقال له مثل هذا الكلام كيف اجل نرضئ علئ انفسنا ان نسلط السنتنا علئ الناس الواحد يخاف ربه ويمسك لسانه ،،،،، |
كل عام وأنتم بخير افتقدنا معايدتهم في المنتدى ونتمنى أن تكون عيديتهم لنا تحسين الصورة بدءا من مباراة نجران القادمة إن شاء الله !! |
عملت قصة قصيرة مع زملائي لأكتشف مقدار الضرر الذي يلحق بلاعبين الهلال من بعض المندسين وبعض الجماهير الهلاليه المراهقه واللتي مع الخيل يا شقراء في منتدى الزعيم فقلت لهم التالي : أنا على أحد منتديات الأندية السعودية والسؤال هو لأي نادي يتبع هذا المنتدي واللي يجاوب على السؤال بطاقة شحن أبو 100 . ثم بدأت أقرأ لهم بعض الأطروحات هنا في المنتدى والتي فيها سب وشتم ولعن للاعبين هلاليين وطلبت منهم إجابة واحدة فقط وجعلت لهم خيارات : منتدى النصر ـــــ الإتحاد ـــــ الأهلي ـــ الشباب ـــــ الهلال ولأن الجائزة مجزية فعلى الفور إستبعدوا منتدى الشباب والهلال لأن من غير المعقول أن يكون هذا السب في منتدى الهلال إستحاله بالنسبه لوجهة نظرهم وكذلك الشباب المهم وبعد جدال وأخذ ورد بعضهم إختار منتدى الأهلي وآخرون منتدى الإتحاد ومعظمهم إختار منتدى النصر ولحسن حظي لم يحصل أي منهم على الجائزه لأن ولا واحد منهم جال بخاطره أن يكون كل هذا السب في لاعبي الهلال بمنتدى الهلال . حتى أن أحدهم نصراوي قال الله يجزاهم خير حملوا عنا هم تطفيش لاعبي الهلال وبكذا نضمن يخرجوا بدري من الآسيوية وقال لي بالحرف الواحد والله ياهذا الخبر أفضل عندي من جائزتك تابع خويي النصراوي بقوله ووالله ياالهلاليين ما عاد تقوم لكم قائمه وأنتم بهذا الأسلوب مع لاعبيكم فهو نفس أسلوبنا نحن النصراويه مع لاعبين لذلك إنسوا البطولات . هذا هو حال منتدانا للأسف والحجة عندهم نريد ننتقد ومن حقنا ننتقد يا عالم إعرفوا معنى الإنتقاد أولاً ثم بعد ذلك إنتقدوا إعرفوا الإستحقاقات التي سيقدم عليها ناديكم وأهميتها ثم بعد ذلك إختاروا الوقت المناسب للإنتقاد الله يهديكم بس ويوفق الهلال في القادم من البطولات . |
انا مع الاعبين في الابتعاد عن هذا المنتدى لان فيه وتجريح وانتقاد في كل شارده ووارده لللاداره والاعبين |
شكرا لك يا غالي انا معك في دعم الزعيم بكل الطرق لكن هذا لا يتعارض مع النقد البناء للسلبيات التي في الفريق دون التجريح في الاشخاص و فيه الكثير منها لا داعي لذكرها و بالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 02:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd