|
جمهور ( الهلال ) اثناء المُباراة بين السخط و الاحتفاليه .. موضوع مهم جداً لـ رواد بالملعب السلام عليكم و رحمة الله و بركاته كل عام و انتم بخير ، اعاده الله علينا بالمسرات و العافيه اليوم موضوعي مهم لـ كل الجمهور الهلالي الحاضر للملعب لمؤازرة الملكي في المباريات القادمه :smilie47: اعلم يقين العلم بـ ان معظم الجماهير الهلاليه غاضبه على الاعب ماجد المرشدي بـ شكل عام و بعض الآخرين بـ شكل خاص لكن اثناء المباراه لابد من نِسيان هذه الأمور تماماً فـ من الخطأ الشنيع جداً جداً جداً اطلاق صافرات الأستهجان على اي من لاعبين الهلال او وصف احدهم بالغبي او ما شابه , مهما كنت تغلي من الداخل لابد ان تذكر ان حُب الهلال اكبر ، بتصرفاتك هذه لن تكون مُشجعاً بالتكون احد الأسباب في تشتيت الاعب داخل المُباراه يوجد مثل امريكي اكاد أُجزم يتبعه كل امريكي و هو ( Feedback is the breakfast of champions ) المعني به هو ان ردود الافعال او التشجيع هي غذاء الابطال .. فـ ازروا ابطالنا يا زعماء :smilie47: و لنا في الدوريات الآروبيه خير مثال .. اذا فقد الاعب الكره او لم يُحسن التعامل تجد الجميع يصفق و يسانده ، بالعاميه ليه ما نصير زيهم ؟ .. يعني تعالوا نحسبها سوا فرضا اي لاعب اخطأ بالمباراة و اطلقت عليه عبارات بصوت مرتفع ووصفته بأشنع الصفات .. تتوقع انه بيتحسن أدائه ؟ طبعاً لا بيتحطم نفسيا .. على العكس لو صفقت له و كملت تشجيع الاعب بدال ما يتحطم داخلياً بيجيه شعور جداً قوي لـ اعطاء كل مالديه .. أنت بالاخير تبي الفريق يفوز مو يتحطم بالعربي مو وقته تقولها بالملعب ! أتمنى من كل قلبي الرساله تكون وصلت و لو لجزء بسيط من الحاضرين لكم مني كل الشكر :ba::ba1: |
لن نصير مثل الاوربين ابدا . . . . لان ما عندهم واسطة تخلي لاعب ثلاث سنوات يفتقر لابسط ابجديات اللعب كمدافع ويلعب اساسي يالغالي صبرنا على ماجد . . . ما اثمر . . . والله العظيم شجعنا ودعمناه ودعمنا تعدى الوجبات الثلاث Breakfast, lunch, and dinner ولافاد لانه لا يملك الموهبة و لا يملك قلب يحس !!! طيب اقولك العلم الصحيح وشو له اروح الملعب واصفر و استهجن و انا اعرف ان فيه لاعب مثل ماجد بغيثني !!!! اقعد بالبيت ابرك لي !!! اقولك هنيا لك بمثل ماجد وخلني انا و من مثلي ممن مل صبره نقعد بالبيت و اشوف المنظرين من امثالك بيحضرون الملاعب !!!! الا هرج وتنظير . . .!!!! . . . !!!! واعذر صراحتي الدفشة . . . تراني خارج اطواري من ماجد وربعة !!!! |
ماجد انسان ينرفز فاشل ماعندة طموح نكبة وش تبي نسوي لة نحب راسة |
إقتباس:
كل الي بوصله ان الجمهور اثناء المُباراة بدال ما يصير نقطه تُحسب للفريق ..يتحول لنقطه تشكل ضغط على الاعبين .. اتمنى نتلافاها |
إقتباس:
|
الهلال يحتاج إلى تغيير جذري وإعطاء الفرصة للاعبين يتشوقون للعب وتقديم ما لديهم والاستغناء على لاعبين أخذوا فرصتهم وفرصة غيرهم وأتكلم هنا عن ماجد المرشدي وحسن العتيبي بالذات وقد يكون معهم عبدالله الزوري فهؤلاء لن يتطور مستواهم اطلاقاً ..!! لدينا بدلاء لديهم القدرة على تعويضهم والتفوق عليهم كيحيى المسلم وياسر الشهراني وعبدالله السديري أو خالد شراحيلي ..!! فإذا لبت الإدارة مطالب الهلاليين المتكررة في هؤلاء اللاعبين ستجد المدرجات عامرة ولن يكون لهم حجة بعد ذلك وسيكون هناك تشجيع أمريكي ومكسيكي واسيوي وستهز الجماهير الهلالية المدرجات كما فعلت في أوقات سابقة ..!! |
إقتباس:
|
ياليت نشوف يحيي المسلم اساسي علشان يتعلم ماجد المرشدي ان المشاركه اساسي يبيله شغل |
في الصميم يا الغالي رحم الله والديك |
اتفق معاااگ.. بالتوفيق للجميع.... |
ياليت نشوف يحيي المسلم اساسي علشان يتعلم ماجد المرشدي ان المشاركه اساسي يبيله شغل |
اتفق معاااگ.. بالتوفيق للجميع.... |
فيهه لآعبين جآء الوقت عشآن يستريحون و يريحونآ منهم .. و آولهم المرشدي اللي كل سنهه يكون آسوآ من اللي قبلهآ |
العنوان فيه غلط مطبعي اظن :d ,, على العموم مافي شك كلامك بالصميم لاعدمنا الجماهير الي مثلك يعني من جد وش يحس به الي يسفل بالملعب يعني بيصير المرشدي ولا غيره سوبر مان مثلا ههههههههههههه |
ياحبيبي فكنا من المواضيع هذا اللي مالها داعي لو سمحت !! وتبينا نسير كما الدوريات الاوربية اجل هاه ؟! طيب حنا سوينا زيهم 3 سنين خلاص ياخي طفح الكيل ؟؟!! الى متى يعني نقعد نصبر عليه وينكبنا في اسيا وينكبنا بالدوري وينكبنا في ولد العهد معقولة كل مباراة لازم يغلط فيها ؟! خلاص ياخي ينقلع ويفكنا منه ومن نكباته .. يجلس جلسة مصارحة مع الامير عبدالرحمن بن مسااعد ويتفاهم معه ويقعد شهرين تدريب مع المدرب وبدون لايكون لا اساسي ولا احتياطي ولانبي نشوف وجهه لين تجي مباراة ودية بعد شهرين ونشوف مستواه اما بمستواه ذا لا معليييييييش انا باقي صغير وانرفع ضغطي ودي اكسر الجوال على رااسه فكونا من التطبيل حقكم ذا اللي لايفيد .. لازم يحس اللاعب بالمسؤولية ويراجع نفسه ويفكنا من شره .. لازم يحسن من مستواه(بعيداً عن الهلال رجااااء) واذا هو مصر على قلة الحياء حقته .. يوقع مخالصة نهائية ويفكنا ! إلى متى بتبلشوننا المدرشدي المرشدي المرشدي المرشدي ؟!! كل المنتدى صار مرشدي اعووذ بالله ياخي يحيى المسللم مدااافع كفو (ماشالله عليه ) ومانجان بتمشي اموره ان شاء الله وعبدالله الدوسري والزوري صار كويس والبيشي والشهراني والغناام محور ويلعب قلب دفاع خلاص بالله وين المرشدي بينهم ؟؟؟!!! ياخي فريقنا كويس والله كويس شف الوسط ماشالله وهجومنا نااار صار مع ويسلي والكوري والجهني لازم يعني المرشدي التبن يجي ويخرب علينا ؟؟! الله يرحم والديكم فكونا منه جاب لي الهم والمرض بديت اشك انه يستلم مباالغ مالية من فرق ثانية عشان ينكبنا لان مو معقول بصرااحة اللي قاعد يسير اخطاء اخوي الصغير مايسويها !! |
| الوقت المعتمد في المنتدى بتوقيت جرينتش +3.
الوقت الان » 09:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd